Ri Jeremiy 2:13 - Quiché Bible

¹³ Ri nu tinimit quieb u wäch ri mac u banom: in u q'uiakom canok in, u q'uiyibal c'aslic ja', xequic'ot c'ut ri kas e qui c'ua', c'ua' tak ri e xarxobinak ri man quequic'ol ta ri ja'.”

Ri Jeremiy 2:13 Referans Kwoze

Ri Xuan 4:14

Apachin c'u ri cäruq'uiaj re ri joron ri quinya' che, mawi jumul chbe k'ij sak cächaki'j ta chi na u chi'. Xane' ri joron ri quinya' che, cux na jun u q'uiyibal ja' che, ri cäpixc'on che junalic c'aslemal.”

Ri Xuan 7:37

Pa ri q'uisbal k'ij, are c'u k'ij wa' ri nim na u banic re ri nimak'ij, ri Jesus xtaq'ui'c, co xch'awic, xubij: “We c'o jachin cächaki'j u chi', chpet wuc', chuq'uianok.

Ri Jeremiy 17:13

Ajawaxel lal ri' ri eyebal u c'u'x ri Israel. Ronojel ri catzakow la canok cacanaj pa q'uixbal. Ronojel ri cunajtajisaj rib che la cäsach na u wäch jacha' jun bi'aj ri tz'ibam pa ri puc'uc' ulew, rumal ri tzakic la canok, ri bulbux ja' ri cajororic.

Apocalipsis 21:6

Te c'u ri' xubij chwe: “Xbantajic. In ri' ri nabe xukuje' ri q'uisbal, ri tiquiritajic xukuje' ri q'uistajic. Apachin ri cächaki'j u chi', quinya' na re ri q'uiyibal ja' re c'aslemal, ri xa' cäcochi'xic.

Salmib 36:9

uc' la c'o wi ri u q'uiyibal ja' re c'aslemal chupam c'ut ri chäj la cäkil wi ri chäj.

Apocalipsis 22:1

Ri tako'n aj caj xuc'utuxtaj jun nima' re c'aslemal chnuwäch cächuplinic jacha' ri cha'. Quel c'u ulok che ri u tem ri Dios re ajawibal, xukuje' ri re ri Alaj Chij.

Ri Isaiy 55:2

¿Jasche cäya' ri puak che u q'uexwäch ri man wa taj? ¿Jasche quiya' ri quich'äco che jun jasach ri man cänojisan taj? Kas utz nu tatabexic chibana', quebitij c'u na utzalaj tak k'obisabal, quebitij na je'lalaj tak jastak.

Apocalipsis 22:17

Ri Uxlabaxel xukuje' ri rixokil ri Alaj Chij je cäquibij wa': “¡Tasaj!” Apachin ri cätatabenic xukuje' chubij: “¡Tasaj!” Apachin ri cächaki'j u chi', chpetok. Apachin ri cäraj, chuc'ama' re ri ja' rech c'aslemal ri xak cäsipaxic.

Ri Jeremiy 4:22

“Ri nu tinimit moxirinak, man cuch'ob ta nu wäch,” cacha' ri Ajawaxel. “E alc'ualaxelab ri man c'o ta qui no'j, ri man quechoman taj. Coc'ow u wi' ri qui no'j che u banic ri etzelal, man queta'm ta c'u u banic ri utzil.”

Ri Jeremiy 2:11

chi jun nim tinimit ri e k'ijilal ta diosib, e u q'uexom ta ri e u diosib. ¡Xa' c'u ne e subunelab tak diosib wa'! Are' c'u ri nu tinimit in u tzakom canok in ri in u juluwem, che qui k'ijilaxic ri e diosib ri man c'o ta jubik' qui patan.

2 Pedro 2:17

Wa' e winak e chaki'j tak c'ua', e je jas ri sutz' ri e c'amom ulok rumal jun nimalaj quiakik'. Ri u k'ekal ri k'eku'm chque ri e are' ya'tal wi, quec'oji' na chupam amak'el chbe k'ij sak.

Ri Jeremiy 2:17

Je a c'ulmam wa' rumal rech chi xinaq'uiak canok ri in, ri in ri Ajawaxel ri a Dios ri quinc'am c'u a be chupam ri be.

Ri Jeremiy 1:16

Are c'äjisabal wächaj wa' ri quinya' u bixic chi cäpe na paquiwi' we ajmaquib ri' ri in quixutum, ri xequiporoj c'oc' k'ol xukuje' xequik'ijilaj diosib ri e jule' chiwi ri kas e are' xebanowic.

