Ri Jeremiy 2:19 - Quiché Bible

¹⁹ Ri kas awetzelal cac'äjisan na a wäch, ri man a jiquil taj catc'okon na. Chatchomanok cawil c'u na ri lawaloyil xukuje' ri c'ayil ri uxinak chi quinaq'uiak canok man a yo'm ta nu k'ij in, ri in ri Ajawaxel ri a Dios. In, ri Ajawaxel ri c'o ronojel u cuinem, quinjiquiba' u bixic.”

Ri Jeremiy 2:19 Referans Kwoze

Ri Isaiy 3:9

Chisakil quemacunic, man cäquic'u' ta ri cäquibano e junam ruc' ri Sodom, cäquiya' u bixic chque conojel ri winak. Tok'ob qui wäch, e are' quesuc'uman ri c'äjisabal qui wäch.

Ri Jeremiy 4:18

Ri a c'aslemal xukuje' tak ri e abanoj e are' ajchak'mac che ri a c'ulmam; ri awetzelal are' yowinak we c'ayilaj wächinic ri' chawe cusoc c'ut ri awanima'.”

Ri Jeremiy 2:17

Je a c'ulmam wa' rumal rech chi xinaq'uiak canok ri in, ri in ri Ajawaxel ri a Dios ri quinc'am c'u a be chupam ri be.

Salmib 36:1

Ri etzelal cuch'abej ri banal etzelal chupam ri ranima'. Mawi jubik' c'ul ta pa u jolom chi rajawaxic cuxe'j rib chuwäch ri Dios.

Ri Osey 5:5

Ri nimal ri cac'amow ri Israel cäk'ijin puwi'. Ri Eprain cuchak'ij rib chupam ri kas retzelal, ¡junam c'ut cuc' ri e are' xukuje' ne ri Juda cuchak'ij na rib!

Ri Amos 8:10

Quebenq'uex na tak ri nimak'ij pa cok'exic cäminakib, ri e tak bix pa bit'oj tak ib cuc' cäminakib; quinban na chi quebicoj tak atz'iak re bis, quebitolorisaj c'ut ri i jolom che u c'utic ri c'axc'ol. Quejuyuw c'u na jacha' ri cuban ri xutzak jun u c'ojol ri xa' jun c'olic ronojel c'ut cäq'uis na pa c'ayil.”

Ri Osey 11:7

Ri nu tinimit u takem u najtajisaxic rib chnuwäch; caquirak qui chi' chicaj, man c'o ta c'u jachin ta cäyo'w ta ri to'banic chque.

Ri Jeremiy 5:6

Rumal c'u ri' quebel ulok coj pa ri c'ache'laj quecämisax c'u na cumal, ri utiw ri e c'o chupam ri chaki'j uwo sak quemuchuw na, ri balam quebequimajij na chquinakaj tak ri qui tinimit quech'akatix c'u na cumal aretak quebel ulok; rumal rech chi sibalaj e q'ui ri macaj ri e qui banom, xukuje' chi sibalaj man e nimanelab taj.

Romanos 3:18

Man cäquixe'j ta jubik' quib chuwäch ri Dios.”

Ri Zacariy 7:11

Are c'u ri tinimit xuk'il rib man xraj taj xnimanic. Conojel are xquiya' ri quij xquiban quib chi man queta'm taj.

Ri Osey 14:1

¡Chattzelejok, Israel, ruc' ri Ajawaxel ri a Dios, at ri xattzak u mac rech ri a mac!

Ri Jeremiy 8:5

Israel, ¿jas c'u che man kas ta at jic chwij? ¿Jas c'u che, Jerusalen kas xa' jumul xinaxutuj? ¿Jas c'u che xacoj a chuk'ab che nu c'ulelaxic a ma ta c'u cawaj cattzelejic?

Ri Osey 4:16

Ri Israel ri man cäraj ta ch'abexic jacha' jun alaj ati't wacax ri man chaptal taj; je c'u qui banic wa' ¿la quebuchajij ta lo ri Ajawaxel pa je'lic tak yuk'bal, junam we ta e alaj ama'ib tak chij?

Ri Jeremiy 5:22

In, ri Ajawaxel quinbij: ¿La xa' man quina' ta iwib chnuwäch? ¿La xa' man quixbirbob ta chnuwäch in? In xincoj ri sanyeb che u c'ulbatil ri plo, jun c'ulbat ri man cäcuin ta ri plo coc'ow ta puwi'. Ri e u rekbala' xak lok' caquicoj qui chuk'ab quebel c'u ch'u'j, man c'u quecuin ta che u xalk'atixic.

Ri Jeremiy 3:22

Chixtzelej ulok wuc' walc'ual ri man ix nimanelab taj, ri in quixincunaj na che ri man i nimanic taj.” “Uj c'olic ri', cujnakajin chech la, rumal rech chi lal ri' ri Ajawaxel ri ka Dios.

Ri Isaiy 50:1

Ri Ajawaxel cubij: “¡Michomaj chi xinjach can ri Israel ri i nan, jacha' ri cuban jun achi cujach can ri rixokil, o xixinc'ayij ta bic jacha' pataninelab ri que lok'ic u mac rech chi c'o ta nu c'as ruc' jachin jun! Ri ix xixc'ayix bic rumal rech chi xixmacunic; ri Israel ri i nan, xjachic rumal rech chi man xixniman taj.

Ri Isaiy 5:5

Quinbij c'u na chiwe ri xinchomaj u banic che ri nu ticbal uva: quinwesaj ri coral ri c'o chrij, rech cäsachisax u wäch; quinwor ri tapia ri c'o chrij, rech cätac'alexic;

E C'ambal tak Tzij 5:22

Ri banal etzelal cäkajbex na rumal ri etzelal ri cubano, ri kas u mac are' cäximow na jacha' jun colob.

