Ri Jeremiy 2:5 - Quiché Bible

⁵ Ri Ajawaxel cubij chiwe: “¿Jas ri lawaloyil xquirik ri e i mam pa ri in chi xenajtin chwe? Xebe chquij tak diosib ri man c'o ta qui patan, xukuje' c'u ri e are' xebux man c'o ta qui patan.

Ri Jeremiy 2:5 Referans Kwoze

Ucab Ajawinelab 17:15

man nim ta xequil tak wi ri e u pixab, xukuje' ri c'ulwächinic ri xuban cuc' ri e qui mam, xukuje' tak ri takanic ri e u yo'm tak chque. Xeteri c'u chquij tak diosib ri man c'o ta jubik' qui cuinem, ri cumal c'u wa' xequitzak ri qui cuinem, are c'u xquiban quech jas ri xquiban tak ri winak ri e c'o che qui c'ulja, ri u bim ri Ajawaxel chque chi man cäquiban taj.

Romanos 1:21

Pune' ta ne xquich'ob u wäch ri Dios, man xquinimarisaj ta u k'ij jas ri takal che ri Dios, mawi xemaltioxin che. Xane' xquiban ri u chomanic ri canima', ri man c'o ta qui patan. Xk'ekumar c'u ri canima' ri man cäraj taj cäch'obonic.

Ri Jonas 2:8

Ri quequiterenej ri e diosib man e jic ta chic che la,

Salmib 115:8

Ri xebanowic xak e junam cuc' we diosib ri', xukuje' ri quecojon chque.

Ri Isaiy 44:9

Man c'o ta jun chque ri e banal tak diosib c'o ta jubik' quebajwataj ta wi, xukuje' ri e dios ri sibalaj lok' quequil wi man c'o ta jubik' qui patan. Ri quek'ijilanic e moy xukuje' e nimak tak con, rumal ri' quel na qui q'uixbal.

Nabe Samuel 12:21

Mebiterenej tak diosib e subunelab c'ut, ri man quecuin taj quetobanic mawi queto'tajisanic.

U Camulixic ri Pixab 32:21

Xquiyac ri wächixomanic rumal jun dios ri man dios taj, xinquik'ak'arisaj cumal tak ri qui diosib ri xak e subunelab. Ri in xukuje' quinyac na ri cachixomanic rumal jun tinimit ri man tinimit taj, quinyac na coyowal rumal jun tinimit ri man cäraj ta c'o cuch'obo.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Ri Jeremiy 2:31

(Xukuje' c'u ri ix, ri ix re we ija'lil ri' camic, chiya' i xiquin che ri cubij ri Ajawaxel chiwe.) Israel, ¿la in puch uxinak jun chaki'j uwo sak chawe?, ¿jun ulew ri nojinak chque tak mujal? Nu tinimit, ¿jasche cabij: ‘Uj torotalic; mawi jumul cujtzelej chic uc' la?’

Ri Matey 15:8

‘We winak ri' xak chi qui chi' cäquinimarisaj nu k'ij. Are c'u ri canima' naj c'o wi chwe.

Ri Ezequiel 11:15

“Ri winak ri e jekel pa Jerusalen queyok'on chque ri aj israelib, ri e a winakil, caquibij c'ut: ‘¡We winak ri' naj e c'o wi che ri Ajawaxel! Chke c'u ne ri uj, xuya' wi ri ulew rech cujux ajchak'e.’

Ri Jeremiy 14:22

¿La c'o ta pu lo chquixo'l ri diosib ri quequik'ijilaj ri e k'ijilal tak diosib jun ri cäcuintaj cukasaj ri jäb? ¿La xak ta pa u lo pa rech wi ri caj quebutak ulok ri jäb? ¡Jayi', Ajawaxel, ka Dios! Lal ri' quebetak la ulok, lal ri' ri cäbanow la conojel we jastak ri'; ¡rumal ri' cujeyem che la!

Ri Jeremiy 12:2

Lal xelic la caquitzokopij c'ut ri qui ra'b pa ri ulew, queq'uiyic, caquiya' c'ut wächinic. Che ri qui chi' nakaj lal c'o wi chque are c'u ri che ri canima' naj e c'o wi che la.

Ri Jeremiy 10:8

Conojel e are' e con, man c'o ta jubik' quetamanic. ¡Man c'o ta jas ri cacuin ta wi jun ch'akap che' ri quebutijoj ta wi!

Ri Isaiy 29:13

Ri Ajawaxel xubij chwe: “We tinimit ri' xak caquitzijoj chi quinquipatanij cäquiya' c'u nu k'ij xak ruc' ri qui chi' naj c'u c'o wi ri canima' chwe, ri k'ijilanic ri cäquiya' chwe xak winak e chomaninak, quicojom c'u pa qui jolom.

Ri Isaiy 46:12

Chitampe' ri quinbij, winak ri man c'o ta cubij i c'u'x, ri qui chomaj chi ri torotajic sibalaj naj c'o wi:

Ri Jeremiy 2:4

Rija'lil tak ri Jacob, achalaxic tak aj Israel, chitatabej ri u tzij ri Ajawaxel.

Ri Jeremiy 8:19

Ri qui rakoj tak chi'aj ri nu tinimit cätataj pa ronojel ri ulew: “¿La man c'o ta chic ri Ajawaxel pa Sion? ¿La man c'o ta chic ri rajawinel chi'?” Ri Ajawaxel cutzelej u bixic: “¿Jasche xiban c'ax chwe xebik'ijilaj tak diosib, diosib ri man c'o ta qui patan xukuje' man etamatal ta qui wäch?”

Ri Ezequiel 14:5

Ri in quinnak na ri canima' conojel ri aj israelib ri xquitas quib chwij rumal quech ri e u diosib ri e c'o cuc'.