Ri Jeremiy 23:16 - Quiché Bible

¹⁶ Cächa ri Ajawaxel ri c'o ronojel u cuinem: “Aj israelib, miya' i xiquin che ri cäquibij ri e k'axal tak tzij. Ri caquibij xa' e banoj tak tzij, jastak ri xak pa tak qui jolom cäpe wi, chi ri in man nu yo'm ta u bixic chque.

Ri Jeremiy 23:16 Referans Kwoze

Ri Jeremiy 14:14

Are c'u ri Ajawaxel xutzelej u bixic chwe: We je caquibij wa' ri e k'axal tzij pa ri nu bi', xa' cätajin caquiban banoj tzij. In man e nu takom ta bic, mawi nu yo'm ta jun takanic chque mawi ta ne e nu tzijobem. Xa' e u cawäch tak k'alajisanic, subunelalaj tak c'utwächinic, xak pa qui jolom e q'uiyinak wi. E are tak wa' ri quequiya' quibixic we e k'axal tak tzij ri'.

Ri Ezequiel 13:6

Ri qui c'utwächinic xa' e u cawäch xukuje' tak ri tzij ri quequik'axej xa' e banoj tzij. Caquibij chi in in bininak chque, man e nu takom ta, c'u bic. ¡Caqueyej c'ut chi quebetz'akat tak ri qui tzij ri e qui bim!

Ri Matey 7:15

“Chichajij iwib chquiwäch ri winak ri cäquijaluj quib chi e k'axal tak tzij. Ri e are quebul iwuc', je ta ne e chij, are c'u ri chquipam e tokinelab tak utiw.

Ri Ezequiel 13:3

¡Tok'ob qui wäch ri conalaj tak k'axal tzij caquitakej ri xak are' cäbin ri canima' chque ri man c'o ta jun kas c'utwächinic caya' chque!

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

Ri Jeremiy 23:21

“In man xebentak ta bic tak we e k'axal tzij ri', mawi c'u ne xintzijon ta cuc', we winak ri' quexiq'uinic xebel bic xebetzijon pa ri nu bi'.

Ucab Ajawinelab 17:15

man nim ta xequil tak wi ri e u pixab, xukuje' ri c'ulwächinic ri xuban cuc' ri e qui mam, xukuje' tak ri takanic ri e u yo'm tak chque. Xeteri c'u chquij tak diosib ri man c'o ta jubik' qui cuinem, ri cumal c'u wa' xequitzak ri qui cuinem, are c'u xquiban quech jas ri xquiban tak ri winak ri e c'o che qui c'ulja, ri u bim ri Ajawaxel chque chi man cäquiban taj.

Ri Miquey 2:11

We c'o jachin jun cuban banoj tzij, cubij c'ut: “In quinya' u bixic u wa'l uva xukuje' tzam”, are' k'axal tzij wa' ri takal che we tinimit ri'.

Ri Jeremiy 23:26

¿C'ä jampa' lo we e k'axal tak tzij ri' caquitakej na quibixic subunic ri xak pa qui jolom queq'uic tak wi?

Ri Ezequiel 22:28

Ri e k'axal tak tzij caquic'u' ri kastzij, jacha' ri cuban jun winak cuchunaj jun tapia; caquibij chi quequil c'utwächinic, quequiya' qui bixic jastak ri man je ta quebelic. Caquijiquiba' u bixic chi quech'aw pa ri nu bi', kas c'u ne tzij ri in man in ch'awinak taj.

Ri Ezequiel 13:23

Rumal ri' ri ix man quebitakej ta chi na quilic cawäch tak c'utwächinic mawi quebik'axej ta chi tzij ri xa' e banoj tak tzij. In quebento'tajisaj quebenwesaj na ri nu tinimit pa i k'ab, quich'ob c'u na ix chi in ri' ri Ajawaxel.’ ”

Ri Ezequiel 13:16

we e k'axal tak tzij aj israelib ri quequil u cawäch tak c'utwächinic caquibij c'u che ri Jerusalen ronojel utz benak, kas c'u ne tzij man je taj jas ri caquibij.’ In, ri Ajawaxel, quinjiquiba' u bixic.”

