Ri Jeremiy 18:8 - Quiché Bible

⁸ We c'u ne we nim tinimit ri' cutanaba' u banic ri etzelal, man quintak ta chi c'u ulok ri c'äjisabal wächaj ri nu suc'umam u takic che'.

Ri Jeremiy 18:8 Referans Kwoze

Ri Ezequiel 18:21

“We c'u ri banal etzelal cuk'il rib cutanaba' c'u qui banic conojel ri macaj ri e u banom can nabe, quebutz'akatisaj c'ut qui banic conojel ri e nu pixab are c'u cuban ri colom xukuje' ri suc', kastzij cutakej c'aslemal man cäcäm taj.

Ri Jeremiy 26:13

Chiwutzirisaj ri i c'aslemal xukuje' tak ri e i banoj, chixniman che ri Ajawaxel ri i Dios ri are' man quebutak ta c'u na ulok tak ri c'axc'ol ri e nu yo'm u bixic chiwe.

Ri Osey 11:8

¿Jas ta che catinya' canok, Eprain? ¿Jas ta che catinxutuj canok, Israel? ¿La quincuin ta lo quinsachisaj a wäch jacha' ri xinban che u sachisaxic u wäch ri tinimit re Adma, o quenbana' ta chawe junam jas ri xinban che ri Zeboim? ¡Ri wanima' slabetajinak, nojinak che elebal c'uxaj chawe!

Ri Jeremiy 26:3

Craj ne caquiya' qui xiquin chawe caquiya' ta c'u ne can ri itzel qui c'aslemal, ma ta c'u ne quinc'äjisaj chic qui wäch qui mac quech ri e itzel tak qui banoj, jacha' ri nu chomam ulok.

K'atal tak Tzij 2:18

Ri Ajawaxel aretak cuwalijisaj jun c'amal be, cuto' we c'amal be ri'; joropa' junab cac'asi' ri c'amal be, are junab wa' quebuto' ri aj israelib pa qui k'ab ri qui c'ulel, quel u c'u'x chque aretak quebel ch'u'j, cäquirak qui chi' rumal ri c'ax ri caban chque.

Salmib 106:45

xnataj ri u c'ulwächinic cuc', xuq'uex c'ut ri u chomanic, rumal rech chi sibalaj nim ri lok'ok'ebal u c'u'x:

Salmib 135:14

Ri Ajawaxel cuban suq'uil che ri u tinimit; quel u c'u'x chque ri pataninel tak rech.

Salmib 90:13

¡Ajawaxel, tzelej la kuc'! ¿Joropa' k'ij cäbeytaj chi na la? Chel c'u'x la chque tak we pataninelab la ri'.

Ucab Tzijobelil 12:6

Ri e c'amal tak be pa Israel xukuje' ri ajawinel xquicoj quib chupam ruc' mach'ibal ib: “¡Ri Ajawaxel cuban ri suc'!”

U Camulixic ri Pixab 32:36

Ri Ajawaxel quel na ulok che u to'ic ri u tinimit aretak cärilo chi man c'o ta chic u chuk'ab; ri Ajawaxel quel na u c'u'x chque ri e u pataninelab aretak cärilo chi man e c'o ta chi tukarib, mawi e c'o ta qui chuk'ab.

Elem 32:12

¿Jas ta che cäya' la be chi cäquibij ri aj ejiptib: ‘Ri Dios xeresaj bic waral ruc' ri itzel u chomanic che qui cämisaxic pa tak ri c'ache'laj, che u sachisaxic qui wäch cho ri uwächulew?’ Chk'ila' ba' la ri nimalaj oyowal la, chel c'u'x la mäc'äjisaj la u wäch ri tinimit la.

Ri Jonas 4:2

rumal ri' xtzijon ruc' ri Ajawaxel xubij che: “Chilampe' la Ajawaxel, xak junam wa' ruc' ri xinchomaj chi cäc'ulmataj na aretak c'ä in c'o pa ri wulew. Rumal ri' xinanimaj bic pa Tarsis, weta'm c'ut chi lal jun ch'uch'ujalaj Dios ri quel c'u'x la, ri man chanim taj cäpe oyowal la, chi sibalaj nim ri lok'ok'ebal c'u'x la chi aretak caya' la u bixic jun c'äjisabal wächaj chanim c'ut cäq'uex c'u'x la.