Ri Tzijonel 2:26

Je c'u wa' ri cac'ulmatajic, ri Dios cuya' no'j, etamanic xukuje' quicotemal jachin ri carilo chi takal che; are' c'ut ri cämacunic cuya' ri eka'n che chi chpok'colijok chebumulij c'u tak k'inomal rech cuya' che jachin ri caril ri Dios chi cakaj chuwäch. ¡Xukuje' wa' xa cawächibal xak lok' xa cajwax u chapic ri quiakik'!

Ri Jeremiy 15:6

At xinaxutuj canok, are xaya' can ri awij chnuwäch. In, ri Ajawaxel quinjiquiba' u bixic. Rumal ri' in, in k'itajinak che ri coch'onic, quinwalijisaj na ri nu k'ab che u c'äjisaxic a wäch, quinsachisaj c'u na a wäch.

Ri Isaiy 63:8

Ri are xubij: “Ri e are e nu tinimit, alc'ualxelab ri man quinquijach ta na.” Ri are c'ut xebucolo

Ri Isaiy 5:13

Rumal c'u rech chi man quiwaj taj quixch'obonic, ri nu tinimit quesax na bic pa ri rulew, conojel ri aj Israel xukuje' ri e c'amal tak qui be, quecäm na rumal wi'jal xukuje' chakij chi'.

Ri Isaiy 1:3

Ri wacax reta'm u wäch ri rajaw, xukuje' ri bur ri cäya' wi ri recha' rumal ri rajaw; are c'u ri Israel ri kas nu tinimit, man cuch'ob ta mawi c'o retamanic.”

Ri Tzijonel 2:11

Xinoc c'u che u chomaxic tak ri kas e nu chac, xukuje' ri c'ax ri xinrik che qui banic, xinch'ob c'ut chi ronojel man c'o ta cubej, xak lok', jun u k'atixic u chapic ri quiakik', ri man c'o ta quechbex che cho we uwächulew ri'.

Ri Tzijonel 1:2

¡Man c'o ta cubej, man c'o ta u beya'l! ¡Ronojel man c'o ta u beya'l, xak lok'!

Nabe Samuel 12:10

Xquicoj c'u quib chupam chi e macuninak chuwäch ri Ajawaxel aretak xquixutuj canok che qui k'ijilaxic ri e jalan tak u wächbal ri Baal xukuje' ri Astarte, xquitz'onoj c'u tok'ob che chi chebuto', cheresaj pa qui k'ab tak ri qui c'ulel, xquiya' c'u qui tzij chi xuwi cäquik'ijilaj ri are'.

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Ri Tzijonel 4:4

Xinwilo xukuje' chi ri sibalaj u q'uisic ib che u banic ri chac xukuje' aretak utz quel jun comon chac cuwalijisala' quiäk rayinic, xukuje' c'u wa' man c'o ta u beya'l, xak lok', xukuje' xa cajwax u chapic ri quiakik'.

Ri Jeremiy 2:26

“Jacha' ri eläk'om ri quesax u q'uixbal aretak cätatajic, jewa' ri u q'uixbal ri Israel ri quel na, ri tinimit, ri ajawinelab, tak ri e c'amal tak be, ri e cojol tabal tok'ob xukuje' ri e k'axal tzij;

Ri Tzijonel 2:21

c'o c'u jachin cucoj no'j, etamanic xukuje' esbal no'j chupam ri u chac, xa c'u che u ya'ic can ronojel che ri man xchacun ta che u rikic. ¡Xukuje' wa' xa cawächibal xak lok' xukuje' jun nimalaj man suq'uil taj!

Ri Tzijonel 1:14

Xincuin c'u che u ch'obic chi ronojel ri cäban cho we uwächulew ri' man c'o ta u beya'l, xak lok', cajwax u chapic ri quiakik'.

K'atal tak Tzij 10:13

Pune' c'u je nu banom wa' chiwe, ri ix in i xutum canok che qui k'ijilaxic tak diosib, rumal ri' man quixinwesaj ta chic chupam ri c'ax.

Ri Miquey 6:3

Are wa' cubij ri Ajawaxel: “Chaq'uiaka' chi nu palaj, nu tinimit, ¿Jas ri nu banom chawe o jas ri latz' ri nu yo'm chawe?

Ri Miquey 2:8

Ix iwalijisam iwib chrij ri nu tinimit. Quebitokij tak ri atz'iak chque ri e petinak pa ri ch'o'j ri pakal cajil qui chomaj c'ut chi man c'o ta chi jachin cäch'ojinic.

