Ri Jeremiy 20:5 - Quiché Bible

⁵ Quebenjacha' na xukuje' pa qui k'ab ri c'ulel ri jastak ri pakapoj cajil, xukuje' conojel tak ri e quik'inomal tak ri ajawinelab re Juda, rech quec'am bic pa Babilon.

Ri Jeremiy 20:5 Referans Kwoze

Ri Ezequiel 22:25

jun ulew ri e c'o u k'atal tak tzij ri xak e junam cuc' tak ri coj, ri quewu'nic ri quequiban ch'akatak chque ri quekaj pa qui k'ab; ri quequibik' ri winak ri e c'o pa ri culew, ri quequeläk'aj tak ri qui puak xukuje' ri qui k'inomal, ri que qui malcanirisaj can q'ui ixokib.

Ri Jeremiy 15:13

Qui mac quech ri e a mac Israel, quebenjacha' ri jastak awech xukuje' tak ri e a k'inomal chque tak ri e a c'ulel, ronojel ri c'o pa ri awulew, rech quequic'am bic xak c'u quequicochij bic.

Juyuwem 1:10

Ri c'ulel u banom rech chque tak ri e u k'inomal ri Jerusalen. Ri tinimit xeril ri e k'ijilal tak diosib quetininic xeboc chupam ri k'ijilabal, ¡Winak, ri yo'm wi la takanic Ajawaxel, chi man cuya' taj queboc chupam ri c'olbal la re mulin ib!

Ri Jeremiy 17:3

xukuje' paquiwi' tak juyub ri e c'o pa tak ri ulew. Qui mac tak quech ri e a mac, quinban na chi quebeläk'ax tak ri e a k'inomal xukuje' ri jastak awech ri pakal tak cajil, chi chetolobax tak ri e qui wi' tak ri tastalic tak a juyub pa conojel tak ri e awulew.

Ucab Tzijobelil 36:10

Chquipam ri nabe tak ic' re ri junab, ri ajawinel Nabucodonosor xtakanic chi chc'am bic pa Babilon, junam cuc' tak ri e u choconisan ri rachoch ri Ajawaxel ri sibalaj pakal cajil, are c'u xucoj ri Sedequiy, ri c'o c'u'x che ri Joaquin che ajawinel puwi' ri Juda xukuje' Jerusalen.

Ri Daniel 1:2

Ri Ajawaxel xuya' c'olbal chi ri Nabucodonosor xuyut ri Joasim, xukuje' niq'uiaj chque ri e u chaconisan ri rachoch Dios. Ri Nabucodonosor, xebuc'am c'u bic ri winak ri xekaj pa u k'ab pa Babilon, xebuya' c'ut ri tastalic tak chaconisan chquixo'l ri e u k'inomal ri cachoch ri e u diosib;

Juyuwem 4:12

Mawi jubik' xquicoj tak ri ajawinelab re ri uwächulew, conojel ri quebajawin cho ri uwächulew, chi ri c'ulel ri banal c'ulelanic, coc ta na pa tak ri e rok'ibal ri Jerusalen.

Juyuwem 1:7

Ri Jerusalen quenataj ri ojer tak k'ij che aretak xcanaj u tuquiel cabisonic; quenataj tak che conojel tak ri k'inomal ri xec'oji' ruc' pa ri ojer tak u k'ijol; canataj che aretak xkaj pa u k'ab ri c'ulel man c'o ta c'u jachin ta jun ri xpe ta che u to'ic, aretak xilitaj cumal ri e u c'ulel xquitze'j c'u u wäch chi kajinak chupam ri c'ax.

Ri Jeremiy 39:8

Ri aj caldeyib xquit'ik k'ak' che ri rachoch ri ajawinel xukuje' chque tak ri ja ri e c'o chupam ri tinimit, xebequit'akij tak ri e u tapia ri Jerusalen.

Ri Jeremiy 39:2

Pa ri ubelej rajilabal ri ucaj ic' re ri ujulajuj junab re ri rajawinic ri Sedequiy, ri ajch'ojab ri e c'ulel xeboc chupam ri tinimit,

Ri Jeremiy 12:12

Paquiwi' conojel ri wuk'uwak tak juyub re ri chaki'j uwo sak xebel wi ulok tokinelab tak winak, rumal rech chi ri in, ri Ajawaxel, c'o jun nu ch'ich' re ch'o'j ri cusachisaj na u wäch ri ulew pa tak ri e u c'ulbatil, man c'o ta c'u jamaril che jachin jun.

Ri Jeremiy 4:20

Quebopan c'axalaj tak tzijol re c'ulmatajic; ronojel ri ulew cätajin curik c'ax. Man c'o ta cänabexic queyojix tak ri nu lic'om ja, e muchum tak ri nu lic'om cäbal.

Ri Jeremiy 3:24

Ri q'uixbal tak qui k'ijilaxic ri diosib xuban chke chi ka tzakom ri xecuin ri e ka mam che u rikic kas aretak c'ä uj ch'utik: chij tak, wacax tak, c'ojolab tak, mialaxelab tak.

Ri Isaiy 39:6

‘Quepe na ri k'ij aretak ronojel ri c'o pa ri awachoch, xukuje' ronojel ri qui mulin ri e a mam ojer c'ä pa we k'ij camic, cäc'am na bic pa Babilon. Man c'o ta jas cäcanaj canok.

Ri Jeremiy 32:24

Are c'u ri aj caldeyib e qui banom ak'anibal che u banic c'ax che ri tinimit, ri ch'o'j, ri wi'jal ri cämisanel yabil caquiban na chi ri tinimit cäkaj pa qui k'ab ri e banal tak c'ax. Ajawaxel, quil la chi cätajin cätz'akat ri xya' la u bixic.

Ri Osey 13:15

Pune' ta ne ri Israel cäwächinic jacha' ri k'ayes, cäpe na ri quiakik' re ri elebal k'ij, ri cowilaj quiakik' ri elinak ulok pa ri chaki'j uwo sak, quebuchaki'jarisaj c'u na xukuje' quebutzajisaj na tak ri e q'uiyibal xukuje' ri e u bulbuxil tak ja'. Ri c'ulel cutokij na ri u k'inomal ri e je'lic ri e c'o ruc'.