Ri Jeremiy 2:15 - Quiché Bible

¹⁵ ¿Jas c'u che caquiban c'ax che e jacha' ta ne e coj, cuc' cowilaj tak wunem? Quiyojim can ri ulew; ri u tinimit tak xeporoxic man c'o ta c'u jun xto'taj ta can chupam.

Ri Jeremiy 2:15 Referans Kwoze

Ri Jeremiy 4:7

Ri coj elinak ulok chupam ri u c'olbal, ri cusachisaj qui wäch ri nimak tak tinimit petinak; elinak ulok pa ri u jekelibal che u sachisaxic u wäch ri awulew, che qui tolobaxic xukuje' qui yojixic tak ri e a tinimit.

Ri Jeremiy 50:17

“Ri Israel xak junam ruc' jun chij ri sachinak, ri okatatal cumal coj. Nabe xtijow rumal ri ajawinel re Asiriy; are' chiwi chi c'u wa' ri Nabucodonosor, ajawinel re Babilon, xebuwak' tak ri u bakil.

Ri Jeremiy 9:11

Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”

Ri Isaiy 5:29

Ri qui wunem je jas ri u wunem jun coj, ri cäjininic aretak cuchap ri u ti', cuc'am c'u bic man c'o ta jun cäcuinic cumaj ta che.

Ri Isaiy 1:7

Ri iwulew canajinak jacha' jun chaki'j uwo sak, quenicow c'ut ri tinimit pa k'ak'. Ri e i c'ulel quequitij ri quitico. Ronojel canajinak canok jacha' jun chaki'j uwo sak, jacha' ri xuc'ulmaj ri Sodom aretak xsachisax u wäch.

Ri Soponiy 3:6

Cacha' ri Ajawaxel: “E nu yojim ri nimak tak tinimit, e nu lilobisam tak ri tac'atak tak ja ri e c'o paquiwi' tak ri qui nimak tak tapia e nu tolobam c'u canok ri e u xo'l tak cachoch, man c'o ta chi winak ri queboc'ow ta chi chquipam. ¡Chquipam tak ri qui tinimit ri e canajinak can qui tuquiel man c'o ta jun u winakil cajeki' ta can chquipam!

Ri Soponiy 2:5

¡Tok'ob i wäch ix, winak ri ix c'o pa Cret, ri ix jekel chuchi' ri plo! Ri Dios u yo'm u bixic chi jewa' qui c'ulmaj na: “¡Canaan, ulew ri aj pilisteyib, quensachisaj na a wäch man c'o ta a winakil quebenya' ta canok!

Ri Soponiy 1:18

Pa ri k'ij re ri nimalaj royowal ri Ajawaxel, man cäto'tajisax ta na ri winak mawi rumal ri u sak puak mawi rumal ri u k'an puak, ri u k'ak'al c'ut ri royowal ri Ajawaxel cäjarisan na ronojel ri uwächulew. ¡Conojel ri winak ri e jekel cho ri uwächulew cäsachisataj na qui wäch xa' pa jun jok'otaj!

Ri Nahum 2:11

¿Jas ta ri cäcanaj can chque ri e qui pec tak ri coj, che ri c'olbal quib ri alaj tak calc'ual ri coj? Chila' ri nimak tak coj xukuje' ri e alaj tak coj xquina' quib chi man c'o ta caquic'ulmaj; man c'o ta jachin ta jun ri chexibin taj.

Ri Amos 3:12

Je wa' cubij ri Ajawaxel: “Je' jacha' ri cuban ri aj yuk' cutokij pa u chi' ri coj quieb akanaj o ri u tza'm jun xiquinaj, jewa' ri qui to'tajic ri aj israelib ri e jekel pa Samar, we winak tak ri' ri quequik'eba' tak quib pa tak ri k'inomalaj tak t'uyulibal re Damasc.”

