Ri Jeremiy 21:5 - Quiché Bible

⁵ Kas in c'ut quinch'ojin na iwuc' ix che i ch'äquic ruc' nimalaj u cojic ri cuinem xukuje' ruc' nicowelalaj oyowal xukuje' nimalaj k'ak'al.

Ri Jeremiy 21:5 Referans Kwoze

Ri Isaiy 63:10

Ri e are c'ut xquiyac quib chrij ri Ajawaxel, xquic'axc'obisaj ri u tastaliquil; rumal ri' xuban u c'ulel chque xuwalijisaj ch'o'j chquij.

Ri Isaiy 5:25

Rumal ri' ri Ajawaxel xpe royowal che ri u tinimit, xuyac ri u k'ab che u c'äjisaxic u wäch. Ri juyub xebirbobic, ri cäminakib xejiljoxin canok jacha' mes pa tak ri be. Man oc'owinak ta c'u ri royowal ri Ajawaxel ri are' c'ä u takem u cojic xib.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Ri Jeremiy 32:17

‘Lal, Ajawaxel, ruc' nimalaj u liq'uic ri cuinem la xban la ri caj xukuje' ri ulew. Man c'o ta jun jasach ri ma ta cacuin la chubanic.

Ri Jeremiy 6:12

Ri e cachoch, ri e culew xukuje' ri e quixokil quek'ax na pa qui k'ab jule' chic. Quenwalijisaj c'u na ri nu k'ab che u c'äjisaxic qui wäch ri e jekel chupam we ulew ri'. In, ri Ajawaxel, quinjiquiba' u bixic.

Ri Isaiy 9:21

Ri Manases cusach u wäch ri Eprain, ri Eprain cusach u wäch ri Manases, qui cabichal quebe chrij ri Juda. Man c'u tanalinak taj ri royowal ri Ajawaxel, ri are' c'ä u takem na u cojic xib.

Ri Isaiy 9:17

Rumal ri' ri Ajawaxel man xutok'obisaj ta qui wäch ri alabom, mawi xel u c'u'x chque ri minorib xukuje' ri malca'nib. Rumal rech chi ronojel ri tinimit man nimanel taj xukuje' banal etzelal, conojel cäquibij conalaj tak tzij. C'ä maja' c'u ne coc'ow ri royowal ri Ajawaxel ri are' c'ä u takem na u cojic xib.

Elem 9:15

In in cuininak ta ri' che u c'utic ri nu cuinem chawäch ruc' jun yabil ri cämisanel, ri at xukuje' ri a tinimit sachtajinak ta chi i wäch ri' cho ri uwächulew;

Ri Jeremiy 32:37

Quebenmulij ri e u winakil chquixo'l tak ri ulew jawije' tak ri xebenjabuj wi aretak xinnoj che c'anal, oyowal xukuje' k'ak'al, quebentzelej c'u na ulok chupam we c'olbal ri' rech quec'oji' pa utzil chupam.

Ri Isaiy 10:4

We man quixmach'irisaxic quixyut c'u na bic, quixcäm na junam cuc' ri xa' quecämisaxic. ¿Jachin che quitz'onoj wi na chi quixuto'? ¿Jawi je quebiya' wi can tak ri e i k'inomal? Man c'u oc'owinak taj ri royowal ri Ajawaxel, Ri are c'ä u takem na u cojic xib.

Ri Isaiy 9:12

Pa elebal k'ij ri aj Siriy, pa u kajebal k'ij ri aj pilisteyib. Xak juba' xquiban che u bik'ic ri Israel. Man oc'owinak ta c'u ne ri royowal ri Ajawaxel ri are' c'ä cätajin cucoj xib.

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

U Camulixic ri Pixab 4:23

Chichajij ba iwib, mäsach pa i jolom ri c'ulwächinic ri u banom ri Ajawaxel ri i Dios iwuc'. Miban jun dios mawi jun wächbal ri e u bim tak ri Ajawaxel chiwe chi man quebiban taj,

Ri Jeremiy 36:7

Caraj ne caquiban bochi'nic che ri Ajawaxel quequiya' ta c'u can conojel ri itzel tak qui nak'atisabal, rumal rech chi ri oyowal xukuje' ri c'axc'obic ri u bim ri Ajawaxel chi quepe puwi' we tinimit ri' sibalaj e xibibal.”

Ri Jeremiy 37:10

Pune' ta c'u ne ri ix quixcuin ta che qui ch'äquic conojel ri ajch'ojab aj caldeyib ri cätajin quech'ojin iwuc' man c'o ta chi c'u ri queto'taj ta chi can chque xane' jujun achijab ri e socotajinak ri e canajinak canok ri e c'o chupam ri kajebal, we achijab ri' quewalij na caquit'ik c'u na k'ak' che ri tinimit.”

Juyuwem 2:3

Aretak xnicow ri royowal, xa' jut'oy xuya' che ronojel ri u cuinem ri Israel. Xuk'il ri u to'banic ri u cuinem chke aretak xujbe che u c'ulaxic kib ruc' ri c'ulel; ¡u t'ikom jun k'ak' pa Jacob jun k'ak' ri cujarisaj ronojel ri curiko!

Ri Ezequiel 5:8

Rumal ri' in, ri Ajawaxel, quinbij: In xukuje' quenk'atij na a wäch, Jerusalen; quenya' na ri c'äjisabal a wäch chquiwäch conojel ri nimak tak tinimit.

Ri Ezequiel 39:3

Quink'aj c'u na ri q'uiakbal ch'ab ri awuc'am pa ri a mox k'ab quinban c'u na chi quetzak tak ri ch'ab ri e awuc'am pa ri awiquiak'ab.