Ri Jeremiy 22:21 - Quiché Bible

²¹ In xatinch'abej pa ri k'ijol aretak utz at c'olic, man xawaj ta c'ut xinatatabej. Je a banom ulok wa' kas pa ri walc'alal: ¡Man a yo'm ta a tzij che u tatabexic ri quinbij chawe!

Ri Jeremiy 22:21 Referans Kwoze

Ri Jeremiy 32:30

Kas pa ri chaplebal, ri tinimit Israel xukuje' ri tinimit Juda qui banom ulok amak'el ri man cäkaj ta chnuwäch; ri aj israelib man qui tanabam ta u yaquic woyowal cumal tak ri diosib ri kas e are' xebanow chque. In, ri Ajawaxel Dios, quinjiquiba' u bixic.

Ri Jeremiy 3:25

Kamach'aba' kib, elinak ka q'uixbal, uj ch'ukutajinak che yok'obal, kas aretak c'a uj ch'utik c'a camic, ri uj xukuje' ri e ka mam uj macuninak chuwäch ri Ajawaxel ri ka Dios man ka nimam taj.”

Ri Isaiy 48:8

Ri at man a tom ta qui tzijoxic wa', mawi aweta'm qui wäch, rumal rech chi amak'el at uxinak tz'or. In weta'm chi man at jic taj, chi cäbix chawe chi man catniman taj aretak xatalaxic.

E C'ambal tak Tzij 30:9

we c'u ne c'o u wi' cäto'tajic wuc'; cuya' ri' cäsach la pa nu jolom, quinbij ta c'ut chi man weta'm ta wäch la; we c'u man cubana' chwe cuya' ri' quineläk'ic, quinya' c'u ri tastalicalaj bi' la pa yok'ic.

Ri Ezequiel 20:8

Xa' c'u ne xquiwalijisaj quib chwij, man xcaj ta c'ut xinquitatabej; man xequisachisaj ta c'u qui wäch tak ri xojibalalaj tak qui diosib mawi xequitzak ta apanok ri e diosib re Ejipt. In xinchomaj u kasaxic ri woyowal paquiwi', xinc'äjisaj ta c'u qui wäch pa Ejipt c'ä xjorojob ta na ri woyowal.

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ri Jeremiy 6:16

Ri Ajawaxel cubij che ri u tinimit: “Chixtac'al pa tak ri be chixca'y c'ut, chich'obo' jachique tak ri ojer tak be, ri c'o wi ri utzalaj be; chitakej quirik c'u na ri uxlanem.” Caquibij c'ut ri e are': “Jayi', man cäkaj taj cäkatakej.”

Ri Ezequiel 20:28

Aretak xebencoj chupam ri ulew ri xinban ri chi'nic ri kas cäban na, in chokinak chi quinya' chque, xuwi xtaki' qui wäch che jun juyub ri naj elinak chicaj o juwi' che' ri jewejak u xak, chila' quequichi'j wi tak ri e qui tabal tak tok'ob xukuje' chila' quequiya' wi tak ri qui sipanic ri sibalaj xquiyacbej woyowal, chila' xequiporoj wi tak ri c'oc'alaj tak qui k'ol xukuje' chila' xequijamij wi tak ri qui sipanic re u wa'l uva.

Ri Ezequiel 20:21

Xukuje' c'ut ri calc'ual wa' xquiwalijisaj quib chwij. Man xequinimaj ta ri nu pixab, mawi xequitz'akatisaj qui banic tak ri nu pixab, xcawasij tak ri nu k'ij rech uxlanem. Xinchomaj u kasaxic ri woyowal paquiwi' xinsachisaj ta c'u qui wäch chila' pa ri chaki'j uwo sak, che u jamarisaxic ri woyowal,

Ri Ezequiel 20:13

Xa' c'u ne xquiwalijisaj quib chwij chupam ri chaki'j uwo sak, man xequinimaj taj ri e nu pixab; xequixutuj tak ri e nu takomal ri e nu yo'm chque rech we quequitz'akatisaj, cac'oji' ta qui c'aslemal, xequixok'olij tak c'ut ri nu k'ij rech tak uxlanem. Xinchomaj c'ut u kasaxic ri woyowal paquiwi' che u sachisaxic qui wäch chila', chupam ri chaki'j uwo sak,

Ri Jeremiy 2:31

(Xukuje' c'u ri ix, ri ix re we ija'lil ri' camic, chiya' i xiquin che ri cubij ri Ajawaxel chiwe.) Israel, ¿la in puch uxinak jun chaki'j uwo sak chawe?, ¿jun ulew ri nojinak chque tak mujal? Nu tinimit, ¿jasche cabij: ‘Uj torotalic; mawi jumul cujtzelej chic uc' la?’