Ri Jeremiy 29:8

In, ri Ajawaxel ri c'o ronojel u cuinem, ri u Dios ri Israel, quinya' u bixic wa' chiwe: Miya' iwib chi quixquisub ri e k'axal tak tzij xukuje' ri ch'obanelab ri e jekel chixo'l ix; miya' i xiquin chque tak ri ichic' ri quequibanala'.

Ri Jeremiy 9:20

Ixokib, chitatabej ri u tzij ri Ajawaxel, kas chitatabej ri cubij chiwe. Chebitijoj tak ri e iwal ixokib che u banic ok'ej xukuje' ri e canima' quib cuc' je juyuwem wa' chiquiba' na':

Ri Jeremiy 2:5

Ri Ajawaxel cubij chiwe: “¿Jas ri lawaloyil xquirik ri e i mam pa ri in chi xenajtin chwe? Xebe chquij tak diosib ri man c'o ta qui patan, xukuje' c'u ri e are' xebux man c'o ta qui patan.

E C'ambal tak Tzij 19:27

Nu c'ojol, we man catoc il che ri k'iloj ib catas na awib chquij ri utzalaj tak yo'w no'j.

Romanos 1:21

Pune' ta ne xquich'ob u wäch ri Dios, man xquinimarisaj ta u k'ij jas ri takal che ri Dios, mawi xemaltioxin che. Xane' xquiban ri u chomanic ri canima', ri man c'o ta qui patan. Xk'ekumar c'u ri canima' ri man cäraj taj cäch'obonic.

Ri Jeremiy 9:12

¿Jachin ta ri sibalaj c'o u no'j che u ch'obic wa'? ¿Jachin che xuya' wi ri Ajawaxel qui ch'obic we jastak ri', rech are' ta ri cäcuin che qui k'alajisaxic chque ri niq'uiaj chic? ¿Jasche etzeletajinak ri ulew, chaki'jarinak jacha' jun chaki'j uwo sak ri man coc'ow ta wi jun winak?

Juyuwem 2:9

Ri tinimit man e c'o ta chi tz'apibal u chi' mawi e c'opibal tak rech: ¡Xepak'ix tak canok xepobax can tak cho ri ulew! Ri rajawinel xukuje' ri e u k'atal tak tzij e c'o chquixo'l tak ri e k'ijilal tak diosib; man c'o ta chic ri u pixab ri Dios. ¡Mawi ta ne tak ri k'axal tak u tzij quequil ta chic c'utwächinic ri cuya' ta ri Ajawaxel chque!

Nabe Ajawinelab 22:11

Ri Sedequiy, u c'ojol ri Quenaan, e u banom jutak uc'a' re räx ch'ich', curak c'u u chi': “¡Jewa' u bim ri Ajawaxel: ‘Cuc' tak we uc'a' ri' quebacämisaj na ri aj siriyab c'ä cäq'uis na tzij paquiwi'!’ ”

Ucab Tzijobelil 18:5

Ri ajawinel re Israel xebumulij tak ri e k'axal tak tzij, ri e quiejeb sient, xuc'ot c'u qui chi': “¿La cujbe che u banic ch'o'j ruc' ri Ramot re Galaad, o man cujbe taj?” Ri e are' xquitzelej u bixic che: “Choj la jech'ojin la ruc', cujach c'u na ri Ajawaxel pa k'ab la.”

Ri Jeremiy 29:23

U mac rech chi xquiban etzelal pa Israel: xekaj pa tak mac cuc' tak ri quixokil ri cajil quitz'akat, xequibij c'u jastak pa ri nu bi' ri xa' e banoj tak tzij ri man xebentak ta che qui bixic. In, ri Ajawaxel, quinjiquiba' u bixic.’ ”