Ri Jeremiy 2:6 - Quiché Bible

⁶ Man xeboc ta il che nu tzucuxic, xebenwesaj c'u ne ulok pa Ejipt, xinc'am c'u ne qui be chupam ri chaki'j uwo sak, chaki'j ulew ri nojinak chque tak siwan, ulew ri man c'o ta wi ja', nojinak chque tak sayowem, ulew ri man coc'ow ta wi jachin jun.

Ri Jeremiy 2:6 Referans Kwoze

U Camulixic ri Pixab 32:10

Xeburik pa ri chaki'j uwo sak, pa ri chaki'j tak ulew banom c'ax chque rumal ri quiakik', xebusutij ruc' ri u k'ab, xuya' qui no'j, xebuchajij jacha' ta ne ri e u c'u'x ri e u bak'wäch.

Ri Osey 13:4

Je cubij wa' ri Ajawaxel: “In, ri Ajawaxel, in ri a Dios kas aretak xatjeki' pa Ejipt: Mac'amowaj chi jun che a Dios xane' xak xuwi ri in, xuwi c'ut ri in in a colonel.

Ri Matey 4:16

Tinimit ri cäbin pa ri k'ekumalil, xril jun nimalaj chäj, jun chäj ri cajuluwic chque ri e jekel chupam ri u mu'jal ri cämical.”

Ri Osey 12:13

Rumal jun k'axal tzij, ri Ajawaxel xresaj ulok ri tinimit Israel pa Ejipt; ¡rumal c'ut jun k'axal tzij, xuchajij!

Ri Jeremiy 5:2

E c'o jachin tak quequiban ri chi'nic ri kas cäban na rumal ri u c'aslemal ri Ajawaxel, xak c'u lok' quequiban ri chi'nic ri kas cäban na.”

Ri Jeremiy 2:8

Ri e cojol tabal tok'ob man xinquitzucuj taj, ri e ya' tak qui no'j ri nu tinimit man xquich'ob ta nu wäch, ri e c'amal tak be xquiwalijisala' tak quib chwij, e are chi c'ut ri e k'axal nu tzij xech'aw pa u bi' ri Baal xukuje' xequiterenej tak ri diosib ri man c'o ta qui patan.”

Ri Jeremiy 2:2

“Jät jatzijobej ri tinimit Jerusalen; charaka' a chi' rech utz u tatabexic cäquibano: ‘¡Jewa' cubij ri Ajawaxel! Cänataj chwe chi aretak c'ä at ac'al, jic xatbin chnuwäch, chi' aretak xatux wixokil xinalok'ok'ej, xatteri c'u chwij pa ronojel ri chaki'j uwo sak, ulew ri man c'o ta cätic chuwäch.’

Ri Isaiy 64:7

Man c'o ta jun cänatan la, mawi cucoj u chuk'ab che u to'k'exic rib che la; rumal ri' xc'u' ib la chkawäch uj wonobam c'u la canok u mac rech ri ka mac.

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Salmib 77:5

Quebenchomaj ri k'ij xukuje' tak ri junab ri e oc'owinak;

Salmib 23:4

Pune' ta quinoc'ow chupam ri siwan ri sibalaj k'eku'm na, man quinxe'j ta wi wib che ri quieb cubij panuwi'. Lal c'u ne c'o wuc', Ajawaxel; ri k'ebu't la xukuje' ri ch'amiy la caquiya' na nu chuk'ab.

Ri Job 35:10

man caquitzucuj ta c'ut ri Dios ri xewinakirisanic, ri quebuya' chuk'ab pa tak ri k'ijol ri sibalaj k'eku'm,

Ri Job 3:5

¡C'o ta banom wi jun tzatzalaj mujal xk'ekumarisan taj, o jun k'ekalaj sutz' xch'ukuw taj, o jun k'eku'm ri cäch'ukuw ri k'ij xnojisan ta che xibin ib!

Ucab Ajawinelab 2:14

Ri xubano, xupak'ij ri ja' ruc' ri u k'u' ri Eliy, xurak c'u u chi', xubij: “¿Jawije' c'o wi ri Ajawaxel, ri u Dios ri Eliy?” Xuwi c'u xpak'itaj ri ja' rumal xupac c'u rib, xoc'ow chi c'ut ri Elisey chupam ri nima'.

K'atal tak Tzij 6:13

Ri Jedeon xutzelej u bixic che: “Cuyu' la nu mac, tat, we c'o ri Ajawaxel kuc', ¿jasche je cätajin cäkac'ulmaj wa'? ¿Jawije' c'o wi conojel tak ri mayibal ri xquitzijoj can ri e ka mam chke, xquibij c'u chke chi are ri Ajawaxel xujesan ulok pa Ejipt? Ri Ajawaxel camic uj u xutum canok, uj u jachom pa qui k'ab ri aj madianib.”

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

U Camulixic ri Pixab 1:19

“Aretak xujel ulok pa Horeb, xujbe chusuq'uil ri qui juyub ri aj amoreyib, are xkanimaj ri takanic ri xuya' ri Ajawaxel ri ka Dios chke. Xkabinibej ri nim xukuje' ri xibibalalaj chaki'j uwo sak ri xiwilo, c'ä xujopan na pa Cades-barney.

Ri Jeremiy 13:16

Chiya' u k'ij ri Ajawaxel, c'ä majok chuc'ama' ulok are' ri k'ekumalil quipak'ila' c'u iwib ix cuc' xibibalalaj tak juyub; c'ämajok chuq'uexa' are' pa räxcanacojil pa tzatzalaj k'ekumalil, ri chäj ri i weyem.

Ri Jeremiy 51:43

Ri u tinimit tak quejalwächitaj na pa xibibalalaj tak chaki'j uwo sak pa chaki'j ulew ri tolobam, ri man c'o ta jachin jun cajeki' ta chi chila', ri man c'o ta jachin jun coc'ow ta chi chila'.

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

Ri Jeremiy 5:12

Ri Israel xukuje' ri Juda qui xutum ri Ajawaxel; quibim: “Man c'o ta cuban ri Dios. Man c'o ta lawaloyil quekataklebej, man cäpe ta ch'o'j pakawi' mawi wi'jal.”

Ri Amos 2:10

Are c'u ri ix xixinwesaj ulok pa Ejipt, cawinak junab c'ut xinc'am i be pa ri chaki'j uwo sak che u ya'ic ri culew chiwe.