Ri Jeremiy 21:10 - Quiché Bible

¹⁰ Xa' c'u ne jumul nu bim chi quinc'am ulok ri etzelal che u q'uexwäch utzil puwi' we tinimit ri'. Quinjach na pa u k'ab ri ajawinel re Babilon, cut'ik c'u na k'ak' che. In, ri Ajawaxel, quinjiquiba' u bixic.’

Ri Jeremiy 21:10 Referans Kwoze

Ri Jeremiy 44:11

Rumal ri' in, ri Ajawaxel ri c'o ronojel u cuinem, ri u Dios ri Israel, quinbij chiwe: xchomataj wumal chi quinc'am ulok ri lawaloyil piwi' quinsachisaj c'u u wäch ronojel ri Juda.

Ri Amos 9:4

we quebe pa jun ulew chic quec'am bic cumal tak ri quec'ulelanic, quintak c'u na bic ri ch'ich' re ch'o'j che qui cämisaxic. ¡Che etzelal, man che ta c'u utzil, amak'el quinya' nu wäch chque!”

Ri Jeremiy 44:27

Quinchajin c'u na rech are quebentak bic ri c'axc'ol piwi' man c'u e utzilal taj. Conojel ri aj Juda ri e jekel pa Ejipt cachupisax na qui wäch conojel rumal ri ch'o'j, o ri wi'jal.

Ri Ezequiel 15:7

In quink'alajisaj na wib chi e nu c'ulel. Queto'taj na chuwäch jun k'ak', jun k'ak' chi c'ut caq'uisow na tzij paquiwi'. Aretak c'u quink'alajisaj wib chi nu c'ulel, ri ix qui wetamaj na chi ri in, in ri' ri Ajawaxel.

Ri Jeremiy 52:13

xut'ik c'u k'ak' che ri rachoch ri Dios, ri rachoch ri ajawinel xukuje' conojel ri ja ri e c'o pa ri tinimit, kas c'u e are xeranej ri cachoch conojel ri nimak tak qui k'ij,

Ri Jeremiy 39:8

Ri aj caldeyib xquit'ik k'ak' che ri rachoch ri ajawinel xukuje' chque tak ri ja ri e c'o chupam ri tinimit, xebequit'akij tak ri e u tapia ri Jerusalen.

Ri Jeremiy 38:18

We c'u man cäjach ib la pa qui k'ab ri aj caldeyib cäk'ax na ri tinimit pa qui k'ab caquit'ik c'u na k'ak' che, are c'u ri lal man cato' taj ta na la.’ ”

Ri Jeremiy 38:3

Jewa' cubij ri Ajawaxel: ‘We tinimit ri' cäkaj na pa qui k'ab ri e rajch'ojab ri rajawinel ri Babilon. Ri are' cumajij na, man c'o ta c'u jachin jun cäcuin ta che u k'atexic.’ ”

Ri Jeremiy 34:2

“In, ri Ajawaxel, ri u Dios ri Israel, catintako chi catbe ruc' ri Sedequiy, ajawinel re Juda: ‘Je' wa' cubij ri Ajawaxel: Quenbana' chi we tinimit ri' cak'ax pa u k'ab ri ajawinel aj Babilon, cut'ik c'u na k'ak' che.

Ucab Tzijobelil 36:19

Xquiporoj c'u ne ri rachoch ri Dios, xquit'akij ri u tapia ri Jerusalen, xquit'ik k'ak' chque tak ri e rachoch ri ajawinel xquisachisaj u wäch ronojel ri c'olic ri pakal rajil.

Ri Jeremiy 38:23

Ri Jeremiy xutakej u bixic che ri ajawinel: “Conojel ri ixokib xukuje' tak ri e c'ojol la quejach na pa qui k'ab ri aj caldeyib, man c'u cato'taj ta na la canok, cäkaj na la pa qui k'ab, cäjach na la pa u k'ab ri ajawinel re Babilon, cut'ik c'u na k'ak' che ri tinimit.”

Salmib 34:16

Ri Ajawaxel quebuc'ulelaj ri e banal tak etzelal, che u chupisaxic u wäch ri natabal quech cho ri uwächulew.

Aj Levitib 26:17

In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Aj Levitib 17:10

“In quinc'ulelaj na ronojel aj israel o ri man i winakil taj ri jekel chixo'l ri cutij, apachique ta ne quic'. In quinwesaj na chquixo'l ri e u tinimit.

Ri Zacariy 1:6

Xebopan c'u ne tak ri e nu tzij xukuje' tak ri e nu takanic, ri nu yo'm u bixic chque ri pataninel tak wech ri e k'axal tak tzij, xebopan cuc' ri e i mam. Xetzelej wa' wuc' xquich'obo' chi ri in, ri Ajawaxel ri c'o ronojel u cuinem, je xuban chque jacha' ri takal che ri qui c'aslemal xukuje' chque tak ri e qui banoj.’ ”

Ri Jeremiy 34:22

Quebentakchi'j chi che tzelej ulok che u banic c'ax che we tinimit ri' chech'ojin c'u ruc', chumajij c'ut chut'ika c'u k'ak' che. Quenbana' c'ut chi ri niq'uiaj tak tinimit chic re Juda che tolobaxok man c'o ta jun winak chcanaj ta chquipam. In, ri Ajawaxel, quinjiquiba' u bixic.”

Ri Jeremiy 26:6

quinban c'u na che we wachoch ri' je jas ri xinban che ri xc'oji pa Sil. Quinban na che we tinimit ri' jun esbal no'j re c'okonic chque conojel tak ri winak re ri uwächulew.’ ”

Ri Jeremiy 17:27

We c'u ri ix man qui nimaj taj ri nu takanic chi quitas ri k'ij re uxlanem xukuje' chi man quebicoj ta tak eka'n pa ri k'ij ri' pa tak ri oquibal pa ri Jerusalen, quincoj c'u na k'ak' chque tak ri oquibal chupam ri tinimit, jun k'ak' ri cusachisaj na qui wäch tak ri e cachoch tak ri ajawinelab ri e c'o pa Jerusalen man c'o ta c'u jachin ta jun ri cäcuinta che u chupic.’ ”

Ri Jeremiy 39:16

“Jät jabij c'u che ri Ebed-melec, ri aj Etiopiy: ‘Ri Ajawaxel ri c'o ronojel u cuinem, ri u Dios ri Israel, jewa' cubij: Quentz'akatisaj ri nu yo'm u bixic ri cuc'ulmaj na we tinimit ri' che retzelal, man che ta c'ut rutzil. Aretak quec'ulmataj wa', at cawil na.

Ri Ezequiel 24:11

Chacojo' c'ut ri t'uy puwi' ri k'ak' man c'o ta u pam caya', c'ä caquiekar na ri q'uiak ch'ich' puwi' ri k'ak' chjosk'itaj c'ut ri e u tz'ilol; ¡C'ä cäsach na ri pus!

Ri Amos 2:5

Rumal ri' quincoj na k'ak' pa Juda, we k'ak' ri' cusachisaj na qui wäch ri nimak tak ja ri e c'o pa Jerusalen.”

Ri Jeremiy 38:17

Xubij c'ut ri Jeremiy che ri Sedequiy: “Ri Ajawaxel ri c'o ronojel u cuinem, ri u Dios ri Israel, jewa' cubij: ‘We kas xa' jumul cäjach ib la pa qui k'ab ri e qui nimal ri rajch'ojab ri rajawinel ri Babilon, ri lal xukuje' ri e achalal la caquito'tajisaj na ri qui c'aslemal, man c'u caporox ta na we tinimit ri'.