Ri Jeremiy 23:10 - Quiché Bible

¹⁰ Ri ulew nojinak chque tak winak ri xekaj pa mac ruc' jun winak chic, chque winak ri quexiq'uin che u banic ri etzelal ri quequicoj ri qui cuinem che qui banic tak ri man suq'uil taj. Rumal ri' ri Ajawaxel xuc'okoj ri ulew, xchaki'jar c'ut ri ulew, xec'at tak c'ut ri echa' chupam ri chaki'j uwo sak.

Ri Jeremiy 23:10 Referans Kwoze

Salmib 107:34

ri ulew ri cäwächinic cuq'uex pa rulewal atz'am rumal ri quetzelal ri winak ri e c'o chila';

Ri Jeremiy 9:10

Chebok'ok xukuje' chech'ikowok pa tak ri c'ache'laj, quik'uyuyej jun juyuwem pa tak ri yuk'bal, rumal c'u rech chi e porotajinak chic man c'o ta chi c'u jun coc'ow ta chi chila'; man c'o ta chi qui wunem ri wacax quetatajic, xukuje' tak ri chicop ri querapinic xukuje' ri juyubal tak awaj xebanimaj tak bic.

Ri Jeremiy 9:2

¡C'o ta banom wi c'o ta jun nu jekelibal chupam ri chaki'j uwo sak, rech quinbe naj che ri nu tinimit! Rumal rech chi conojel man queniman taj e jupuk jachanelab ri quieb qui wäch.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Isaiy 24:6

U mac ri' jun c'okonic q'uisowinak tzij puwi' ri uwächulew, ri winak ri e c'o chuwäch caquicoch' ri c'äjisabal wächaj. Rumal ri' benak qui q'uisic ri winak re ri uwächulew, man e q'ui ta chic ri e canajinak.

Santiago 4:4

¡Ix ri man ix jic taj chrij ri Dios! ¿La ma ta iweta'm chi jun ri carachilaj ri uwächulew, are ri' u c'ulel ri Dios? Jachin c'u ri cäraj cärachilaj rib ruc' ri uwächulew, cucoj rib che u c'ulel ri Dios.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

1 Timoteo 1:10

ri cäquiban macunic cuc' ixokib achijab, ri achijab ri cäquiban ixok che jun cach' achi, ri eläk'al tak winak, ri e banal tak tzij, ri man cäquiban ta ri qui bim ruc' kastzij, xukuje' chque conojel ri cäquiban apachique jasach chic ri man je taj cubij ri utzalaj tijonic ri man c'o ta etzelal che,

Ri Joel 1:10

Ri e ticonijibal e tolonic; ri ulew e c'o pa bis. Ri trico sachinak u wäch, ri ticbal tak uva e chaki'jarinak xukuje' tak ri qui che'al tak aseitun e yututurinak.

Ri Jeremiy 14:2

“Ri Juda cok'ic rumal bis, ri u tinimit tak e c'o chupam ri rikoj c'ax, ri winak e liq'uiloj chotak ri ulew. Ri Jerusalen curakakej u chi' rumal ri k'oxomal.

Ri Jeremiy 7:9

Quixeläk'ic, quixcämisanic, quixkaj pa mac ruc' jun winak chic, xak lok' quiban ri chi'nic ri kas cäban na, quebichi'j c'oc' k'ol che ri Baal, quebiya' k'ijilanic chque tak diosib ri man c'o ta iwe ix chque,

Aj Levitib 5:1

“We c'o jun winak cäsiq'uix che u k'alajisaxic ri xrilo o xuto, man cuya' ta c'u u bixic, cuban jun macaj rajawaxic c'ut are' queka'n na ri chak'maquil.

Ri Isaiy 5:18

Tok'ob i wäch ix ri cuc' banoj tak tzij quijururej ri etzelal, quijururej ri mac jacha' ri cuban ri cujururej jun carwaj.

Ri Jeremiy 9:12

¿Jachin ta ri sibalaj c'o u no'j che u ch'obic wa'? ¿Jachin che xuya' wi ri Ajawaxel qui ch'obic we jastak ri', rech are' ta ri cäcuin che qui k'alajisaxic chque ri niq'uiaj chic? ¿Jasche etzeletajinak ri ulew, chaki'jarinak jacha' jun chaki'j uwo sak ri man coc'ow ta wi jun winak?

Ri Jeremiy 12:11

Xquiban can chaki'j uwo sak che xukuje' xquitoloba' canok, quinwil c'ut in chi carok'ebej rib. Ronojel ri ulew uxinak chaki'j uwo sak, man c'o ta c'u jun coc ta il che.

Ri Osey 7:4

Conojel c'ut xekaj pa mac cuc' niq'uiaj winak chic; e jacha' ri jorno, aretak t'iktajinak chic ri aj jorno man culu' ta chic c'ä cak'ob na ri k'or.

Ri Esdras 10:18

Ri e cojol tabal tok'ob ri xeriktajic ri e c'ulan cuc' tak ixokib ri man e qui winakil taj, e are' tak wa': Chque ri e rija'lil ri Jexu, u c'ojol ri Josadac, chque c'ut ri e rija'lil: ri Maasiy, ri Eliezer, ri Jarib xukuje' ri Jedaliy,

Ri Jeremiy 6:13

Conojel, chinimak chi ch'utik, xuwi caquichomaj ri ch'äcoj rumal subunic; e k'axal tzij xukuje' e cojol tabal tok'ob, conojel quequiban t'orinic.

Ri Soponiy 3:4

Ri e k'axal tak tzij ri e c'o cuc' e nimol tak quib, e jachinelab quieb qui wäch; ri e u cojol tabal tok'ob cäcawasij ri k'ijilabal man caquiya' ta u k'ij ri u pixab ri Ajawaxel.