Ri Jeremiy 19:3 - Quiché Bible

³ Chabij: ‘Rajawinelab ri Juda xukuje' ri winak ri e c'o pa Jerusalen, chitatabej ri tzijol ri cubij ri Ajawaxel ri c'o ronojel u cuinem, ri u Dios ri Israel: Quintak ulok jun nimalaj c'axc'ol ri sibalaj nim puwi' we c'olbal ri', ronojel c'ut ri cäto'w ri quinya' u bixixic cäpe na ranima'.

Ri Jeremiy 19:3 Referans Kwoze

Nabe Samuel 3:11

Ri Ajawaxel xubij che: “Quenbana' jun jasach pa Israel, quek'oxow c'u na ri u xiquin ronojel apachin ta ne ri cätatabenic.

Ri Jeremiy 17:20

Chabij chque ri winak: ‘Ajawinelab xukuje' tinimit ronojel re Juda, conojel ri winak re Jerusalen ri quixoc'ow pa tak we oquibal ri', chitatabej ri cubij ri Ajawaxel.

Ri Jeremiy 6:19

Chatatabej, ulew: Quinc'am ulok jun quiäkasakil puwi' ri nu tinimit are' c'u wa' ri xequic'am ulok ri e itzel tak qui banoj; rumal rech chi man xeboc ta il che qui tatabexic ri e nu tzij, xane' man nim ta xquil wi ri tijonic ri xinya' chque.

Ri Isaiy 28:19

Joropa' mul coc'owic quixucharchatej na bic. Cäpe na chwek cäbij pa k'ij xukuje' chak'ab. Xuwi ri u tatabexic u tzijol quixubirbobisaj na.

Apocalipsis 2:29

Apachin ri c'o u xiquin, chutatabej ri cubij ri Uxlabaxel chque ri e comon cojonelab.’ ”

Ri Matey 10:18

Quixc'am na bic chquiwäch k'atal tak tzij xukuje' ajawinelab rumal wech in, jeri' quik'alajisaj na chquiwäch jas ri iwilom, xukuje' quik'alajisaj na chquiwäch ri man aj judeyib taj.

Ri Jeremiy 13:18

“Chabij che ri ajawinel xukuje' che ri ajawinel ixok nanaxel: ‘Chixkaj ulok chiya' can ri tem re ajawibal chixt'uyul c'u cho ri ulew, tzakinak c'ut ri corona ri c'o che ri i jolom ri quixwikowic.’

Salmib 110:5

Ri Ajawaxel c'o pa ri wiquiak'ab la; pa ri k'ij re ri royowal cusach na qui wäch ajawinelab;

Salmib 102:15

Conojel ri nimak tak tinimit xukuje' tak ri ajawinelab aj uwächulew nim cäquil wi na ri je'lalaj u bi' ri Ajawaxel,

Salmib 2:10

Ajawinelab xukuje' k'atal tak tzij re ri uwächulew, chich'obo' wa', ¡Chitijoj iwib che we tijonic ri'!

Ri Jeremiy 19:15

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Quebentak na ulok che we tinimit ri' xukuje' chque conojel ri c'ulja tak tinimit conojel ri c'äjisabal tak wächaj ri nu yo'm u bixic chque, quitacarisam c'u quib rech man quequinimaj taj ri nu tzij.’ ”

Ri Jeremiy 35:17

Rumal ri' in, ri Ajawaxel ri c'o ronojel u cuinem xukuje' u Dios ri Israel, quinbij: Quenbana' chi quekaj puwi' ri Juda xukuje' paquiwi' ri winak ri e c'o pa Jerusalen conojel ri c'axc'ol ri nu yo'm u bixic chi cäpe paquiwi'. Ix nu tzijobem c'ut, are c'u ri ix man xiwaj taj xitatabej taj ri xinbij chiwe; ix nu siq'uim, are c'u ri ix man c'o ta jas i tzelem ta u bixic chwe.’ ”

Ri Jeremiy 18:11

Chabij, ba', chque ri winak aj Juda xukuje' chque ri winak ri e c'o pa Jerusalen chi ri in, ri Ajawaxel, quinbij chiwe: ‘Nu bin chi cäpe ri etzelal piwi'; cätajin quinchomaj u c'äjisaxic i wäch. Xopan ba' ri k'ij chiya' ba' canok ri itzel be; chiwutzirisaj ri i c'aslemal xukuje' tak ri e i banoj.’

Ri Jeremiy 25:29

Quinchaplej c'u na qui takic tak ulok ri c'äjisabal tak wächaj ri quinya' na puwi' ri tinimit ri tastal chwe. ¿La are ta c'u pa i c'u'x ix chi ma ta qui kajbej na ri c'äjisabal wächaj? Kas c'u qui kajbej wi na, quintak c'u na ulok ri ch'o'j paquiwi' conojel ri winak re ri uwächulew. In, ri Ajawaxel ri c'o ronojel nu cuinem, quinjiquiba' u bixic.’

Ri Jeremiy 44:3

qui mac quech tak ri etzelal ri xequibano, xinquic'axc'obisaj c'ut xequik'ijilaj jule' tak diosib xequichi'j c'u c'oc' k'ol chquiwäch; mawi ri e are' mawi ri ix mawi ri e i mam c'o ta xupatanij chque.

Ri Ezequiel 7:5

In, ri Ajawaxel, quinbij: chawila', caketet chic ri q'uisbalil, cape na quiäkasakil chrij quiäkasakil; nakaj chic c'o wi ri q'uistajic chawe.