Ucab Tzijobelil 33:10

Ri Ajawaxel xutzijobej ri Manases xukuje' ri u tinimit, man c'u xquiya' ta qui xiquin che ri xubij chque.

U Camulixic ri Pixab 31:27

Weta'm c'ut chi ix jun tinimit ri man ix tal ta tzij, ri man coc ta tzij pa i jolom; we c'u ri camic ri c'ä in c'asal chixo'l quic'ulelaj ri Ajawaxel, ¿jas lo ri quiban na ri' aretak in cäminak chic?

U Camulixic ri Pixab 9:24

¡Kas aretak wetamam ulok i wäch, ri ix ix c'ulelaninak ulok che ri Ajawaxel!

U Camulixic ri Pixab 9:7

“Mawi jubik' mäsach pa i jolom chi i c'ulelam ulok ri Ajawaxel ri i Dios pa ri chaki'j uwo sak. Kas aretak xixel ulok pa Ejipt c'ä ix ulinak waral, amak'el ix uxinak man nimanelab ta che.

Salmib 129:1

E q'ui c'axc'ol in oc'owinak kas pa ri walc'alal —chubij ri Israel camic—,

Ri Jeremiy 3:24

Ri q'uixbal tak qui k'ijilaxic ri diosib xuban chke chi ka tzakom ri xecuin ri e ka mam che u rikic kas aretak c'ä uj ch'utik: chij tak, wacax tak, c'ojolab tak, mialaxelab tak.

Ri Jeremiy 13:10

We itzel tinimit ri' cuk'il rib che qui nimaxic tak ri e nu takanic are c'u u takem ri tacalaj u chomanic ri ranima'. Benak che qui terenexic qui diosib winak, che qui patanixic xukuje' che qui k'ijilaxic. Xak junam ruc' ri pas ri', ri man c'o ta chi u patan.

Ri Jeremiy 19:15

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Quebentak na ulok che we tinimit ri' xukuje' chque conojel ri c'ulja tak tinimit conojel ri c'äjisabal tak wächaj ri nu yo'm u bixic chque, quitacarisam c'u quib rech man quequinimaj taj ri nu tzij.’ ”

Ri Jeremiy 48:11

Ri Moab amak'el c'olinak pa jamaril, mawi jumul c'amom bic pa jun ulew chic. Xak junam ruc' ri u wa'l uva ri cäya' c'olbal che cäkaj u xe', ri man cäjamix taj pa jun c'olbal chic, rumal ri' mawi jubik' cutzak ta ri u na'il mawi ri u c'oc'al.

Ri Zacariy 7:7

¿La xa' ma ta e are' junam tak tzij wa' ri xuya' u bixic ri Ajawaxel cumal ri ojer tak e k'axal tzij, aretak ri Jerusalen c'o pa jamaril nojinak c'u chque winak, xukuje' tak c'u e qui banom ri tinimit tak ri e c'o tak che u c'ulja xukuje' tak ri rulewal ri Negueb xukuje' ri lianic?

Ri Jeremiy 2:25

¡Israel, mebe a soc ri awakan catxiquinic man e c'o ta a xajäb, maya' c'olbal chi cachaki'jar ri u pa a kul! Are c'u ri at xabij: ‘Jayi', man bantajel taj; quebenlok'ok'ej ri e jule' quinbe na cuc'.’ ”

Ri Jeremiy 25:3

“Kas pa ri junab oxlajuj ri rajawinic ri Josiy, u c'ojol ri Amon, pa Juda, c'ä camic, ri u bixic, juwinak oxib junab wa', ri Ajawaxel xinuch'abej, are c'u ri in ix nuch'abem jumul xukuje' camul; are c'u ri ix man i yo'm ta i xiquin chwe.

Ri Jeremiy 25:4

Xebutak c'u ulok ri Ajawaxel iwuc' conojel ri e pataninelab tak rech ri e k'axal u tzij, man xebitatabej ta c'ut mawi xebiya' ri i xiquin che qui tatabexic.

Ri Jeremiy 25:7

Are c'u ri camic cubij ri Ajawaxel: ‘Man i yo'm ta c'u i xiquin che ri nu bim chiwe; quiyac woyowal rumal ri quik'ijilaxic diosib ri xak ix ix banowinak, che c'ut ri kas iwetzelal.’

Ri Jeremiy 25:8

Rumal ri' cacha' ri Ajawaxel ri c'o ronojel u cuinem: ‘Man c'u ne i yo'm ta i xiquin chque tak ri e nu bim tak chiwe,

Ri Soponiy 3:2

Man xutatabej taj ri u ch'abal ri Ajawaxel man xujiquiba' ta u c'u'x chrij, man xutzucuj taj ri u Dios.