Ri Jeremiy 23:4 - Quiché Bible

⁴ Quebencoj c'u na ajyuk'ab ri quechajinic, rech ma ta c'o jas ri caquixibij ta wi na quib mawi c'o ta jun cäsach ta na chque. In, ri Ajawaxel, quinjiquiba' u bixic.”

Ri Jeremiy 23:4 Referans Kwoze

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.

Ri Xuan 18:9

Je xubij rech catz'akat na ri tzij ri u bim canok: “Ri winak ri xeya' la chwe, man c'o ta jun xintzak chque.”

Ri Xuan 17:12

Aretak xinc'oji' cuc', xebenchajij pa ri bi' la ri xeya' la chwe, xebenbechajij. Man c'o ta jun chque xsach qui wäch, xane' xuwi ri ralc'ual sachbal wäch, rech cäbantajic jas ri cubij ri Tz'ibatalic.

Ri Miquey 5:2

Are c'u ri at Belen Eprat, man nim ta a k'ij chquixo'l ri nimak qui k'ij pa Juda, chawe at quel wi na jun takanel ri catakan na puwi' ri Israel ri petinak che jun ojer alaxic.”

Ri Jeremiy 33:26

mawi jubik' chinwetzelaj ta na qui wäch ri e rija'lil ri Jacob xukuje' ri e rech ri David ri pataninel wech, mawi quinya' ta c'olbal chi quebesax ta chquixo'l ri quetakan paquiwi' ri e rija'lil ri Abraham, ri Isaac xukuje' ri Jacob. Rumal rech chi ri in quel na nu c'u'x chque quinban c'u na chi caq'uextaj ri caquitaklebej.”

Ri Jeremiy 31:10

Nimak tak tinimit, chitatabej ri u tzij ri Ajawaxel chiya' u bixic pa ri naj tak tak'aj: ‘Ri Ajawaxel xujabuj ri Israel, cumulij c'u na cuchajij c'u na jacha' ri cuban ri ajyuk' che qui chajixic tak ri e u chij.’

Ri Jeremiy 30:10

“In, ri Ajawaxel, quinjiquiba' u bixic: man caxe'j ta awib u tinimit ri Jacob pataninel wech; man caxe'j ta awib, Israel, ri at xukuje' ri e awalc'ual quixintor na pa u k'ab we najalaj ulew ri' ri ix c'o wi. Catejujayir na pa jamaril, man c'o ta elebal ch'u'j, man c'o ta jachin catxibinic.

Ri Isaiy 11:11

Pa ri k'ijol ri' cuc'ut chi na jumul ri u cuinem ri Ajawaxel, quebumol chi na ri e u tz'akatil ri u tinimit ri e to'tajinak canok, quebutzelej ulok caquiya' can ri Asiriy xukuje' ri Ejipt, ri Patros, ri Etiopiy, ri Elam, ri Sinar, ri Hamat xukuje' tak ri tinimit ri e c'o chu chi' ri plo.

Ajilanic 31:49

xquibij c'u che: “Uj ri uj pataninel awech e kajilam ri ajch'ojab ri e c'o chquixe' ri ka takanic, man c'o ta c'u jun ri ma ta c'olic.

Ri Miquey 7:14

¡Ajawaxel, chajij la ri tinimit la, ri e chij la ri e ech la, ri e c'o qui tuquiel pa ri c'ache'laj, ri e sutital quij cumal wächinelalaj tak ulew! Chec'ama' la bic jacha' ri xban la chque pa ri ojer tak k'ij, pa tak ri echabal ri c'o pa Basan xukuje' pa Galaad.

Aj Levitib 26:9

Quinya' c'u na nu wäch chiwe, quinbano chi quixpok'colijic, quixq'uiyir c'u na, quinjekeba' na ri nu c'ulwächinic iwuc'.

Ri Ezequiel 36:11

Quinban na chi queq'uiyir ri achijab chixo'l xukuje' tak ri awaj, sibalaj c'u che pok'ok. Q'uialaj winak quec'oji' na jacha' ri nabe, are c'u ri ix utz quixc'oji' na chuwäch ri i banom can nabe. C'äte ri' qui ch'ob na chi in ri' ri Ajawaxel.

Ri Miquey 4:4

Conojel c'ut quejeki' na man c'o ta chi jachin quexibinic, chquijujunal quecuin na que uxlan chuxe' ri u mujal ri u uva xukuje' chuxe' ri u che'al ri u higo. ¡Kas u tzij wa ri Ajawaxel ri c'o ronojel u cuinem!

Ri Soponiy 3:13

Ri queto'taj can che ri tinimit Israel man caquiban ta chi c'ut ri man suq'uilal taj, mawi quequibij chic banoj tak tzij, mawi quequinojisaj ta chic ri qui chi' chque tak jech'balil. Cuya' qui tzuktzubej iwib xukuje' quixuxlanic man c'o ta chi jun xe'n ib.”