Ri Jeremiy 18:14

¿La c'o ta pu jumul quetzaj ta ri sakalaj tew paquiwi' ri tac'atak tak abaj aj Libano? ¿La c'o ta pu jumul quetzaj ta ri ja' ri quejororic ri quekaj ulok xo'l tak ri c'ache'laj?

Ri Jeremiy 5:26

E c'o c'u itzel tak winak chupam ri nu tinimit ri queyuxlenic jacha' ri caquiban ri chapal tak chicop ri c'o qui xic', ri quequicoj c'amibal che qui chapic ri niq'uiaj chic.

Ri Tzijonel 12:8

In, ri k'alajisanel, quintzelej u bixic: ¡Man c'o ta cubej, man c'o ta u beya'l, man c'o ta u beya'l, xak lok'! ¡Ronojel man c'o ta cubej, xak lok'!

Ri Xuan 4:10

Ri Jesus xubij che: “We ta aweta'm ri cusipaj ri Dios, we ta aweta'm jachin ri' ri cubij chawe: ‘Chaya' nu joron’, at ta ri' cata' awe che, ri in c'ut quinya' ta awe ri' ri c'aslic joron.”

Ri Xuan 4:11

Xubij ri ixok che: “Tat, ri lal man c'o ta quesabej la rech, ri c'ua' naj u pam. ¿Jawije' quec'ama' wi la ri c'aslic joron?

U Camulixic ri Pixab 31:16

Xubij c'u ri Ajawaxel che ri Moises: “Xa' pa quieb oxib k'ij catcäm na, we tinimit ri' cuchuwirisaj na rib cuc' ri qui diosib ri ulew ri man queta'm ta u wäch ri queboc na che rechbexic; quinquixutuj na canok, quinpaxij c'u na ri c'ulwächinic ri nu banom ruc'.

Ri Isaiy 12:3

Xukuje' ri ix cuya' quixbec qui wuq'uiaj iwe ruc' quicotemal che ri u q'uiyibal ri colobal ib,

Ri Jeremiy 14:3

Ri k'inomab quequitak ri qui pataninelab che u c'amic ja'; quebe wa' chi' tak ri c'ua' man quequirik ta c'ut, quetzelej c'u ulok e cuc'am tak ri qui k'ebal man c'o ta c'o chquipam; sachinak qui c'u'x e nojinak che q'uixbal, quequich'ukula' tak ri qui jolom.

Ri Jeremiy 19:4

Rumal rech chi ri aj israelib xinquitzak canok xquijalwächij c'ut we c'olbal ri' pa jun ulew chic; chupam xquichi'j wi c'oc' k'ol chque tak ri e jule' diosib, ri man quetamam ta qui wäch mawi ri e are' mawi ri e qui mam mawi tak ri e ajawinelab re Juda, xquinojisaj c'u che qui quiq'uel winak ri man c'o ta qui mac.

Ri Ezequiel 47:1

Ri achi xuban chwe chi xintzelej chi na chuchi' ri cäban wi oquem chupam ri Rachoch Dios. Xinwil c'ut chi quel ulok ja' chuxe' ri oquibal, ri cäbelelic benak che ri u suq'uilal ri elebal k'ij, benak c'ut ri u wäch ri Rachoch Dios pa ri elebal k'ij. Ri ja' cäkaj ulok pa ri riquiak'ab ri Rachoch Dios, pa ri u mox ri porobal.

Ri Zacariy 13:1

“Chupam c'ut ri k'ijol ri' cäjakataj na jun bulbuxalaj ja', rech chupam quecuin wi quequich'aj tak ri qui mac ri e rija'lil ri David xukuje' ri aj Jerusalen.

Ucab Ajawinelab 22:17

Kas in quixutum canok qui porom c'u c'oc' k'ol chquiwäch jule' tak diosib, xa' c'u woyowal caquiyac rumal ronojel ri cäquibano; rumal ri' nicowinak ri woyowal chrij we c'olbal ri', man c'u cächup ta na.

Ri Isaiy 1:4

¡Tok'ob i wäch winak ajmaquib, tinimit nojinak che etzelal, calc'ual itzel tak winak, alc'ualxelab ri e etzelatajinak! Inajtajisam iwib che ri Ajawaxel, i yo'm can ri Tastalicalaj u Dios ri Israel, i xutum canok.

Ri Ezequiel 14:5

Ri in quinnak na ri canima' conojel ri aj israelib ri xquitas quib chwij rumal quech ri e u diosib ri e c'o cuc'.