Ri Jeremiy 2:25 - Quiché Bible

²⁵ ¡Israel, mebe a soc ri awakan catxiquinic man e c'o ta a xajäb, maya' c'olbal chi cachaki'jar ri u pa a kul! Are c'u ri at xabij: ‘Jayi', man bantajel taj; quebenlok'ok'ej ri e jule' quinbe na cuc'.’ ”

Ri Jeremiy 2:25 Referans Kwoze

U Camulixic ri Pixab 32:16

Xquiyac ri rachixomanic xukuje' ri royowal ri Dios aretak xequik'ijilaj xibibal tak diosib;

Ri Jeremiy 18:12

We winak ri' caquibij na chawe: ‘¡Matzak a k'ij! Are cäkatakej na u banic ri cäkaj chkawäch are c'u cäkatakej na ri tacalaj itzel u rayinic ri kanima'.’ ”

Ri Jeremiy 3:13

Xuwi ta ne we kas cach'ob ri awetzelal, chi xac'ulelaj ri Ajawaxel ri a Dios; xatxiq'uinilob c'u che qui tzucuxic jachin tak catajawinic ri e jule' chi wi chuxe' ronojel che' ri jewel u xak, man c'u xebanimaj taj ri e nu takanic. In, ri Ajawaxel, quinjiquiba' u bixic.’ ”

Romanos 8:24

Pa cu'lbal c'uxaj c'ut xujcolotaj wi. We c'u jun cu'l u c'u'x chrij jun jasach ri quilitajic, man cu'lbal c'u'x ta ri'. We cäril chic jas ri curik na, ¿jas ta c'u che cäreyej na?

Juyuwem 4:4

Sibalaj cachaki'j qui chi' ri ac'alab ri c'a quetunic canaq'ui c'ut ri cak' pa qui chi'. Ri ac'alab caquitz'onoj qui wa man c'o ta c'u jachin ri cayo'w ta chque.

Ri Jeremiy 14:10

Ri Ajawaxel je cubij wa' che ri tinimit Israel: “We tinimit ri' are cäkaj ri amak'el wacatem chuwäch cäbe je la' cäbe jeri'. Rumal ri' man cäkaj ta chnuwäch. Camic quenataj ri e u mac chwe quincot c'u na u chi'.”

Ri Jeremiy 13:22

We c'u cäc'ot a chi' jasche je cac'ulmaj wa', rajawaxic cawetamaj chi qui mac quech ri c'axalaj tak a mac; ¡rumal ri' at sanabam banom c'u c'ax chawe!

Ri Isaiy 57:10

Xacos awib che qui banic q'ui binem, man c'u xach'ob ta chi man c'o ta u patan ronojel ri xabano. C'o c'u ri a wa awuq'uia' pa a k'ab rumal ri' man xatcos taj.

Ri Isaiy 2:6

Ajawaxel, yo'm la can ri tinimit la, ri u tinimit ri Jacob; ri culew nojinak chque ch'obonelab aj elebal k'ij, xukuje' ajk'ijab jacha' ri e c'o chquixo'l ri aj pilisteyib, cuc'ulaj c'u rib qui wäch cuc' ri man e qui winakil taj.

Ucab Tzijobelil 28:22

Pune' c'u kajinak chupam we latz' ri', xutakej c'u na qui banic tak ri etzelal chuwäch ri Ajawaxel. ¡Je' wa' ri u banic ri ajawinel Acaz!

U Camulixic ri Pixab 28:48

Quebapatanij c'u na ri c'ulel ri quebutak na ulok ri Ajawaxel chawij; cana' na wi'jal, chaki'j chi', cäquiynaj na ri awatz'iak chawij, cana' na ronojel u wäch mebayil. Ri Ajawaxel cuya' na be chque ri a c'ulel chi catquicoj pa jun c'axalaj chac c'ä catcäm na.

Ri Lucax 16:24

C'äte ri' ri k'inom co xch'awic, xubij: ‘Tat Abraham, chel c'u'x la chwe, chtakala' ulok ri Lazaro rech curub ulok ri u wi' u k'ab pa ja', cujorobisaj c'u ri wak'; rumal rech chi quinel ch'u'j pa we k'ak' ri.’

Ri Lucax 15:22

Are c'u ri u tat xubij chque ri pataninel tak rech: ‘Chiwesaj ulok ri utzalaj atz'iak, chicojo' che. Chicojo' mulk'ab che ri u k'ab. Chicojo' xajäb chque ri rakan.

