Ri Jeremiy 2:11 - Quiché Bible

¹¹ chi jun nim tinimit ri e k'ijilal ta diosib, e u q'uexom ta ri e u diosib. ¡Xa' c'u ne e subunelab tak diosib wa'! Are' c'u ri nu tinimit in u tzakom canok in ri in u juluwem, che qui k'ijilaxic ri e diosib ri man c'o ta jubik' qui patan.

Ri Jeremiy 2:11 Referans Kwoze

Romanos 1:23

Rumal chi qui q'uexom ri u juluwem ri Dios ri man cäsach ta u wäch, xane' xquesaj qui wäch ri winak ri cäsach qui wäch, xquesaj qui wäch ri chicop aj uwo caj, ri awaj cajcaj cakan, ri chicop ri cäquijuruj quib.

Ri Isaiy 37:19

xukuje' e qui porom ri e qui diosib pa k'ak', rumal rech chi kastzij we e diosib ri', man c'o ta qui patan, xa e che' o e abaj ri e banom cumal ri winak. Rumal ri' xecuin che u sachixic qui wäch.

Ri Jeremiy 16:20

¿La cäcuin ri winak quebuban tak ri e u diosib? ¡Man ba' kas ta e diosib ri'!”

Salmib 106:20

¡Xquiq'uex ri juluwemalaj u wächbal ri Dios che u wächbal jun wacax ri cutij k'ayes!

Ri Miquey 4:5

Ri e jule' tak tinimit chic e are quequinimaj ri banom tak qui diosib, are c'u ri uj amak'el are cakanimaj na ri Ajawaxel ri ka Dios.

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

Ri Jeremiy 2:8

Ri e cojol tabal tok'ob man xinquitzucuj taj, ri e ya' tak qui no'j ri nu tinimit man xquich'ob ta nu wäch, ri e c'amal tak be xquiwalijisala' tak quib chwij, e are chi c'ut ri e k'axal nu tzij xech'aw pa u bi' ri Baal xukuje' xequiterenej tak ri diosib ri man c'o ta qui patan.”

Ri Jeremiy 2:5

Ri Ajawaxel cubij chiwe: “¿Jas ri lawaloyil xquirik ri e i mam pa ri in chi xenajtin chwe? Xebe chquij tak diosib ri man c'o ta qui patan, xukuje' c'u ri e are' xebux man c'o ta qui patan.

Salmib 115:4

Ri e qui diosib ri winak e re k'an puak xukuje' sak puak, e jastak ri e qui banom ri winak cuc' tak ri qui k'ab:

Salmib 3:3

Are c'u ri lal, Ajawaxel, lal ri ch'ukubal wib, lal nimarisabal nu k'ij, lal ri cäyo'w la ri chajin anima' chwe.

U Camulixic ri Pixab 33:29

Utz awech at Israel, ¿Jachin ta ri cujunamaj rib awuc'? Kas are' ri Ajawaxel at to'tajisanic; are' catc'uxlanic, catuto' c'ut, ¡are' ri a ch'ich' re ch'o'j ch'äcanel! Ri e a c'ulel cäquijach na quib pa ak'ab, ri at caxak'alej na ri nimal ri quec'amowic.”

1 Pedro 1:18

Iweta'm c'ut chi man e are ta ri jastak ri cäsach qui wäch, je jas ri sak puak o ri k'an puak, ri xixcolow chuwäch jun c'aslemal ri man c'o ta u patan, ri yo'm can chiwe cumal ri e i mam,

Gálatas 4:8

Ri ix ojer, aretak man iweta'm ta u wäch ri Dios, ix lok'om pataninelab ri chque ri diosib ri man kas e je taj.

Nabe Samuel 4:21

xucoj c'u Icabod che u bi' ri ac'al, je c'u xubij wa': “Ri Israel man nim ta chic u k'ij, rumal rech chi xch'äcataj bic ri u caxa ri Dios.” Are c'u xubij ri u ch'äquic bic ri caxa, xukuje' ri u cämical ri ralib tata' xukuje' ri u cämical ri rachajil.

Ucab Tzijobelil 13:9

¿La ma ta pa u e iwokatam ulok ix xukuje' ri e cojol tabal tok'ob ri e rech ri Ajawaxel, ri e rija'l ri Aaron, xukuje' ri aj levitib, e i cha'om c'ut ri kas e i cojol tabal tak tok'ob jacha' ri quequiban ri nimak tak tinimit ri quequik'ijilaj diosib? ¡Apachin ta ne ri cäpetic ri cäraj cutas rib ruc' ri u c'amic ulok jun alaj ama' wacax querachilaj wukub ama'ib tak chij cuya' cux cojol tabal tok'ob quech diosib ri man e diosib taj!

Ri Jeremiy 5:7

Ri Ajawaxel je cubij wa': “¿Jas ta che quensacha' a mac che ronojel wa'? Ri e awalc'ual in qui tzakom canok, cäquiban c'ut ri chi'nic ri kas cäban na pa qui bi' ri diosib ri man c'o ta qui cuinem. Xintz'ebej ri caquitijo man c'u jic taj xebin chnuwäch pa tak mulaj c'ut xquijach quib che u banic ri mac tak ri nim ch'utin.

Ri Jeremiy 18:13

Rumal ri' cacha' ri Ajawaxel: “Chita' u tzijol chquixo'l ri nimak tak tinimit, we c'o jachin jun u tom ta jun jasach ri junam ta ruc' wa'. ¡Ri tinimit re Israel u banom jun jasach ri sibalaj man c'o ta u patan!

Ri Ezequiel 5:7

Rumal ri' in, ri Ajawaxel, quinbij: Ri ix ix uxinak man ch'abexic ta quiwaj chquiwäch ri winak ri e c'o che i c'ulja, man c'u e i takem ta qui banic tak ri nu takanic; mawi ne i banom iwe ri qui pixab ri winak ri e i c'ulja.

Ri Ezequiel 14:5

Ri in quinnak na ri canima' conojel ri aj israelib ri xquitas quib chwij rumal quech ri e u diosib ri e c'o cuc'.

U Camulixic ri Pixab 32:16

Xquiyac ri rachixomanic xukuje' ri royowal ri Dios aretak xequik'ijilaj xibibal tak diosib;

U Camulixic ri Pixab 32:21

Xquiyac ri wächixomanic rumal jun dios ri man dios taj, xinquik'ak'arisaj cumal tak ri qui diosib ri xak e subunelab. Ri in xukuje' quinyac na ri cachixomanic rumal jun tinimit ri man tinimit taj, quinyac na coyowal rumal jun tinimit ri man cäraj ta c'o cuch'obo.

Nabe Ajawinelab 11:33

Rumal rech chi in u xutum ri Salomon, u chaplem c'u u k'ijilaxic ri Astarte, ixok qui dios ri sidonib; ri Quemos, qui dios ri aj moabib; xukuje' ri Milcom qui dios ri aj amonib. Ri e u banoj man utz ta quebenwilo, man u tz'akatisam ta qui banic tak ri e nu pixab xukuje' tak ri e nu takanic jacha' ri xuban ri David, ri u tat,

Ucab Ajawinelab 1:3

are c'u ri u tako'n ri Ajawaxel xubij che ri Eliy, ri aj Tisbe: “Jät che qui c'ulaxic ri e u tako'n ri ajawinel re Samar, chata' c'u chque a xa' pa ma ta c'o Dios pa Israel, rech quixch'obon na ruc' ri Baal-zebub, ri u dios ri Ecron.