Ri Jeremiy 19:7 - Quiché Bible

⁷ Chupam we c'olbal ri' quinban na ch'akatak che ri u chomam u banic ri Juda xukuje' ri Jerusalen. Quinban na chi ri e qui c'ulel quech'äcan na paquiwi' quequicämisaj c'ut, e are' c'ut we cäminak tak winak ri' quebajwataj na che qui ti' tak ri c'uch xukuje' che qui ti' ri juyubal tak awaj.

Ri Jeremiy 19:7 Referans Kwoze

Aj Levitib 26:17

In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Ri Jeremiy 16:4

Quebecäm na cumal xibibalalaj tak yabilal man c'o ta c'u jun quebok'en na mawi c'u quemuk na: quepuni na canok cho tak ri ulew e jacha' ta ne qui mes tak awaj. Ri ch'o'j xukuje' ri wi'jal queq'uisow na tzij paquiwi', we cäminakib tak ri' xa' c'uch quet'ubin na xukuje' juyubal tak awaj.”

Ri Jeremiy 34:20

Rumal c'u ri', quinban na chi quekaj pa qui k'ab ri quec'ulelanic ri e cämel, are c'ut ri cäminak tak qui cuerp quebajwataj che qui ti' tak ri c'uch xukuje' chque tak ri juyubal tak awaj.

Ri Jeremiy 15:9

Ri nanaxelab ri e c'o q'ui cal cäpe canima', cäbe ri cuxlab; elinak qui q'uixbal e mach'ital c'ut, ri u sakil ri k'ij cux k'ekumalil chque. We e c'o jujun quec'asi' canok, quinban na chi quecämisax cumal tak ri e qui c'ulel. In, ri Ajawaxel, quinya' nu tzij.”

Ri Jeremiy 15:2

We c'u ne caquicot a chi' jawije' ri quebe wi na, chabij wa' chque ri quinbij: ‘Ri xya' u bixic chi quecäm rumal cämisanel yabilal quecäm na rumal cämisanel yabilal; ri xya' u bixic chi quecäm chupam ri ch'o'j, chupam ri ch'o'j quecäm wi na, ri xya' u bixic chi quecäm rumal wi'jal, rumal wi'jal quecäm na; ri xya' u bixic chi quec'am na bic pa jun ulew chic, quec'am na bic pa jun ulew chic.’

Ri Jeremiy 7:33

ri qui cuerp tak ri cäminakib quebajwataj na che qui wa ri c'uch xukuje' chque tak ri juyubal tak awaj, man c'o ta c'u jachin ta queyonic.

Romanos 4:14

We c'u ri quec'amow ri echbal e are' ri quequimaj u banic ri pixab, man c'o ta ba' cupatanij ri' ri cojonic are' c'u ri u chi'm ri Dios cutzak na ri u chuk'ab.

Romanos 3:31

¿La cäkaban c'u che ri pixab chi man c'o ta u patan rumal ri cojonic? Man cäkaban taj. Xane' xa' sibalaj cäkajiquiba' ri u chuk'ab ri pixab.

Juyuwem 3:37

Aretak c'o jas caya' u bixic, aretak c'o c'ulmatajinak are' c'ut ri Ajawaxel u takom u banic.

Ri Jeremiy 46:26

Quinban na chi quekaj na pa qui k'ab ri e cämel tak qui c'ulel, pa u k'ab ri Nabucodonosor, ajawinel re Babilon, xukuje' pa qui k'ab ri e u winak. Coc'ow c'u na jun k'ijol, ri Ejipt canoj chi na cumal winak jacha' ri nabe canok. In, ri Ajawaxel quinjiquiba' u bixic.”

Ri Jeremiy 22:25

rech catinjach pa qui k'ab tak ri c'ulel, ri sibalaj caxe'j awib chquiwäch. Catinjach na pa u k'ab ri Nabucodonosor, ajawinel re Babilon, xukuje' pa qui k'ab ri aj caldeyib.

Ri Jeremiy 22:19

Cämuk na jacha' jun bur: cäjururex bic queq'uiak canok chrij ri Jerusalen.”

