Ri Jeremiy 19:13 - Quiché Bible

¹³ Ri ja tak re Jerusalen, ri e rachoch tak ri ajawinel re Juda xukuje' ri qui wi' tak ri ja ri quequichi'j wi c'oc' k'ol chque conojel tak ri ch'imil ri quequijamij wi tak sipanic re u wa'l uva chque tak ri qui diosib ri winak, quechomax na chi e tz'il quejunamataj ruc' ri Topet.’ ”

Ri Jeremiy 19:13 Referans Kwoze

Ri Jeremiy 32:29

Ri aj caldeyib cätajin caquiban c'ax che ri tinimit queboc c'u na chupam caquit'ik c'u na k'ak' che; caquiporoj na junam cuc' tak ri ja ri queporox tak wi c'oc' k'ol paquiwi' rachil u wa'l uva che ri Baal xukuje' quecoj wi tak tabal tak tok'ob chque tak diosib chic.

Ucab Ajawinelab 23:12

Xebutuquij c'u xukuje' tak ri porobal ri xequiyac tak ri ajawinelab re Juda puwi' ri nimalaj rachoch ri Acaz, xukuje' tak ri e u porobal ri Manases ri xebuyac cho tak ri uwo ja re ri rachoch ri Ajawaxel; xebumuchu xebuq'uiaka' c'ut ri qui ch'akatil chupam ri nima' Sedron.

Ri Soponiy 1:5

Quinsachisaj na qui wäch ri quepaki' paquiwi' tak ri ja che qui k'ijilaxic tak ri ch'imil, xukuje' tak ri quexuquic ri quequiban ri chi'nic ri kas cäban na pa ri nu bi' xukuje' pa ri u bi' ri dios Milcom.

Ri Jeremiy 7:18

Ri alabom caquimol ri si', ri tataxelab caquitzij ri k'ak', ri ixokib caquisuc'umaj ri k'or che qui banic tak ri lej ri caquichi'j c'u che ri ixok dios ri cäbinax ajawinel ixok re ri caj che cumal. Quinquic'axc'obisaj, quequichi'j c'u ne u wa'l uva chque tak diosib.

U Camulixic ri Pixab 4:19

Xukuje' aretak quixca'y cho ri caj, quiwil c'u ri k'ij, ri ic', xukuje' conojel tak ri ch'imil ri e c'o chicaj, mixtzak c'u chupam ri takchibal macaj, che qui k'ijilaxic. Are c'u ri Ajawaxel ri i Dios xebuq'uiyisaj tak ri ch'imil chque conojel ri tinimit cho ri uwächulew.

Ri Jeremiy 44:18

kas aretak c'ut xkatanaba' u chi'xic c'oc' k'ol xukuje' tak sipanic re u wa'l uva che ri Ajawinel Ixok re ri Caj, man c'o ta chi ronojel ri cäkatijo, ri e ka winak quecäm rumal wi'jal o pa ri ch'o'j.”

Salmib 79:1

¡Nu Dios, ri quequik'ijilaj tak diosib qui majim ri jastak ech la! ¡Cawasim ri tastalicalaj achoch la quiyojyobisam c'ut ri Jerusalen!

Salmib 74:7

Xquiporoj ri cak'ijilax wi la ¡xquesaj u q'uixbal ri achoch la, xquit'akij c'ä cho ri ulew!

Ucab Ajawinelab 23:10

Ri Josiy xukuje' xuc'äjij ri porobal ri c'o pa ri beya' re Ben-inom, rech man c'o ta jachin jun cuporoj ta ri u c'ojol mawi ri u mia'l jacha' che tabal tok'ob che ri Moloc.

Hechos 7:42

Ri Dios xebuya' canok, xebujach che qui k'ijilaxic ri k'ij, ri ic', ri ch'imil. Jas ri tz'ibatal pa ri qui wuj ri e k'axal tzij: ‘Aj israelib, ¿la xebicämisaj lo awaj che tabal tok'ob chnuwäch, a xebiya' lo sipanic chnuwäch pa ri cawinak (40) junab aretak ix c'o pa tak ri chaki'j uwo sak?

Ri Ezequiel 20:28

Aretak xebencoj chupam ri ulew ri xinban ri chi'nic ri kas cäban na, in chokinak chi quinya' chque, xuwi xtaki' qui wäch che jun juyub ri naj elinak chicaj o juwi' che' ri jewejak u xak, chila' quequichi'j wi tak ri e qui tabal tak tok'ob xukuje' chila' quequiya' wi tak ri qui sipanic ri sibalaj xquiyacbej woyowal, chila' xequiporoj wi tak ri c'oc'alaj tak qui k'ol xukuje' chila' xequijamij wi tak ri qui sipanic re u wa'l uva.

Ri Jeremiy 52:13

xut'ik c'u k'ak' che ri rachoch ri Dios, ri rachoch ri ajawinel xukuje' conojel ri ja ri e c'o pa ri tinimit, kas c'u e are xeranej ri cachoch conojel ri nimak tak qui k'ij,

Ucab Ajawinelab 23:14

Xukuje' xebumuch tak ri abaj xukuje' tak ri tastalic tak cuta'm, xebubalij c'u qui bakil cäminakib chquipam tak ri c'olbal ri e c'olinak wi canok.

Hechos 10:9

Chucab k'ij, aretak e benak pa ri be, xa' jubik' man quebopan pa ri tinimit, ri Lu' xpaki' puwi' ri ja che u banic ch'awem ruc' Dios, chunakaj ri tiq'uil k'ij.

Ucab Ajawinelab 17:16

Xequitzak can conojel tak ri e u takomal ri Ajawaxel ri qui Dios, xequiban quieb alaj ama'ib tak wacax re k'an ch'ich' ruc' k'ak' xukuje' jun u wächbal ri Asera, che c'u u tz'akat xequik'ijilaj conojel ri ch'imil ri e c'o cho ri caj xukuje' ri Baal.

Ri Jeremiy 8:2

xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.

Ri Jeremiy 19:12

Je quenbana' wa' che we tinimit ri' xukuje' chque we winak ri' ri e c'o chupam. Junam quenbana' che jas u c'ulmam ri Topet. In, ri Ajawaxel quinjiquiba' u bixic.

Ri Isaiy 22:1

Cäya' u bixic ri cäc'ulmataj na pa ri beya' re ri c'utwächinic: ¿Jas xc'ulmatajic chi conojel quepaki' puwi' tak ri cachoch?