Ri Jeremiy 23:12 - Quiché Bible

¹² Rumal ri' ri qui be cux na k'ekumalil xukuje' cajililic: in quinban na chi quech'iquimixic chetzak c'ut. Aretak chebenban ajilanic cuc', quinc'am na ulok ri quiäkasakil paquiwi'. In, ri Ajawaxel, quinjiquiba' u bixic.

Ri Jeremiy 23:12 Referans Kwoze

Ri Jeremiy 13:16

Chiya' u k'ij ri Ajawaxel, c'ä majok chuc'ama' ulok are' ri k'ekumalil quipak'ila' c'u iwib ix cuc' xibibalalaj tak juyub; c'ämajok chuq'uexa' are' pa räxcanacojil pa tzatzalaj k'ekumalil, ri chäj ri i weyem.

Ri Jeremiy 11:23

Mawi ta c'u ne jun cäto'taj ta can chque, cäpe c'u na ri k'ij aretak quentok'ij na wa' chiwe ix, winak re Anatot, quinc'am c'u na ulok piwi' ix ri u c'axc'ol.”

E C'ambal tak Tzij 4:19

Are' c'u ri qui be ri banal tak etzelal xa k'ekumalil; ¡Mawi ne queta'm jas ruc' cäquipak'ij wi quib!

Salmib 35:6

¡Chux k'eku'm ri qui be xukuje' cäjililic, e okatatal c'u rumal ri u tako'n ri Ajawaxel!

Ri Xuan 12:35

Ri Jesus xubij chque: “Xa jubik' chic c'o ri chäj chixo'l. Chixbinok utz c'ä c'o ri chäj chixo'l, mixcanaj c'u can pa k'eku'm. Jachin ri cäbin pa k'eku'm man reta'm taj jawije' cäbe wi.

Ri Isaiy 8:22

xukuje' queca'y na cho ri ulew, xuwi c'u quiäkasakil xukuje' k'ekumal cäquiriko, k'ekumal xukuje' bis. Ronojel ch'ukutal rumal ri k'ekumal. Ri u rikom c'ax man cäcuin ta cäto'tajic.

Salmib 73:18

E u tac'abam pa jun c'olbal ri cäjililic, quebuch'icmij c'u na bic pa ri siwan.

Elem 32:34

Jät ba', chebac'ama' bic we winak ri' pa ri c'olbal ri nu bim chawe. Cäc'am c'u na a be rumal ri nu tako'n aj caj. Aretak c'u copan ri k'ij re ri c'äjisan wächaj, quinc'äjisaj na qui wäch rumal ri qui mac.”

Ri Juds 1:13

ri e are' e je ta ne ri u k'et ri u wi' ri plo, quepuluw pa ri caquibano pa ri q'uixbalil. E je ta ne ch'imil ri qui sachom qui be. Ri u k'ekal ri tzatzalaj k'ekumal chque ri e are' ya'tal wi, rech quec'oji' chupam amak'el chbe k'ij sak.

1 Juan 2:11

Apachin c'u ri cäretzelaj u wäch ri rachalal, are ri' c'o pa ri k'eku'm, pa ri k'eku'm cäbin wi, man reta'm taj jawije' ri cäbe wi. Are c'u ri k'eku'm banowinak che chi man cäca'y taj.

Ri Miquey 7:4

Ri utz na chquixo'l xak junam ruc' jun q'uix; ri sibalaj tz'akat pa ronojel, xak junam ruc' ri chocol. Cäpe c'u na ri k'ij ri quetz'akatisax ri ajilanic, ri k'ij ri xuya' u bixic ri yuxlenel chawe. C'äte c'u ri' cajawin na ri yojcorem chquixo'l.

Ri Jeremiy 50:27

¡Chebicämisaj conojel tak ri e rajch'ojab, chixtakan che qui c'amic bic pa ri cämisabal! ¡Tok'ob qui wäch! ¡Xopan ba' ri qui k'ij, ri k'ijol re ri u c'äjisaxic qui wäch!

Ri Jeremiy 48:44

Ri man cäkaj ta pa qui k'ab ri tzucunelab cätzak na chupam jun jul, are c'ut ri quel ulok chupam ri jul quekaj na chupam ri c'amibal, rumal rech chi ri in quinc'am na ulok puwi' ri Moab ri k'ijol re ri c'äjisabal u wäch. In, ri Ajawaxel, quinjiquiba' u bixic.

Ri Job 18:18

Quesax bic jawije' c'o wi ri sakilal carokix chupam ri k'ekumalil; quesax na bic chuwäch we uwächulew ri'.

U Camulixic ri Pixab 32:35

che ri k'ij ri quinya' na rajil u q'uexel chque, quinya' c'u ri takal chque, aretak copan ri k'ij re ri qui tzakic, nakaj chi c'u c'o wi ri k'ij re ri u sachic qui wäch, xa co'l man cänakajin ri k'ijol chque.

Salmib 82:5

Ri ix c'ut man iweta'm taj, man quich'ob taj; ix c'o pa k'eku'm. Queyicop ri u tiq'uilibal ri uwächulew.

Juyuwem 2:20

Chila la, Ajawaxel, choc la che u chomaxic chi mawi jumul c'o ta jun ri je ta banom la wa' che. Ri nanaxelab, ¿la quequitij ta na lo tak ri cal ri c'ä quetunic? Ri e cojol tabal tok'ob xukuje' tak ri e k'axal tak tzij ¿la quecämisax ta na lo chupam ri k'ijilabal ri cak'ilax wi la?

Ri Jeremiy 8:12

¡Cheq'uix ta ba' che qui banic ri jastak ri man quebencoch' taj! Man c'u je taj, man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, cäquichak'ij na quib quekaj c'u na jacha' ri jule' chic. In ri Ajawaxel, quinjiquiba' u bixic.’ ”