E C'ambal tak Tzij 1:31

¡Quixukajbej c'u na ri e ratz'amil ri e i c'aslemal! ¡Cäq'uistaj na i c'u'x chque ri itzel tak i chomanic!

E C'ambal tak Tzij 1:32

Ri man c'o ta quetamabal, quebe pa ri cämical, e are' tak c'ut ri man c'o ta qui no'j cäsachisax na qui wäch rumal ri man qui oquem ta il;

Ri Jeremiy 5:24

Man xechoman taj mawi xquibij taj: Nim kila' wi ri Ajawaxel ri ka Dios, ri cuya' ri ka jäb pa ri u k'ijol ri cäkaj atam xukuje' ri cäkaj matam, chupam c'ut ri nabe tak ic' re ri junab cuya' chke ri u yaquic ri qui wächinic tak ri kulew.

Ri Ezequiel 39:24

In je xinban chque jas ri takal chque ri quetzelal xukuje' chi man ch'abexic ta cacaj, xebentzak c'u canok.

Ri Osey 7:2

Man coc ta pa qui jolom chi ri in man quesach ta pa nu jolom conojel ri quetzelal. Camic e lak'aputal c'u cumal conojel tak ri e qui banoj, ri e c'o amak'el chquiwäch ri nu bak'wäch.”

Ri Osey 13:9

Quensachisaj a wäch, Israel, man c'o ta c'u jachin ta cacuin che u k'atixic.

Ri Miquey 1:5

Ronojel wa' rumal rech ri man u nimanic taj ri u tinimit ri Jacob, xukuje' cumal quech tak ri qui mac ri aj Israel. ¿Jawije' c'o wi ri man u nimanic taj ri Jacob? ¡Chupam ri tinimit Samar! ¿Jawije' tak e c'o wi ri e subunelab tak u k'ijilabal ri Jacob? ¡Kas pa ri Jerusalen!

Elem 33:6

Je c'u ri' kas aretak e c'o pa ri juyub Horeb, ri aj israelib xquik'il tak quib che qui cojic ri wikbal tak quib.

K'atal tak Tzij 10:13

Pune' c'u je nu banom wa' chiwe, ri ix in i xutum canok che qui k'ijilaxic tak diosib, rumal ri' man quixinwesaj ta chic chupam ri c'ax.

Nabe Ajawinelab 18:18

“Man in taj ri cätajin quinban c'ax,” xcha' ri Eliy, “xane' lal xukuje' ri e winak la, rumal ri qui ya'ic can tak ri e u takomal ri Ajawaxel xquiya' c'u k'ijilanic chque ri jalan tak qui wächbal ri Baal.

Ucab Tzijobelil 12:5

Are c'u ri Semaiy k'axal tzij xopan ruc' ri Roboam xukuje' ri e c'amal tak be pa Juda ri xquimulij quib pa Jerusalen rumal ri ch'äcanic ri cätajin cuban ri Sisac, xubij c'u chque: “Ri Ajawaxel cubij chi ri ix i yo'm canok rumal c'u rech wa', ri are' xukuje' ix u yo'm can camic pa u k'ab ri Sisac.”

Ucab Tzijobelil 21:10

Xcuin c'ut ri Edom xuresaj rib chuxe' ri u takanic ri Juda. Xukuje' pa ri k'ijol ri' ri Libna xuresaj rib pa u k'ab ri Juda, rumal rech chi ri Joram u tzakom canok ri Ajawaxel, qui Dios ri e u mam.

Ucab Tzijobelil 25:16

Aretak c'u ri k'axal tzij cätajin cubij wa', ri ajawinel xc'ulelaj: “¿La xa' pa at ka cojom che ya'l u no'j ri ajawinel? ¡Chak'ila' awib chatz'apij u pa a chi'! ¿O are cawaj catcämisaxic?” Ri k'axal tzij man xutakej ta chic u cojic u chuk'ab, xubij c'ut: “In weta'm chi ri Dios xa jumul u bim chi cusachisaj wäch la rumal rech ri u banic wa' xukuje' ri man u takexic taj ri nu no'j.”

Ri Jeremiy 1:16

Are c'äjisabal wächaj wa' ri quinya' u bixic chi cäpe na paquiwi' we ajmaquib ri' ri in quixutum, ri xequiporoj c'oc' k'ol xukuje' xequik'ijilaj diosib ri e jule' chiwi ri kas e are' xebanowic.

Ri Jeremiy 7:19

C'o c'u na ri c'axc'obisanic ri caquiban chquibil tak quib, chuwäch ri kas c'axc'obisanic ri caquiban chwe in, che ri kas qui q'uixbal. In, ri Ajawaxel, quinjiquiba' u bixic.

Ri Jeremiy 13:22

We c'u cäc'ot a chi' jasche je cac'ulmaj wa', rajawaxic cawetamaj chi qui mac quech ri c'axalaj tak a mac; ¡rumal ri' at sanabam banom c'u c'ax chawe!

Ri Ezequiel 23:30

e are' ri e ajchak'mac che ri cac'ulmaj camic, xajach c'ut awib che cäquiban ri quech ri nim ch'utin cuc' nimak tak tinimit ri' xachuwisaj c'u awib rumal ri qui k'ijilaxic tak ri e diosib.

Ri Osey 9:1

Mat quicotic Israel; mat ch'oplinic chi utz at c'olic jacha' ri jule' tak tinimit chic, at uxinak c'u junam cuc' ri quech ri nim ch'utin aretak xaxutuj can ri a Dios. Pa tak ri era ri cayak' wi ri trico, cäkaj c'u chawäch quebac'am tak ri tojbal re ri e a mac jacha ri cuban ri quech ri nim ch'utin.