Ri Jeremiy 23:3 - Quiché Bible

³ Kas in c'ut quebenc'am na ulok tak ri e nu chij ri e to'tajinak pa tak ri ulew ri xinban wi chque chi xebanimaj wi bic, quebenmulij na quinban c'u na chque chi quetzelej na ulok chquipam tak ri quecha', rech sibalaj queq'uiyir tak na ri cal.

Ri Jeremiy 23:3 Referans Kwoze

Ri Jeremiy 32:37

Quebenmulij ri e u winakil chquixo'l tak ri ulew jawije' tak ri xebenjabuj wi aretak xinnoj che c'anal, oyowal xukuje' k'ak'al, quebentzelej c'u na ulok chupam we c'olbal ri' rech quec'oji' pa utzil chupam.

Ri Jeremiy 29:14

Je, in quinya' c'u na c'olbal chiwe chi quiniriko, quinban c'u na chi quinq'uex ri qui taklebej: quixinwesaj na chquixo'l ri nimak tak tinimit xukuje' pa tak ri c'olbal jawije' tak ri xixinjabuj wi, quixinmulij c'u na quinban c'u na chi quixtzelej chupam we c'olbal ri' ri xixinwesaj wi bic. In, ri Ajawaxel, quinjiquiba' u bixic.’

Ri Jeremiy 30:3

rumal rech chi cäpe na ri k'ij chi quinq'uex na ri cuc'ulmaj ri nu tinimit Israel xukuje' ri Juda. In, ri Ajawaxel, quinjiquiba' u bixic. In quinban na chque chi quetzelej chupam ri ulew ri xinya' chque ri e qui mam jacha' che quechbal.”

Ri Ezequiel 11:17

Chabij chque xukuje': ‘Are' wa' ri cubij ri Ajawaxel: Ri in quinban na chque chi quebel ulok pa tak ri ulew, pa ri e nimak tak tinimit jawije' tak ri e nu jabum wi, quebenmulij c'u na quinya' chi c'u na ri rulew ri Israel chque.

Ri Jeremiy 31:8

Quenbana' chiwe chi quixtzelej ulok quiya' can ri ulew re ri iquiak'ab ri elebal k'ij, quixenmulij c'u na ulok pa ri q'uisbal u jutz' ri uwächulew. Quecachilaj ulok ri moyab xukuje' tak ri ch'ocojib, ri ixokib ri e yawab tak winak chic xukuje' ri c'äte xec'oji' tak cal; ¡ri quetzelej ulok e jun tinimit winak!

Salmib 106:47

¡Chujto'tajisaj la, Ajawaxel, xukuje' ka Dios! ¡Chujesaj la chquixo'l ri nimak tak tinimit rech cäkaya' u k'ij ri tastalicalaj bi' la, rech cujquicot che u ya'ic k'ij la!

Ri Ezequiel 36:24

In quixinwesaj na chquixo'l tak we nimak tak tinimit ri' xukuje' tak ulew; quixinmulij na quinban na chiwe chi quixtzelej pa ri iwulew.

Ri Ezequiel 36:37

“In, ri Ajawaxel, quinbij: C'o chi c'u na ri quenbana' na. Quinya' c'u na che ri tinimit Israel ri cutz'onoj chwe chi quinban chque; quebenq'uiyirisaj na ri u winak jacha' jumulaj chij.

Ri Miquey 7:12

Petinak chic ri k'ij aretak quepe na conojel ri winak che awilic: c'ä pa Asir c'ä pa Ejipt, c'ä ruc' ri nima' Nil c'ä ruc' ri Euprats, chuchi' ri plo c'ä chuchi' ri plo, chuchi' ri juyub c'ä chuchi' ri juyub.

Ri Jeremiy 8:3

Ri quec'asi' can chque we itzel tak winak ri', pa apachique ta c'u ne c'olbal ri querik taj wi aretak e nu jabum chic, are caquirayij na quecämic chuwäch chi quec'asi'c. In, ri Ajawaxel Dios ri c'o ronojel nu cuinem, quinjiquiba' u bixic.”

Ri Jeremiy 30:10

“In, ri Ajawaxel, quinjiquiba' u bixic: man caxe'j ta awib u tinimit ri Jacob pataninel wech; man caxe'j ta awib, Israel, ri at xukuje' ri e awalc'ual quixintor na pa u k'ab we najalaj ulew ri' ri ix c'o wi. Catejujayir na pa jamaril, man c'o ta elebal ch'u'j, man c'o ta jachin catxibinic.

Ri Jeremiy 31:7

Cächa ri Ajawaxel: “Chixbixon rumal quicotemal xukuje' jajatem rumal ri u tinimit ri Jacob, ri nim na u k'ij chquixo'l conojel ri nimak tak tinimit. Chibana' chi chtataj ri qui bixoj xukuje' chibij c'ut: ‘Ri Ajawaxel xucol ri u tinimit ri to'tajinak can che ri Israel.’

Ri Jeremiy 46:27

“Maxe'j awib u tinimit ri Jacob, pataninel wech; man caxe'j ta awib, Israel. Ri at xukuje' ri e awalc'ual quixinto'tajisaj na quixinwesaj na pa u k'ab we najalaj ulew ri' ri ix yo'm chupam. Catjeki' chi na pa jamaril, man c'o ta c'u jachin catslabenic, man c'o ta c'u jachin catxibinic.

Aj Levitib 26:9

Quinya' c'u na nu wäch chiwe, quinbano chi quixpok'colijic, quixq'uiyir c'u na, quinjekeba' na ri nu c'ulwächinic iwuc'.

Ri Jeremiy 16:15

xane' caquibij na: ‘Rumal ri u c'aslemal ri Ajawaxel ri xebesan ulok ri aj israelib chupam ri ulew ri c'o pa ri iquiak'ab xukuje' chquipam ri niq'uiaj tak ulew chic ri e u jabum tak wi'’. In quinban na chi quixtzelej chupam ri iwulew, chupam ri ulew ri xinya' chque ri e i mam.

Ri Jeremiy 50:19

Quinban c'u na chi ri Israel cätzelej chupam ri rulew, jacha' c'ut jun chij quec'oji' na q'ui recha' pa ri Carmel, pa Basan, chupam ri c'achelajalaj rulew ri Eprain xukuje' pa Galaad.

Ri Ezequiel 36:11

Quinban na chi queq'uiyir ri achijab chixo'l xukuje' tak ri awaj, sibalaj c'u che pok'ok. Q'uialaj winak quec'oji' na jacha' ri nabe, are c'u ri ix utz quixc'oji' na chuwäch ri i banom can nabe. C'äte ri' qui ch'ob na chi in ri' ri Ajawaxel.

Ri Miquey 2:12

Quenmulij ronojel ri u tinimit ri Jacob; quenmolo' ri ch'utinalaj quieb oxib aj israelib ri e canajinak. Quebenmulij na e jacha' chij chupam ri qui warabal, jacha' jumulaj chupam ri yuk'bal, quetilil c'u na e jacha' jumulaj winak.