Ri Jeremiy 22:16 - Quiché Bible

¹⁶ Xuto' qui wi' ri mebayib xukuje' ri man cacuintaj cuto' rib, rumal ri' utz xel pa ronojel. Are wa' ri cäbixic chi are wa' ri retamaxic nu wäch. In, ri Ajawaxel Dios, quinjiquiba' u bixic.

Ri Jeremiy 22:16 Referans Kwoze

Ri Jeremiy 9:24

We c'o jun caraj cunimarisaj u k'ij, chunimarisaj u k'ij che retamaxic nu wäch, che retamaxic chi in ri' ri Ajawaxel, ri quinpatanin cho ri uwächulew ruc' lok'ok'ebal c'uxaj suq'uilal xukuje' colomal, are c'u wa' ri cäkaj chnuwäch in. In, ri Ajawaxel, quinjiquiba' u bixic.”

Ri Isaiy 1:17

¡Chiwetamaj u banic ri utzil, chicojo' i chuk'ab che u banic ri suq'uil, chito' ri u rikom c'ax, chibana' utzil che ri minor, chito' u wi' ri malca'n ixok!”

Ri Tit 1:16

Cäquibij chi queta'm u wäch ri Dios, ruc' c'u ri qui chac cäquik'alajisaj chi man je taj. Itzel quebil wi, man e nimanelab taj. Man quecuin ta c'ut cäcan ta jubik' ri utzil.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Ri Jeremiy 9:16

Quebenjabuj chquixo'l ri nimak tak tinimit ri mawi ri e are' mawi ri e qui tat xquetamaj ta qui wäch; quinban na chi quebokatax ruc' ch'ich' re ch'o'j pa k'abaj, c'ä man c'o ta jun cacanaj ta canok.”

Salmib 109:31

Are' c'u cäch'aw puwi' ri meba', cäresaj pa qui k'ab ri quec'okonic.

Salmib 9:10

Ajawaxel, ri queta'm wäch la cäquicu'ba' qui c'u'x chij la, mawi jumul quebexutuj la canok ri que tzucum che la.

Ri Jeremiy 5:28

e k'obinak c'ut xukuje' utz qui tzuktzubexic banom. Ri quetzelal man c'o ta u c'ulbatil: man caquiban ta ri suq'uilal che ri minorib mawi caquiya' u k'ij ri takal u banic chque ri mebayib.

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ri Xuan 17:6

Nu k'alajisam ri bi' la chquiwäch ri winak ri e cha'om la chquixo'l ri winak ri e aj uwächulew che quiya'ic chwe. E ech la nabe, xeya' c'u la chwe, quinimam c'ut ri tzij la.

Ri Xuan 16:3

We jastak ri' quequiban na, rumal rech chi man cäquich'ob ta u wäch ri Tataxel, mawi cäquich'ob nu wäch in.

Ri Jeremiy 9:3

Amak'el xak e c'o che qui bixic banoj tak tzij e jacha' ta ne chi quequitzokopij tak ch'ab cumal q'uiakbal ch'ab. Chupam ri ulew are cätakan ri banoj tzij man are ta ri kastzij; xa' cätajin quenimatajic, cujiquiba' c'u u bixic ri Ajawaxel: “Man cacaj ta chi c'ut caquich'ob nu wäch.”

Ri Xuan 8:19

Ri e are' c'ut xquibij che: “¿Jawije' c'o wi ri a Tat?” Ri Jesus xubij chque: “Ix man quich'ob ta nu wäch, mawi quich'ob u wäch ri nu Tat. We ta quich'ob nu wäch in, xukuje' quich'ob ta u wäch ri' ri nu Tat.”

Nabe Samuel 2:2

¡Man c'o ta jun ri tastal taj ri man cuban ta etzelal jacha' ri lal, Ajawaxel! ¡Man c'o ta jun cuya' ta to'banic jacha' ri lal, ka Dios! ¡Man c'o ta chi jun we ta ma ta xuwi ri lal!

Salmib 36:10

Chya' la amak'el ri lok'ok'ebal c'u'x la xukuje' ri suq'uilal la chque ri queta'm wäch la, chque ri man quieb ta qui c'u'x.

E C'ambal tak Tzij 31:9

Co chatch'awok, chabana' c'u suq'uil chque; ¡chebato' ri mebayib xukuje' ri man nimak ta qui k'ij!

Ri Miquey 6:8

Ri Ajawaxel u bim chic chawe o winak, jachique ri' ri utz xukuje' jachique ri careyej ri are' chawe: chi chabana' ri suq'uilal, xukuje' chi chatux jic xukuje' xa jun awanima' xukuje' chi chanimaj ri a Dios ruc' mach'ibalil.