Ri Jeremiy 22:3 - Quiché Bible

³ Chibana' ri suq'uilal chupam we c'olbal ri' xukuje' ri colomal, chito'tajisaj ri cat'orixic pa u k'ab ri t'orinel, misub ri man i winakil taj, ri minorib xukuje' ri malca'nib. Mebicämisaj winak ri man c'o ta qui mac.

Ri Jeremiy 22:3 Referans Kwoze

Ri Miquey 6:8

Ri Ajawaxel u bim chic chawe o winak, jachique ri' ri utz xukuje' jachique ri careyej ri are' chawe: chi chabana' ri suq'uilal, xukuje' chi chatux jic xukuje' xa jun awanima' xukuje' chi chanimaj ri a Dios ruc' mach'ibalil.

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Santiago 1:27

Ri k'ijilanic che ri Dios ri kas ch'ajch'oj, ri man tz'ajtal ta chuwäch ri Dios Tataxel are wa': Chi quekilij ri malca'nib xukuje' ri man c'o ta chic qui tat qui nan, ri e c'o pa c'axc'olil, xukuje' chi cäkachajij kib man cakatz'aj ta kib, man cakaban ta ri etzelal re ri uwächulew.

Ri Ezequiel 22:7

Ri e a winak man nim ta quequil wi ri qui tat mawi ri qui nan, caquiban c'ax chque ri man e qui winakil taj, quequit'orij ri man c'o ta chic qui tat qui nan xukuje' ri malca'nib.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Joel 3:19

Ri Ejipt cäcanaj na pa etzeletajic, are c'u ri Edom caq'uextaj na pa jun chaki'j uwo sak, rumal rech chi xquiban c'ax chque ri winak ri aj Juda xquitix c'ut ri quic' ri man c'o ta u mac pa ri culew.

Ri Jeremiy 9:24

We c'o jun caraj cunimarisaj u k'ij, chunimarisaj u k'ij che retamaxic nu wäch, che retamaxic chi in ri' ri Ajawaxel, ri quinpatanin cho ri uwächulew ruc' lok'ok'ebal c'uxaj suq'uilal xukuje' colomal, are c'u wa' ri cäkaj chnuwäch in. In, ri Ajawaxel, quinjiquiba' u bixic.”

Ri Jeremiy 5:28

e k'obinak c'ut xukuje' utz qui tzuktzubexic banom. Ri quetzelal man c'o ta u c'ulbatil: man caquiban ta ri suq'uilal che ri minorib mawi caquiya' u k'ij ri takal u banic chque ri mebayib.

Ri Isaiy 1:23

Ri e a takanelab man e tal ta tzij, e junam qui wäch cuc' ri eläk'omab. Conojel cäquic'ayij quib rumal puak xukuje' cäquitzucuj chi c'o cäsipax chque. Man cäquiban ta tok'ob che ri minor, mawi c'o cubij qui c'u'x che u to'ic ri malca'n ixok.

E C'ambal tak Tzij 23:10

Maq'uex qui c'olbal ri ojer tak c'ulbat, mawi matoc pa ri culew ri minorib,

Salmib 68:5

Ri Dios, ri jekel pa ri tastalicalaj rachoch, are' qui tat ri minorib xukuje' are' to'l quech ri malca'nib;

Ucab Ajawinelab 24:4

xukuje' rumal ri quic' ri xutixo ri man c'o ta u mac ri xunojasibej rech ri Jerusalen. Rumal rech wa' ri Ajawaxel man xraj ta chic xusach ta chic u mac.

U Camulixic ri Pixab 24:7

We cäriktaj jun aj israel cätajin cäreläk'aj bic jun u winakil rech cucoj che u lok'om pataninel rech o cuc'ayij bic, cätak u cämisaxic, rech cäq'uis u wäch ri etzelal ri c'o chixo'l.

Ri Jeremiy 26:16

E are' tak c'ut ri e c'amal tak be xukuje' ri tinimit xquibij chque ri e cojol tabal tok'ob xukuje' chque tak ri e k'axal tzij: “Man c'o ta rumal rech cäc'okox ta we achi' ri' rech cäcämisaxic; uj u tzijobem pa ri u bi' ri Ajawaxel ri ka Dios.”

E C'ambal tak Tzij 6:17

ri bak'wächaj ri quequiban nimal, ri ak'aj ri banal tzij, ri k'abaj ri quebucämisaj winak ri man c'o ta qui mac,

Salmib 94:21

cäquitzucuj u cämisaxic ri man c'o ta u mac, tz'akat c'u ne pa ronojel, cäquicokoj che cämical.

Salmib 94:6

Quequicämisaj malca'nib xukuje' ri man e qui winakil taj; xukuje' quequicämisaj ri e minorib.

Ri Job 24:9

Quequitokij ri cal tak ri malca'nib ri c'äte ri' xebalatajic, quequic'am c'ut ri catz'iak ri mebayib che kajebal.

Ri Job 22:9

Man c'o ta jas caya' bic chque ri malca'nib aretak quepe awuc' e a yo'm c'ut ri minorib pa c'ax.

Ucab Samuel 23:3

Ri u Dios ri Israel ch'awinak; ri to'l rech ri Israel u bim chwe: ‘Ri cuk'at tzij paquiwi' ri winak ruc' suq'uilal, ri cuk'at tzij chupam ri xe'n ib chuwäch ri Dios.

U Camulixic ri Pixab 27:19

‘C'okotajinak ri winak ri cuban jun jasach ri man suc' ta che jun winak ri man u winakil taj, o che jun malca'n, o che jun minor.’ Conojel ri tinimit cäquibij na: ‘Je chelok.’