Ri Amos 3:8

¿Jachin ta ri ma ta cäbirbob che xe'n ib, we cäwun ri coj? ¿Jachin ta ri ma ta chach'aw pa ri u bi' ri Ajawaxel, we are' ri cätakanic?

Ri Amos 3:4

we ri coj cäwun pa ri c'ache'laj, xa' c'u u rikom jun u ti' ri'; we ri alaj coj cajinin chupam ri jul, xa' c'o jas kajinak ri' pa u k'ab;

Ri Osey 11:10

Ri e are' caquiterenej na ri Ajawaxel, ri are' cawun na jacha' jun coj. Cäwunic, e are' tak c'ut ri e rech quebirbitic quebel na ulok pa ri u kajebal k'ij.

Ri Osey 5:14

Jacha' ri cuban jun coj cuq'uiak rib je quinban na in aretak quinq'uiak wib chrij ri Eprain xukuje' chrij ri Juda; kas in quebenmuch tak canok, quinbextax c'ut; quebenmajij tak na, man c'o ta c'u jun jachin ta quebesan pa nu k'ab.

Ri Ezequiel 5:14

Ri in quinban chawe chi catjalwächitaj pa jun jumulaj yojyobic, ri Jerusalen; catinmach'irisaj na chquixo'l tak ri tinimit ri e a c'ulja, rech quequil conojel ri queboc'owic.

Ri Jeremiy 44:22

Are c'u ri Ajawaxel man xcuin ta chi che qui coch'ic ri itzel tak banoj ri xebibano ri sibalaj itzel querilo. Rumal quech wa' ri iwulew c'o pa yojyobic camic ri man c'o ta c'u jun cäjeki' ta chupam; uxinak c'utbal re c'okotajic, pa jun jasach ri cuya' xibriquil.

Ri Jeremiy 34:22

Quebentakchi'j chi che tzelej ulok che u banic c'ax che we tinimit ri' chech'ojin c'u ruc', chumajij c'ut chut'ika c'u k'ak' che. Quenbana' c'ut chi ri niq'uiaj tak tinimit chic re Juda che tolobaxok man c'o ta jun winak chcanaj ta chquipam. In, ri Ajawaxel, quinjiquiba' u bixic.”

Ri Jeremiy 33:10

Cächa ri Ajawaxel: “Quixcha' ix chi tolon we c'olbal jamalic chi man e c'o ta winak chupam mawi awaj; chi ri u xo'l tak ja re ri Jerusalen xukuje' ri quech tak ri tinimit tak e aj Juda e tolonic; chi man c'o ta jachin jun, mawi winak mawi awaj, e jekel ta chila'. Pune' c'u je cabij wa',

Ri Jeremiy 26:9

¿Jas ri cabano cachajij anima' che u bixic pa ri u bi' ri Ajawaxel chi we rachoch Dios ri' je cäcanajic jacha' ri ja re ri Sil, xukuje' chi we tinimit casachisax na u wäch man c'o ta chi c'u winak quecanaj ta chi can chupam?” Conojel c'u ri winak xquiq'uiak quib chupam ri rachoch Dios, chrij ri Jeremiy.

Ri Jeremiy 25:30

At, Jeremiy, chaya' qui bixic conojel tak we jastak ri' chque pa ri nu bi'. Chabij chque: ‘Ri Ajawaxel cuq'uiak ulok ri u ch'abal re cakulja kas chila' chicaj, kas chupam ri tastalic c'olbal ri jekel wi. Curak u chi' chrij ri u jumulaj jacha' ri caquiban ri e pitz'ol tak uva, chquij conojel ri winak ri e jekel cho ri uwächulew.

Ri Jeremiy 5:6

Rumal c'u ri' quebel ulok coj pa ri c'ache'laj quecämisax c'u na cumal, ri utiw ri e c'o chupam ri chaki'j uwo sak quemuchuw na, ri balam quebequimajij na chquinakaj tak ri qui tinimit quech'akatix c'u na cumal aretak quebel ulok; rumal rech chi sibalaj e q'ui ri macaj ri e qui banom, xukuje' chi sibalaj man e nimanelab taj.