Ri Osey 2:3

We man cubano quinchanaba' na canok: je quenbana' che jacha' ri k'ij ri xalaxic, quinban na che chi cux na jun chaki'j uwo sak, pa jun puc'uc' ulew, quinban c'u na che chi cäcäm rumal chaki'j chi'.

Ri Jeremiy 44:17

Je c'u ri', cäkatakej na u banic ri chomatajinak u banic kumal. Cäkatakej na u chi'xic c'oc' k'ol xukuje' tak sipanic re u wa'l uva che ri Ajawinel Ixok dios re ri Caj, jacha' ri ka takem ulok u banic c'ä camic xukuje' jacha' ri xequiban ri e ka mam xukuje' tak ri e ka ajawinelab xukuje' xquiban ri e c'amal tak be chquipam ri tinimit tak re Juda xukuje' pa tak ri u xo'l tak ri ja pa Jerusalen. Are c'u ri nabe canok tz'ebetal ri cäkatijo, utz c'u quel ronojel chkawäch man xpe ta c'u jun quiäkasakil pakawi';

Ri Jeremiy 2:31

(Xukuje' c'u ri ix, ri ix re we ija'lil ri' camic, chiya' i xiquin che ri cubij ri Ajawaxel chiwe.) Israel, ¿la in puch uxinak jun chaki'j uwo sak chawe?, ¿jun ulew ri nojinak chque tak mujal? Nu tinimit, ¿jasche cabij: ‘Uj torotalic; mawi jumul cujtzelej chic uc' la?’

Ri Jeremiy 13:21

“¿Jas c'u ri cabij na, Jerusalen, aretak cäk'at na tzij pawi' cumal winak ri kas at xatyo'w tijonic chque? Quepe c'u na u k'oxomal yawab ixok chawe.

Ri Jeremiy 22:20

“¡Juda chatpakal puwi' ri juyub Libano charaka' c'u a chi'! ¡Chawalijisaj ri a ch'abal chque tak ri c'ache'laj re Basan! ¡Charaka' a chi' kas paquiwi' tak ri juyub re Abarim, conojel c'ut ri at qui lok' e ch'äcatajinak!

Juyuwem 1:2

Cajik' pa ok'ej chak'abibal tak; ri e u wa'l tak wächaj quebelel tak cho ri u palaj. Chquixo'l tak conojel ri e rach ch'abem man c'o ta jun ri cacu'bisan ta u c'u'x. Conojel ri canima' quib ruc' e jachinelab quieb qui wäch; che qui banom qui c'ulel che.

Ri Ezequiel 20:32

Oquinak pa i jolom chi quixux junam cuc' ri jule' nimak tak tinimit chic ri e c'o cho ri uwächulew, ri caquik'ijilaj ri che' xukuje' ri abaj, man je ta c'u cätakex u banic wa'.

Ri Osey 2:5

Ri qui nan xux quech ri nim ch'utin; xutzak ri u nimarisaxic u k'ij, aretak je xubij wa: ‘quinbe na che quitzucuxic tak ri wach ch'aben, ri queyo'w nu wa wuq'uia', ri rismal nu chij xukuje' ri nu sakloloj atz'iak lino, ri waseit xukuje' tak ri wuq'uia'.’

Ri Malaquiy 3:14

Are wa' ri i bim: ‘Ri u patanixic ri Dios man c'o ta cupatanij. ¿Jas ta ri ch'äcoj ri cäkesaj che ri u banic ri catakan che u banic, chi che ka cojo' tak atz'iak re bis chi chujbin c'u chuwäch ri Ajawaxel ri c'o ronojel u cuinem?

Ucab Tzijobelil 28:23

Xebuchi'j c'u tabal tak tok'ob chquiwäch ri e qui diosib ri aj Damasc, u mac c'u ne quech wa' xch'äctajic. Xuchomaj chi, we ri e qui diosib ri aj Siriy e qui to'm tak ri ajawinel re we ulew ri', xukuje' cäto' ri' ri are' cumal, we quebuchi'j tabal tak tok'ob chquiwäch. E are' c'u ne ajchak'mac wa' chi xch'äctajic xukuje' ri u ch'äctajic ronojel ri Israel.

Ri Jeremiy 22:21

In xatinch'abej pa ri k'ijol aretak utz at c'olic, man xawaj ta c'ut xinatatabej. Je a banom ulok wa' kas pa ri walc'alal: ¡Man a yo'm ta a tzij che u tatabexic ri quinbij chawe!