Ri Jeremiy 2:8 - Quiché Bible

⁸ Ri e cojol tabal tok'ob man xinquitzucuj taj, ri e ya' tak qui no'j ri nu tinimit man xquich'ob ta nu wäch, ri e c'amal tak be xquiwalijisala' tak quib chwij, e are chi c'ut ri e k'axal nu tzij xech'aw pa u bi' ri Baal xukuje' xequiterenej tak ri diosib ri man c'o ta qui patan.”

Ri Jeremiy 2:8 Referans Kwoze

Ri Habacuc 2:18

¿Jas ta lo ri u patan ri josom che' aretak q'uisom u josic? ¿Jas ta ri u patan jun wächbal ri xuwi cac'aman bic pa banoj tzij? Ri e diosib man quecuin taj quech'awic; ¿Jas ta c'u lo cuban ri winak cäcuinic cujiquiba' ta u c'u'x chquij ri e are' c'u xbanowic?

Ri Jeremiy 10:21

Ri rajyuk'ab we tinimit ri' man etal ta tzij; man caquitzucuj taj ri Ajawaxel. Rumal ri' e c'o pa tzakmajic ronojel c'ut ri u tzobaj jabutalic.

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

2 Corintios 4:2

Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

Ri Xuan 16:3

We jastak ri' quequiban na, rumal rech chi man cäquich'ob ta u wäch ri Tataxel, mawi cäquich'ob nu wäch in.

Ri Osey 4:6

Ri nu tinimit man c'o ta retamanic, rumal ri' sachitajnak u wäch. Are' c'u ri at, cojol tabal tok'ob, ri xaq'uiak apan ri etamanic, in catinq'uiak apanok man at ta chic cojol tabal tok'ob chnuwäch. Xebasachisaj c'ut pa a jolom ri e u tijonic ri a Dios, ri in quebensachisaj na pa nu jolom ri e awija'lil.

Ri Xuan 8:55

Man quich'ob ta c'u u wäch ri are'. Ri in quinch'ob u wäch. We ta quinbij chi man quinch'ob ta u wäch, in junam ta ri' iwuc', in ta banal tzij ri'. Ri in c'ut quinch'ob u wäch, quinnimaj c'ut ri u tzij.

Ri Lucax 11:52

¡C'ax iwe!, ajtijab re ri pixab. Rumal rech chi c'o ri lawe pa i k'ab re ri etamanic. Ri ix c'ut man ix oquinak taj mawi quiya' be chque ri cäcaj queboquic.”

Ri Matey 16:26

¿Jas ta c'u lo cärechbej na jun winak, we cuch'äc ronojel ri uwächulew, cutzak c'u ri ranima'? ¿Jas ta lo cuya' na ri winak che u q'uexwäch ri ranima'?

Ri Jeremiy 16:19

Ajawaxel, chuk'ab xukuje' to'bal wib, nu panibal pa ri jok'otaj aretak xak quieb cubij panuwi'; uc' la quepe wi na ri nimak tak tinimit ri c'o tzam tak ri uwächulew, caquibij c'u na che la: “Xuwi e subunelab tak diosib, man c'o ta qui patan mawi c'o ta jas quecuin ta che qui banic xequic'am ri e ka mam che quechbal.

Ri Jeremiy 12:10

E q'ui c'ämal tak be ri e c'ulel qui sachisam u wäch ri nu ticbal uva, qui xak'alem ri nu juyub. Xquiban jun tolotic chaki'j uwo sak che ri ulew ri sibalaj lok' na chnuwäch.

Ri Jeremiy 7:8

Ix quijiquiba' i c'u'x chquij subunelalaj tak tzij ri man quepatanij ta chiwe.

Ri Jeremiy 4:22

“Ri nu tinimit moxirinak, man cuch'ob ta nu wäch,” cacha' ri Ajawaxel. “E alc'ualaxelab ri man c'o ta qui no'j, ri man quechoman taj. Coc'ow u wi' ri qui no'j che u banic ri etzelal, man queta'm ta c'u u banic ri utzil.”

Ri Jeremiy 2:11

chi jun nim tinimit ri e k'ijilal ta diosib, e u q'uexom ta ri e u diosib. ¡Xa' c'u ne e subunelab tak diosib wa'! Are' c'u ri nu tinimit in u tzakom canok in ri in u juluwem, che qui k'ijilaxic ri e diosib ri man c'o ta jubik' qui patan.

Ri Jeremiy 2:6

Man xeboc ta il che nu tzucuxic, xebenwesaj c'u ne ulok pa Ejipt, xinc'am c'u ne qui be chupam ri chaki'j uwo sak, chaki'j ulew ri nojinak chque tak siwan, ulew ri man c'o ta wi ja', nojinak chque tak sayowem, ulew ri man coc'ow ta wi jachin jun.

