Ri Jeremiy 21:1 - Quiché Bible

^1-2 Ri ajawinel Sedequiy xutak bic ri Pasur, u c'ojol ri Malquiy, xukuje' ri Soponiy, ri cojol tabal tok'ob, u c'ojol ri Maasiy, che rilic ri Jeremiy che c'u u bixic che: “Chabana' tok'ob chatz'onoj che ri Ajawaxel jas ri cakaban na rumal rech chi ri Nabucodonosor, ajawinel re Babilon cätajin cujuch'äco. Caraj ne caraj ri Ajawaxel cuban jun chque tak ri e u mayibal chubana' ta c'u che ri Nabucodonosor chi tzelej ta chrij.” Xtzijon c'ut ri Ajawaxel ruc' ri Jeremiy,

Ri Jeremiy 21:1 Referans Kwoze

Ri Jeremiy 37:3

Ri ajawinel Sedequiy xutak bic ri Jucal, u c'ojol ri Selemiy, xukuje' ri cojol tabal tok'ob Soponiy, u c'ojol ri Maasiy, che rilic Jeremiy, ri k'axal tzij, xequibij c'u che: “Chatch'aw pakawi' ruc' ri Ajawaxel ri ka Dios.”

Ri Jeremiy 29:25

“Ri Ajawaxel ri c'o ronojel u cuinem, ri u Dios ri Israel, cacha': ‘At xatak pa ri kas a bi' jun wuj che ronojel ri tinimit ri c'o pa Jerusalen, xukuje' che ri cojol tabal tok'ob Soponiy, u c'ojol ri Maasiy, xukuje' chque conojel tak ri e cojol tabal tok'ob. Chupam ri wuj cabij wi che ri Soponiy:

Ri Jeremiy 52:24

Ri takanel paquiwi' ri chajinelab xuchap ri Seraiy, qui nimal ri e cojol tabal tok'ob, ri Soponiy, ri xa' col man cäjunamataj u k'ij ruc', xukuje' ri e oxib chajil oquibal chupam ri rachoch Dios.

Ri Jeremiy 38:1

Ri Sepatiy, u c'ojol ri Matan, ri Jedaliy, u c'ojol ri Pasur, ri Jucal, u c'ojol ri Selemiy, xukuje' ri Pasur, u c'ojol ri Malquiy, xquita' ri Jeremiy aretak xebubij tak we tzij ri' chuwäch ri tinimit:

Ri Jeremiy 37:1

Ri Nabucodonosor, ajawinel re Babilon, xucoj ri Sedequiy che ajawinel pa Juda, u c'ojol ri Josiy, che u q'uexwäch ri Jeconiy, u c'ojol ri Joasim.

Nabe Tzijobelil 9:12

Adaiy, u c'ojol ri Jeroham, u c'ojol c'ut ri Pasur, u c'ojol c'ut ri Malquiy; Masay, u c'ojol ri Adiel, u c'ojol c'ut ri Jazer, u c'ojol c'ut ri Mesulam, u c'ojol c'ut ri Mesilemit, u c'ojol c'ut ri Imer;

Ri Nehemiy 11:12

Xukuje' tak ri e rachil, ri quechacun pa ri patanijic chupam ri rachoch Dios e wajxakib sient juwinak quieb; (822) xukuje' ri Adaiy, ri u c'ojol can ri Jeroham, ri u c'ojol can ri Pelaliy, ri u c'ojol can ri Amsi, ri u c'ojol can ri Zacariy, ri u c'ojol can ri Pasur, ri u c'ojol can ri Malquiy.

Nabe Tzijobelil 3:15

Ri e u c'ojol ri Josiy e are' wa': ri nabeal, Johanan; ri ucab, Joasim; ri urox, Sedequiy; ri ucaj Salum.

Ucab Tzijobelil 36:17

Ri Ajawaxel xuban c'ut chi xwalij ulok ri cajawinel ri aj caldeyib chquij, xebuk'ok'ej c'ut ri e u c'ojolab chi ch'ich' re ch'o'j kas chupam ri rachoch Dios man xel ta c'u u c'u'x chque ri c'ojolab mawi chque ri k'apojib, chque ri ri'jab mawi chque ri man utz ta cakan qui k'ab. Conojel xebujach ri Ajawaxel pa u k'ab.

Ri Jeremiy 29:29

Ri Soponiy ri cojol tabal tok'ob xusiq'uij ri wuj chuxiquin ri Jeremiy.

Ri Jeremiy 37:7

“Chibij che ri rajawinel ri Juda, ri ix u takom ulok che u tz'onoxic u no'j chwe, chi ri rajch'ojab ri paraon, ri e petinak chic pa ri be che i to'ic, e tzelejinak pa Ejipt.

Ri Jeremiy 37:17

Ri ajawinel Sedequiy xuya' takanic chi chc'am bic ri Jeremiy chupam ri rachoch ri ajawinel, aretak c'u opaninak chic ri Jeremiy chuwäch ri ajawinel, wa' xuc'ot u chi' chic'uyal: “¿La c'o jun tzijol u yo'm ri Ajawaxel?” Ri Jeremiy xutzelej u bixic: “Je', chi quekaj la pa u k'ab ri rajawinel ri Babilon.”

Ri Jeremiy 38:14

Ri ajawinel Sedequiy xtakanic chi chc'am bic ri Jeremiy, ri k'axal tzij, chuwäch, churox oquibal chupam ri rachoch Dios. Chila' xubij wi ri ajawinel che: “Quenbana' jun c'otoj chi'aj chawe, are c'u quinwaj chi catzelej u bixic chwe je jas ri aweta'm.”

Ucab Ajawinelab 22:13

“Jix jitz'onoj che ri Ajawaxel che nu q'uexwäch xukuje' che u q'uexwäch ri tinimit xukuje' che u q'uexwäch ronojel ri Juda, ri cakaban che ri cubij we wuj ri' ri rikom; sibalaj ba' yactajinak royowal ri' ri Ajawaxel chkij uj, rumal rech chi ri e ka mam man xquiya' ta qui xiquin che ri cubij we wuj ri' mawi xquiban ta ronojel ri tz'ibatal chupam.”

Ri Jeremiy 35:4

xebenc'am c'u bic chupam ri rachoch Dios, xebencoj chupam ri alaj ja ri caquicoj ri e u c'ojol ri Hanan, u c'ojol ri Igdaliy, ri are' jun achi pataninel rech ri Dios. We alaj ja ri' c'o chuxcut ri quech ri c'amal tak be rech ri rachoch Dios puwi' c'ut ri alaj rachoch ri Maasiy, u c'ojol ri Salum, ri cachajin ri oquibal chupam ri rachoch Dios.