U Camulixic ri Pixab 25:1

“Aretak c'o jun ch'o'j chixo'l, rajawaxic quixbe pa k'atbal tzij rech cäk'at tzij piwi', ri e k'atal tak tzij cäquik'alajisaj na jachin ri man c'o ta u mac, cäquic'äjisaj c'u na u wäch ri c'o u mac.

U Camulixic ri Pixab 10:18

ri cuban suc'alaj k'atan tzij puwi' ri minor xukuje' ri malca'n; ri quel u c'u'x, cuya' u wa' xukuje' ratz'iak ri man u winakil ta ri jekel chixo'l.

Aj Levitib 19:15

Maban ri man suq'uilal taj aretak caban ri a k'atan tzij: mawi mato' u wi' ri tukar, mac'ayij a wib pa u k'ab ri c'o u cuinem. Are kas chabana' ri suq'uilal aretak caban ri k'atan tzij.

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

Elem 22:22

Maban c'ax chque ri malca'nib, mawi chque ri minorib,

Ri Matey 23:23

¡C'ax iwech, ajtijab re ri pixab xukuje' pariseyib! ¡Xa' quieb i wäch! Quiya' ri u lajujil ri k'ebum, ri anix, ri comin. I yo'm c'u can ri nim na u banic ri c'o pa ri pixab ri rajawaxic na, ri suq'uil, ri elebal i c'u'x, ri cojonic. Rajawaxic qui banic we jastak ri', man quiya' ta c'u can ri u banic ri jun chic.

Elem 22:21

Maban c'ax che ri rokxanim rib awuc', xa c'u xiwokxanij na iwib ix pa Ejipt.

Ri Isaiy 58:6

Man are ta wa'. Ri man u tijic ta wa'im ri cäkaj chnuwäch in, are wa': chi quebat'okopij ri tikom tak ch'ich' re ri man suq'uil taj, chi quebaquir ri t'ur ri e jat'ininak ri winak chi quebatzokopij bic ri winak ri qui rikom c'ax, xukuje' chi quitanaba' u banic c'ax;

Ri Isaiy 58:7

xukuje' chi caya' u wa ri cänumic, chi cac'amowaj cho awachoch ri meba' ri man c'o ta rachoch chi caya' ratz'iak ri man c'o ta ratz'iak, chi man cak'il ta awib che u banic tok'ob chque ri awajil a tz'akat.

Ri Jeremiy 7:23

Are c'u ri takanic ri xinya' chque are wa' chi che niman chwe; we c'u je cäquiban wa' quincanaj ri' che qui Dios are c'u ri e are' quecanaj ri' che nu tinimit. Xinbij c'u chque chi je chiquibana' jacha' ri takanic ri xinya' chque, rech utz caquitaklebej.

Ri Jeremiy 19:4

Rumal rech chi ri aj israelib xinquitzak canok xquijalwächij c'ut we c'olbal ri' pa jun ulew chic; chupam xquichi'j wi c'oc' k'ol chque tak ri e jule' diosib, ri man quetamam ta qui wäch mawi ri e are' mawi ri e qui mam mawi tak ri e ajawinelab re Juda, xquinojisaj c'u che qui quiq'uel winak ri man c'o ta qui mac.

Juyuwem 3:36

ri u jech'obisaxic ri u banic ri suq'uilal puwi' jun il e jastak wa' ri quebuc'okoj ri Ajawaxel.

Ri Ezequiel 18:12

ri cuban c'ax che jun meba' xukuje' che ri c'o cajwataj che, ri quereläk'aj ri jastak quech ri rajil u tz'akat, ri man quebutzelej taj ri kajebal ri u c'amom chque ri c'o qui c'as ruc', ri cujiquiba' u c'u'x chquij ri subunelab tak diosib quebuban c'u jastak ri itzel quebenwilo,

Ri Ezequiel 45:9

“In, ri Ajawaxel, quinbij: ¡Ruc' wa', k'atal tak tzij re Israel! ¡Chitanaba' ri tokinic xukuje' ri t'orinic! ¡Chibana' ri suq'uilal xukuje' ri colomal! ¡Chitanaba' reläk'axic ri ulew che ri nu tinimit! In, ri Ajawaxel, quinya' takanic chi cabanic.

Ri Amos 5:24

Are ta c'u chbelel ri suq'uilal jacha' ri ja', xukuje' ri tz'akatil pa ronojel jacha' jun bulbux ja' ri man c'o ta u q'uisic.

U Camulixic ri Pixab 24:17

Miban jun jasach ri man suc' ta che ri man e i winakil taj, mawi chque ri minorib, mawi mic'am ri catz'iak ri malca'nib che kajebal jalomal.

Salmib 82:4

¡Chebiwesaj pa ri c'ax ri tukarib xukuje' ri mebayib, chebito' pa qui k'ab ri e banal tak etzelal!

Ri Ezequiel 18:7

man c'o ta jachin c'u c'axc'obisaj, xane' cutzelej che ri c'o u c'as ruc' ri u c'amom che kajebal; man c'o ta cäreläk'aj che jachin jun; cusiq'uij ri cänumic cuya' re ri u wa xukuje' cuya' ratz'iak ri ch'analic;

Ri Amos 5:15

¡Chiwetzelaj u wäch ri lawaloyil! ¡Are chilok'ok'ej ri u banic ri utzil! Kas chiwila' chi chban ri suq'uilal pa ri k'atbal tzij; craj ne chi' ri Ajawaxel, ri Dios ri c'o ronojel u cuinem, quel na u c'u'x chque ri quec'asi' na canok pa Israel.