Ri Jeremiy 2:18 - Quiché Bible

¹⁸ Are c'u ri camic, ¿jas ri cach'äc ruc' ri a bic pa Ejipt che ruq'uiaxic ri u ja'il ri Nil? ¿Jas ri cach'äc ruc' ri a bic pa Asiriy che ruq'uiaxic ri u ja'il ri Euprats?

Ri Jeremiy 2:18 Referans Kwoze

Ri Josue 13:3

ri cäbe chuchi' ri nima' Sihor, pa ri elebal k'ij che ri Ejipt, quetakal c'ä pa ri u c'ulbatil ri Ecron, pa ri iquiak'ab, culew c'ut ri aj cananeyib wa'; e c'o c'u job quinimal tak ri pilisteyib chila', ri e are' wa' ri Gaz, ri Asdod, ri Ascalon, ri Gat xukuje' ri Ecron. C'o xukuje' ri culew ri abeyib,

Ri Osey 7:11

Ri Eprain jacha' jun palomax, ri conirinak ri man c'o ta retamanic: cutz'onoj to'banic che ri Ejipt, cabextax chi c'ut pa Asiriy…

Ri Jeremiy 2:36

¿Jasche sibalaj aninak at c'o che qui q'uexic ri e to'l tak awech? Xukuje' ri Ejipt man catuto' ta na, jacha' ri u banom chic ri Asiriy chawe man xatuto' taj.

Ri Isaiy 31:1

¡Tok'ob qui wäch ri quebe pa Ejipt che u to'ic quib, ri cäquicu'ba' qui c'u'x chquij ri quiej, ri cäquicu'ba' qui c'u'x chi e c'o q'ui qui carwaj xukuje' chi sibalaj e q'ui ri cajquiejab e c'olic, man cäquiya' ta c'u ri qui wäch chrij ri Tastalicalaj u Dios ri Israel, man cäquitzucuj ta ri Ajawaxel!

Ri Osey 5:13

Aretak cäril ri Eprain ri yabil ri c'amowinak, xukuje' c'u ri Juda queril tak ri e u socotajic, ri Eprain cabe na pa Asiriy che u tz'onoxic ri u to'ic rumal ri nimalaj ajawinel, are c'u ri are' man cäticar ta na che cutzirisaxic mawi qui cunaxic tak ri socotajic.

Ri Ezequiel 17:15

We u c'ojol we ajawinel ri' xuwalijisaj rib chrij ri ajawinel ri c'o pa Babilon xebutak bic takom pa Ejipt che qui tz'onoxic quiej xukuje' q'uialaj achijab. ¿La are c'u pa i c'u'x ix chi aretak je bantajinak wa' rumal utz ta quel na, cäto'taj ta c'u na ri u c'aslemal? ¿La cato'taj ta na ri u c'aslemal jun winak ri man cutz'akatisaj taj jun c'ulwächinic?

Juyuwem 4:17

Cuc' ri ka bak'wäch ri e cosinak, uj c'asc'atinak c'ut, xak lok' keyem ri to'banic. Xak keyem ri ropanem jun tinimit ri man cacuin taj catobanic.

Ri Isaiy 7:20

Pa ri k'ij ri' ri Ajawaxel cucoj na ri rajawinel ri Asiriy jacha' jun nawanxo kajom ulok c'ä jela' che ri nima' Euprats, cuban na tol che ri qui jolom xukuje' cujos na ri quismachi' conojel ri aj Israel xukuje' ri rismal ronojel ri qui cuerp.

Ri Isaiy 23:3

xukuje' pa ri e nimak tak u ja'il. Cäquesaj ri qui ch'äcoj che tak u wächinic ri Sihor, xukuje' che tak ri cuq'uiyisaj ri Nil, quec'ayinic, quelok'oman pa ronojel qui wäch nimak tak tinimit.

Ri Ezequiel 16:28

Man c'u xcu'bi ta a c'u'x ruc' wa', xac'ayila' awib pa qui k'ab ri aj asiriyab jacha ri cäquiban ri quech ri nim ch'utin; mawi c'u ne xcu'bi ta a c'u'x ruc' wa'.

Ucab Tzijobelil 28:16

Chupam c'ut ri k'ijol ri', ri ajawinel Acaz xebutak bic tako'n ruc' ri ajawinel aj Asiriy che u tz'onoxic ri u to'banic,

Ri Jeremiy 31:22

¿C'ä jampa' xak catwacatilobic, jacha' jun mialaxel ri xak tzokopital u colobal? In, ri Ajawaxel, nu winakirisam jun jasach c'ac' pa we uwächulew ri': jun ixok ri cutaquej jun achi.”

Juyuwem 5:6

Rech cätz'akat ri cäkatijo cäkalic ri ka k'ab chque ri aj ejiptib xukuje' chque ri aj siriyab.

Ri Ezequiel 23:30

e are' ri e ajchak'mac che ri cac'ulmaj camic, xajach c'ut awib che cäquiban ri quech ri nim ch'utin cuc' nimak tak tinimit ri' xachuwisaj c'u awib rumal ri qui k'ijilaxic tak ri e diosib.