Ri Jeremiy 20:12 - Quiché Bible

¹² Ajawaxel ri c'o ronojel u cuinem, lal cänic'on la ruc' suq'uilal, lal ri quil la ri c'o c'ä chupam ri ranima' ri winak, chya' la chwe chi quinwil ri u c'äjisaxic qui wäch we winak ri', nu yo'm c'u pa k'ab la ri c'ax ri caquiban ri winak chwe.

Ri Jeremiy 20:12 Referans Kwoze

Ri Jeremiy 11:20

Are c'u ri lal, Ajawaxel ri c'o ronojel cuinem la lal jun suc'alaj k'atal tzij; lal ri eta'm la ri c'o c'ä chupam ri ranima' ri winak. Chya' la chwe chi quinwil ri u c'äjisaxic qui wäch we winak ri' umal la, pa k'ab c'u la nu jachom wi ri nu c'ulmam.

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Salmib 54:7

in esam c'u la pa conojel tak ri e nu c'axc'olil wilom chi xech'äctaj ri e nu c'ulel.

Ri Jeremiy 17:10

In, ri Ajawaxel, ri quinnic'oj ri anima'aj weta'm c'ut ri c'o c'ä chupam, quinya' c'u chque chi chquijujunal ri takalic, e je jas ri e u banoj.”

Salmib 59:10

Ri Dios ri quinulok'ok'ej cäpe che nu to'ic; cuc'ut na chnuwäch aretak quech'äctaj ri e nu c'ulel.

Salmib 139:23

Nu Dios, chinnic'oj la chetamaj la u wäch ri wanima'; chinc'ambejej la, chetamaj la qui wäch ri e nu chomanic;

Salmib 7:9

Suc'alaj Dios, ri quebe nic'oj la tak ri chomanic xukuje' ri c'o pa ri animaaj ri e c'u'talic, ¡sacha' la u wäch ri quetzelal ri e banal tak etzelal, co c'u tac'aba' la ri winak ri tz'akat pa ronojel!

Ri Jeremiy 17:18

Chesaj la qui q'uixbal ri quebanow c'ax; ma ta c'u are' ri in; e are' ri' choc qui xi'b, ma ta c'u in. Bana' la chi chepet q'ui tak c'axc'ol paquiwi', chq'uisa' la qui muchic jumul xukuje' camul.

Ri Isaiy 37:14

Ri Ezequiy xuc'am ri wuj ri xjach che cumal ri e u takom ri ajawinel aj Asiriy, xusiq'uij c'ut. Xbe c'ut pa ri rachoch Dios xulic' c'u ri wuj chuwäch ri Ajawaxel,

Salmib 17:3

Oquinak la chupam ri nu chomanic; chak'ab lal petinak che nu c'ac'alexic; in c'ambejem la ruc' k'ak', man c'o ta c'u etzelal rikom ta la pa nu c'aslemal. Man e nu bim ta jastak ri man ya'tal ta qui bixic,

Salmib 11:5

Ri Ajawaxel queralwächij ri e suc' xukuje' ri e banal tak etzelal, ruc' ronojel u c'aslibal cäretzelaj qui wäch ri cäkaj chquiwäch ri u banic ri tokinic.

Apocalipsis 18:20

Caj, chatquicot puwi' ri tinimit, ix tastalic tak winak aj Dios, ix takomxenlab, xukuje' ix k'axal tak tzij, u banom c'ut ri Dios ri suq'uilal chiwe rumal ri u c'äjisaxic u wäch.”

Apocalipsis 6:10

Xquirak qui chi' ruc' chuk'ab, xquibij: “Ajawaxel, ri tastalic ri man cuban ta etzelal, xukuje' ri jic, ¿c'ä jampa' cäk'at la tzij paquiwi' ri e c'asal cho ri uwächulew? ¿C'ä jampa' cäya' la rajil u q'uexel ri ka quiq'uel chque?”

Apocalipsis 2:23

Quebencämisaj na ri e ral. Conojel c'u ri e comon cojonelab cäquich'ob na chi in ri' ri weta'm ronojel ri c'o pa ri qui chomanic xukuje' pa ri canima'. Quinya' c'u na chiwe chijujunal ri tojbal jacha' ri u cholajil ri e i chac.

1 Pedro 4:19

Je c'u ri', ri winak ri cäquirik c'ax jas ri u rayibal ri Dios, chquibana' utzil, chquijacha' ri canima' che ri Dios, ri jic winakirisanel.

1 Pedro 2:23

Aretak xyok'ic, man xuya' ta rajil u q'uexel. Aretak xurik c'ax, man xubij ta chque ri winak chi cuban na c'ax chque. Xane' xujach ronojel pa u k'ab ri Dios, ri cuk'at tzij ruc' suq'uil.

Ri Jeremiy 12:8

We tinimit ri', ri wech canok nabe, uxinak c'u chwe camic jacha' jun coj aj c'ache'laj; cawun chwe, rumal ri' quinwetzelaj u wäch.

Ri Isaiy 38:14

Xak alicha' quinjilowic jacha' ri cäquiban ri xipicar, quinch'ikowic jacha' ri caquiban ri palomax. Ri nu bak'wäch quecos che ri ca'yem chicaj. Ajawaxel, nu rikom c'ax, chux la to'l wech.

Salmib 86:4

Ajawaxel, chaquicotisaj la ri u c'aslibal we pataninel ech la ri', che c'u la quinsuc'uba wi ri nu ch'awem uc' la.

Ucab Tzijobelil 24:22

Ri ajawinel Joas xsach pa u jolom ri elebal c'uxaj ri xucoj ri Joiad, ri u tat ri Zacariy che ri ajawinel, xucämisaj c'ut ri Zacariy, ri u c'ojol, ri pa ri jok'otaj ri xcämic je xubij can wa': “¡Are' ba' ri Ajawaxel chilow wa' chutok'ij c'u na wa'!”

Nabe Samuel 1:15

Man je ta ri' tat,” xcha' ri Na'. “Man rumal ta rech chi nu kumum ta u wa'l uva mawi jun uq'uia' ri k'obisam, xane' xa c'axc'obinak ri wanima' cätajin c'u quinjamij ri nu c'axc'ol chuwäch ri Ajawaxel.

Salmib 58:10

Ri jic cäquicotic aretak cärilo cäc'äjisax u wäch ri u c'ulel; quebumu' na ri rakan chupam ri u quiq'uel ri banal etzelal.