Ri Isaiy 30:5

conojel quesubutaj na rumal we nim tinimit ri' ri man c'o ta u patan, ri man c'o ta jun to'banic cuya' chiwe mawi c'o quich'äc chrij, xane' xuwi q'uistajibal c'uxaj xukuje' u q'ueyowal.”

Ri Isaiy 29:10

U takom c'u bic ri Ajawaxel jun nimalaj waram piwi'. Ri e k'axal tzij e are' ri e u bak'wäch ri tinimit, are' c'u ri Ajawaxel u ch'ukum ruc' jun ch'ukubal.

Ri Isaiy 28:7

E c'o chi c'u niq'uiaj ri quebak'ot rumal ri u wa'l uva quepajlobic quebak'otilobic rumal ri k'obisam u wa'l uva: e cojol tabal tok'ob xukuje' e k'axal tzij quebak'otilobic cumal ri k'obisam u wa'l uva; queconir rumal ri u wa'l uva, quebak'otilobic cumal tak ri k'obisam u wa'l uva, quebak'otilobic aretak quequil c'utwächinic e k'abarelab aretak caquik'at tzij.

Nabe Ajawinelab 18:40

Xubij c'ut ri Eliy chque: “¡Chebichapa' tak ri e k'axal u tzij ri Baal! ¡C'o jun manimajic!” Xechap cumal ri winak, ri Eliy xebuc'am bic chuchi' ri alaj nima' Sison, chila' c'u xuk'at wi qui kul.

Nabe Ajawinelab 18:29

Xoc'ow c'ut ri tiq'uil k'ij, xquitakej c'u na u rakic qui chi' je ta ne qui banic ch'u'j c'ä xurik na ri jok'otaj che u chi'xic ri tabal tok'ob, man c'o ta jun tzelebal wächaj xya' ta chque. ¡Man c'o ta jachin xtzelen ta u wäch qui tzij mawi c'o ta xtatabenic!

Nabe Ajawinelab 18:22

Xutakej c'u u bixic ri Eliy: “Xuwi ri in ri in k'axal u tzij ri Ajawaxel ri in c'asal canok, are c'ut ri e rech ri Baal e c'o quiejeb sient ruc' cawinak lajuj (450) k'axal u tzij.

Nabe Samuel 12:21

Mebiterenej tak diosib e subunelab c'ut, ri man quecuin taj quetobanic mawi queto'tajisanic.

Nabe Samuel 2:12

Ri e u c'ojol ri Eli e itzel tak achijab, man nim ta c'u cäquil wi ri Ajawaxel

U Camulixic ri Pixab 33:10

Caquitijoj ri Jacob, ri Israel, pa tak ri pixab la xukuje' tak ri pixab ri e tz'ibam; chquiya' puwi' ri porobal ri ech la, chwäch la, c'oc'alaj k'ol Xukuje' sipanic que awaj.

Ri Jeremiy 9:14

Xquitakej ri tacalaj u chomanic ri canima' xequiya' c'u k'ijilanic chque ri e subunelab, tak diosib, jacha' ri tijonic ri xequiya' ri qui tat chque.

Ri Jeremiy 18:18

Ri winak xquibij: “Quekabana' jun banel che u sachisaxic u wäch ri Jeremiy. Mawi c'u jubik' ma ta e c'o chic cojol tabal tok'ob chujtijonic, mawi ajno'jab ri cheyo'w ta ka no'j, mawi k'axal tzij ri cheyo'w ta u bixic ri u tzij ri Dios chke. Ka walijisaj jun tzijtal chrij rech cäcämisaxic. C'o makaya' wi ka xiquin che ri cubij.”

Ri Ezequiel 22:26

Ri e qui cojol tabal tok'ob we ulew ri' quequijech'obisaj tak ri quelcaquibij tak ri nu tijonic, quequixk'olij c'ut ri jastak ri weta'm chi e tastalic; man jalan ta caquil wi ri tastalic mawi ri tz'il, mawi quequitijoj jule' chic chi jalan chquila' wi ri ch'ajch'oj xukuje' ri k'olok'oj. Man queboc ta il chque tak ri nu k'ij quech uxlanem, mawi nim ta quinquil wi.

Ri Ezequiel 34:2

“At, winak, chatch'aw pa ri nu bi' che u c'äjisaxic qui wäch ri rajyuk'ab ri Israel, chabij c'u chque: ‘Are' wa' cubij ri Ajawaxel: ¡Tok'ob qui wäch ri rajyuk'ab ri Israel, ri are caquilij quib pa quech wi! Ri are ta ne caquilij ri jumulaj chij.

Ri Job 35:10

man caquitzucuj ta c'ut ri Dios ri xewinakirisanic, ri quebuya' chuk'ab pa tak ri k'ijol ri sibalaj k'eku'm,