Ri Ezequiel 33:13

We ri in quinchi'j c'aslemal che jun utzalaj winak, cuk'aba' c'u rib chrij ri rutzil cuban c'u ri etzelal, man c'o ta jun chque ri utzalaj tak jastak ri e u banom quenwajilaj ta na chrij, xane' cäcäm na rumal ri mac ri u banom.

Ri Ezequiel 33:11

Are' c'u ri in, ri Ajawaxel, quinban ri chi'nic ri kas cäban na rumal ri nu c'aslemal chi man quinwaj taj ri u cämical ri banal etzelal, xane' chuq'uexa' ri u c'aslemal c'asal c'ut. Israel, chaya' can we c'aslemal ri' ri awuc'am. ¿Jas ta c'u che catcämic?’

Ri Jeremiy 42:10

‘We i yo'm i tzij chi quixcanaj can chupam we ulew ri', in quixinpok'colij na; man quinsachisaj ta na i wäch, xane' quixintiquiba' na man c'u quixinbok ta na, quinbison c'ut chi xintak we nimalaj c'axc'ol ri' piwi'.

Ri Jeremiy 36:3

Caraj ne coc pa qui jolom ri aj Juda conojel ri c'axc'ol ri quinchomaj u c'amic ulok paquiwi', caquiya' ta c'u canok ri itzel qui c'aslemal are c'u ri in quencuyu' ri quetzelal xukuje' tak ri e qui mac.”

Ri Jeremiy 26:19

¿La xcämisax puch ri Miquey rumal ri Ezequiy xukuje' rumal ronojel ri tinimit Juda? Xane' ri xuban ri ajawinel, xuna' rib chuwäch ri Ajawaxel xtz'onon c'u che chi chutok'obisaj qui wäch. Man xutak ta c'u ulok ri Ajawaxel Dios ri nimalaj c'axc'ol ri u yo'm u bixic. ¿La quekekaj ta c'ut ri uj jun il ri sibalaj nim?”

Ri Jeremiy 15:6

At xinaxutuj canok, are xaya' can ri awij chnuwäch. In, ri Ajawaxel quinjiquiba' u bixic. Rumal ri' in, in k'itajinak che ri coch'onic, quinwalijisaj na ri nu k'ab che u c'äjisaxic a wäch, quinsachisaj c'u na a wäch.

Ri Jeremiy 12:16

Kas c'u ne tzij e are' xetijon ri nu tinimit che u banic ri chi'nic ri kas cäban na pa ri u bi' ri Baal, are c'u ri camic cuya' quejeki' pa u niq'uiajil ri nu tinimit, we kas caquic'amowaj ri u cojonic ri nu tinimit cäquiban ri chi'nic ri kas cäban na pa ri nu bi' je ta c'u cubij wa': ‘Rumal ri u c'aslemal ri Ajawaxel.’

Ri Ezequiel 33:14

We c'u quinc'okoj jun banal etzelal chi cäcämic, cutanaba' c'u macunic wa', cutakej c'u u banic ri utzil xukuje' ri suq'uil,

Elem 32:14

Xuk'il c'u rib ri Ajawaxel che ri c'ax ri u chomam u banic puwi' ri u tinimit.

Ri Ezequiel 33:12

At, winak, chabij chque ri e a winakil: ‘We jun utzalaj winak camacunic, ri utzil ri u banom can nabe man cacolotaj ta rumal, we c'u c'o jun banal etzelal cutanaba' u banic ri etzelal, ri etzelal ri u banom can nabe man rumal ta wa' cäcämic. We ri utzalaj winak cämacunic, ri utzil ri u banom can nabe man c'o ta cupatanij che rech cutakej c'aslemal.

Ri Amos 5:15

¡Chiwetzelaj u wäch ri lawaloyil! ¡Are chilok'ok'ej ri u banic ri utzil! Kas chiwila' chi chban ri suq'uilal pa ri k'atbal tzij; craj ne chi' ri Ajawaxel, ri Dios ri c'o ronojel u cuinem, quel na u c'u'x chque ri quec'asi' na canok pa Israel.