Ri Jeremiy 18:21

¡Are c'u ri camic, bana' la chi checäm tak ri e qui c'ojol rumal wi'jal o pa u chi' ch'ich' re ch'o'j; che canaj malca'nib ri quixokil ma ta c'u e c'o chi cal! ¡Are c'u ri cämisanel yabil checämisan tak ri cachijab e are' c'ut ri e qui c'ojolab checäm pa ri ch'o'j!

Ri Jeremiy 8:2

xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.

Ri Isaiy 8:10

Chebibana' i chomanic, queyojix c'u na; chi chomaj u banic ri quiwaj, man cabantaj ta c'u na ri quiwaj, rumal c'u rech chi c'o ri Dios kuc'.

E C'ambal tak Tzij 21:30

Chuwäch ri Ajawaxel man c'o ta no'j ri nim ta na u k'ij, mawi e c'oxomanic mawi e utzalaj tak chomanic.

Ri Jeremiy 8:8

¿Jas ta ri quixcuin wi ix che u bixic chi ix ajno'jab chi c'o c'ut ri u pixab ri Ajawaxel iwuc'? ¡We ri e yaltzijol, cuc' ri qui tz'ibabal ri e banal tak tzij, qui q'uexom pa banal tzij!

Ri Jeremiy 8:9

E are' tak c'ut we ajno'jab ri' quemach'irisataj canok, e barabatajinak, e jacha' ri awaj ri e kajinak chupam ri c'amibal. ¿Jawije' c'o wi ri qui no'j, we e qui xutum tak ri e nu tzij?

Ri Jeremiy 32:28

Je c'u ri', in quinbij chawe: Quenbana' chi we tinimit ri cäkaj pa u k'ab ri Nabucodonosor, rajawinel ri Babilon, xukuje' pa qui k'ab ri aj caldeyib.

Aj Levitib 26:25

Quinc'am na ulok cämical piwi', che u c'äjisaxic i wäch u mac rech chi man i tz'akatisam taj ri nu c'ulwächinic; we c'u quitzucuj u to'ic iwib pa tak ri i tinimit, ri in quintak na ulok yabil chixo'l, quixkaj c'u na pa u k'ab ri c'ulel.

Nabe Samuel 17:46

Camic catujach na ri Ajawaxel pa nu k'ab, kas c'u camic catincämisaj na, quinwesaj c'u na ri a jolom, e are' c'u ri cäminak tak ajch'ojab aj pilisteyib quebenya' na chque tak ri c'uch xukuje' chque tak ri juyubal tak awaj, je c'u ri' ronojel ri uwächulew cäretamaj na chi are' kas Dios ri c'o pa Israel;

Ucab Ajawinelab 21:14

Are c'u ri u tz'akatil ri nu tinimit, quinwonoba' na canok quinjach c'u na pa qui k'ab ri e u c'ulel, rech quetolobax canok cäjoc c'u bic ronojel ri c'o cuc' cumal ri qui c'ulel.

Ri Isaiy 29:14

Rumal ri', cuc' tak mayibal xukuje' cajmajibal tak quimayirisaj chi na jumul we tinimit ri'. Ri qui no'j ri cajno'jab ri qui c'oxomanic ri e qui c'oxomanelab cäsach na qui wäch.”

Ri Jeremiy 21:7

Chwi chi c'u wa' quinjach na ri Sedequiy, ajawinel re Juda, pa u k'ab ri Nabucodonosor xukuje' pa qui k'ab ri jule' tak e u c'ulel chic ri e cämel, ri e rachil ri e rach k'atal tak tzij xukuje' ri ajch'ojab xukuje' ri winak ri xec'asi' can pa ri tinimit aretak oc'owinak chic ri cämisanel yabil, ri ch'o'j xukuje' ri wi'jal. In quinban na chi quecämisax rumal u pa u chi' ch'ich' re ch'o'j, ri man ruc' ta elebal c'uxaj mawi tok'obisam wächaj, In, ri Ajawaxel, quinjiquiba' u bixic.