Ri Isaiy 24:1

Chiwilampe' ri Ajawaxel cusach u wäch ronojel ri uwächulew, cuq'uis tzij puwi', cuyojij ronojel, quebujabuj na conojel ri winak ri e c'o chuwäch.

Ri Isaiy 6:11

Ri in xinc'ot u chi': “¿Joropa' k'ijol cabeytaj wa', Ajawaxel?” Ri are' xubij chwe: “C'ä casach na qui wäch ri tinimit tak, man c'o ta jun u winakil cäcanajic, c'ä quecanaj na can ri ja qui tuquiel, ri ulew quejamajob canok,

Ri Isaiy 5:9

Ri Ajawaxel ri c'o ronojel u cuinem xuban ri chi'nic ri kas cäban na chwe: “E q'ui ja queyojyob na; pune' ta ne e nimak xukuje' e je'lic, man c'o ta chi jun caraj cäc'oji' ta chquipam.

Salmib 57:4

In liq'uin, cho ri ulew, chquixo'l tak coj ri e tijol tak winak; ri qui ware junam cuc' ri tz'imaj ch'ich' xukuje' tak ri ch'ab, ri cak' junam ruc' jun ch'ich' re ch'o'j ri banom u pa u chi'.

Ri Job 4:10

Pune' c'u sibalaj quewu'nic xukuje' quequirak qui chi' e jacha' ri coj, ri Dios cutz'apij na u pa qui chi' ruc' ri u c'äjisaxic ri qui ware.

K'atal tak Tzij 14:5

Xbe c'u ri Sanson xerachilaj bic ri u nan u tat pa Timnat. Aretak ri Sanson xopan pa tak ri ticbal uva ri c'o chunakaj ri tinimit, xk'atixic xuq'uiak rib jun c'ojol coj chrij cäwunic.

Ri Jeremiy 51:38

Conojel e are' quewun na e jacha' ri coj quequijisila' c'u na tak quib e jacha' alaj tak coj.

Ri Ezequiel 36:3

Je ba' wa', chatch'aw pa ri nu bi' chabij c'u chque: ‘Are wa' cubij ri Ajawaxel: Pa ronojel c'olbal quewalij wi ulok ri quech'ojin iwuc' cäsachisax c'u i wäch cumal; conojel ri tinimit ri man e i winakil taj ix kajinak pa qui k'ab, xa' c'u quetz'bex i wäch cumal ri winak xukuje' quetzelex i wäch cumal.

Ri Zacariy 11:3

Caquirak qui chi' ri ajyuk'ab che ok'ej, rumal rech chi ri qui je'lical ri echa' e sachisam tak qui wäch. Catataj ri u wunem ri coj, rumal rech chi sachisam u wäch ri u k'ekumalil ri Jordan.

Ri Jeremiy 6:8

Chc'äj a wäch, Jerusalen, we c'u man cäc'äj a wäch, in oyowarinak quintas na wib chawij, quinban na chawe chi catux jun chaki'j uwo sak, man c'o ta a winakil quebenya' ta canok.”

Ri Jeremiy 9:10

Chebok'ok xukuje' chech'ikowok pa tak ri c'ache'laj, quik'uyuyej jun juyuwem pa tak ri yuk'bal, rumal c'u rech chi e porotajinak chic man c'o ta chi c'u jun coc'ow ta chi chila'; man c'o ta chi qui wunem ri wacax quetatajic, xukuje' tak ri chicop ri querapinic xukuje' ri juyubal tak awaj xebanimaj tak bic.

Ri Jeremiy 10:22

¡Chixtatabenok! ¡Cul jun tzijol! Re jun ulew ri c'o pa ri iquiak'ab petinak jun nimalaj tininem ri quebujalwächij tak ri tinimit tak ri e re Juda pa jun chaki'j uwo sak ri xuwi xex tak awaj quec'oji' na chupam.”

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.