Ri Jeremiy 19:8 - Quiché Bible

⁸ Quinban na che we tinimit ri' chi cux jun chaki'j uwo sak, pa jun jasach ri cuya' xibibal ib chque conojel ri queboc'ow chupam quexibitajic xukuje' quemayin na aretak caquilo chi ronojel etzeletajinak.

Ri Jeremiy 19:8 Referans Kwoze

Ri Jeremiy 18:16

U mac rech wa' u banom chi ri ulew uxinak jun chaki'j uwo sak, pa jun mayijinem amak'el. Ronojel ri coc'ow chupam cuxibij na rib cusutisa' na ri u jolom.

Ri Jeremiy 49:13

In, ri Ajawaxel, quinban na ri chi'nic ri kas cäban na, quincha' pa nu bil wib: Ri tinimit re Bosra cux na canok jun chaki'j uwo sak, pa etzeletajic, jun c'utbal re mach'irisanic xukuje' c'okotajic, are c'u ri niq'uiaj tak tinimit chic quecanaj pa etzeletajic chbe k'ij sak.”

Nabe Ajawinelab 9:8

Are c'u we wachoch ri', cux na jumulaj etzelatajic, ronojel ri coc'ow chuxcut cämayijin na, cäyok'on c'u na, cuc'ot c'u na chi'aj cubij na, jasche ri Ajawaxel je xuban wa' che we ulew ri' xukuje' che we rachoch ri'.

Ri Soponiy 2:15

Are tinimit wa' ri nojinak che nimal ri jekelic ri u cuban u c'u'x, ri caquibij wi ri winak ri e jekel chupam chi man c'o ta chi jun junam ta ruc' ri c'o ta cho ri uwächulew. ¡Tolobam c'u canok jalwächitajinak pa qui warabal juyubal tak awaj! Joropa' ri queboc'ow chunakaj, quexulk'ubic caquiban c'u na qui palaj che retzelaxic u wäch.

Ri Jeremiy 50:13

Cäpe c'u na ri woyowal man c'o ta c'u winak quinya' ta can chupam, kas cux c'u na jun chaki'jalaj uwo sak. Ronojel ri coc'ow chila' cacanaj ruc' xibin ib aretak cäril ri c'äjisabal wächaj ri xkaj puwi'.

Ri Jeremiy 25:18

Xinya' che ri Jerusalen rech caruq'uiaj xukuje' chque ri tinimit tak re Juda, junam cuc' tak ri cajawinelab xukuje' ri c'amal tak be, che u sachisaxic qui wäch xukuje' che qui yojixic canok, ri cuya' xibriquil xukuje' xe'n ib, che u ya'ic c'utbal re c'okonic ri c'ä e takeninak camic.

Aj Levitib 26:32

Quintolorisaj na u wäch ri ulew, cäpe c'u na canima' ri e i c'ulel ri quebel jekel chupam.

U Camulixic ri Pixab 28:37

catux na xibibal, xak cätze'x chi na a wäch, xuwi chi ri at cattzijox na cumal ri winak pa conojel tak ri tinimit ri catuc'am wi bic ri Ajawaxel.

U Camulixic ri Pixab 29:22

Ri ija'lil ri cäpe na, ri e iwija'lil ri c'äte quepe chi na' xukuje' ri man i winakil ta ri naj ulew elinak wi' ulok, quequil na ri banbal tak c'ax xukuje' tak ri yabilal ri quebutak na ulok ri Ajawaxel puwi' we ulew ri';

Ri Ezequiel 27:36

Ri ajc'ayib ri quepe pa jule' tak ulew chic quenoj che xe'n ib aretak catquic'ayej. Atuxinak jun xibibalalaj jasach; kas xa' c'u jumul sachinak a wäch.’ ”

Ri Miquey 6:16

Rumal rech chi e a takem ri e u takanic xukuje' tak ri e u banoj ri Omri xukuje' ri xequiban ri e ralaxic ri Acab, xaban c'u awe jacha' ri xequiban tak we winak ri'. Rumal ri' in quenbana' na chawe xukuje' chque ri e a winak chi quixux jun xibibal ib xukuje' yacbal tze', are c'u ri u q'uixbal ri nu tinimit cakaj na pawi'.”