Ri Jeremiy 18:12 - Quiché Bible

¹² We winak ri' caquibij na chawe: ‘¡Matzak a k'ij! Are cäkatakej na u banic ri cäkaj chkawäch are c'u cäkatakej na ri tacalaj itzel u rayinic ri kanima'.’ ”

Ri Jeremiy 18:12 Referans Kwoze

Ri Jeremiy 2:25

¡Israel, mebe a soc ri awakan catxiquinic man e c'o ta a xajäb, maya' c'olbal chi cachaki'jar ri u pa a kul! Are c'u ri at xabij: ‘Jayi', man bantajel taj; quebenlok'ok'ej ri e jule' quinbe na cuc'.’ ”

U Camulixic ri Pixab 29:19

We c'u aretak i tom chic ri tzij re we chi'nic ri' ri kas cäban na, we c'u ne c'o jun chiwe ri cuban rib chi sibalaj utz, cuchomaj c'ut, cubij: ‘Ronojel ri quinbano utz quel na, pune' are quinbano jas ri quinwaj.’ Are c'u wa' ri cac'amow ulok ri c'ax paquiwi' conojel.

Ri Jeremiy 16:12

Are chi c'u ri ix xoc'ow chi na u wi' ri etzelal ri xebiban chquiwäch ri xequiban ri e i mam, chi jujunal c'ut are i takem ruc' taquil ri itzelalaj u chomanic ri ranima' man c'u e nimaninak ta chwe.

Ri Jeremiy 7:24

Man c'u xeniman ta chwe mawi xquiya' ta qui xiquin chwe, xane' ruc' taquil xquiya' quib xec'am bic rumal ri itzel u chomanic ri canima'. Che u q'uexwäch ri xetzelej ta wuc', are xquiya' can ri quij chnuwäch.

Ri Isaiy 57:10

Xacos awib che qui banic q'ui binem, man c'u xach'ob ta chi man c'o ta u patan ronojel ri xabano. C'o c'u ri a wa awuq'uia' pa a k'ab rumal ri' man xatcos taj.

Ri Lucax 1:51

Xuban nimak tak jastak ruc' ri u chuk'ab ri u k'ab. Xebujabuj ri winak ri cäquiban nimal pa ri qui chomanic.

Ri Jeremiy 3:17

Ri Jerusalen cabinax c'u na u tem re ajawibal ri Ajawaxel; conojel c'ut ri nimak tak tinimit caquimulij na quib chila' che u ya'ic nu k'ij, man caquitakej ta chi na ruc' taquil ri e itzel tak qui chomanic tak ri canima'.

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Ri Ezequiel 37:11

Xubij c'ut ri Ajawaxel chwe: “Ri u tinimit ri Israel xak e junam cuc' tak we bak' ri'. Xak xuwi chi c'u caquibij: ‘Ri e ka bakil e chaki'jarinak; man c'o ta chi jun eyebal c'uxaj chke, uj sachinak.’

Ri Jeremiy 44:17

Je c'u ri', cäkatakej na u banic ri chomatajinak u banic kumal. Cäkatakej na u chi'xic c'oc' k'ol xukuje' tak sipanic re u wa'l uva che ri Ajawinel Ixok dios re ri Caj, jacha' ri ka takem ulok u banic c'ä camic xukuje' jacha' ri xequiban ri e ka mam xukuje' tak ri e ka ajawinelab xukuje' xquiban ri e c'amal tak be chquipam ri tinimit tak re Juda xukuje' pa tak ri u xo'l tak ri ja pa Jerusalen. Are c'u ri nabe canok tz'ebetal ri cäkatijo, utz c'u quel ronojel chkawäch man xpe ta c'u jun quiäkasakil pakawi';

Ri Jeremiy 23:17

Quecha' chque ri caquetzelaj u wäch ri nu tzij ‘Ronojel utz quel na chiwäch.’ Chque tak c'ut ri qui takem ri tacalaj u rayinic ri canima', quecha' chque: ‘man c'o ta jun etzelal cäpe ta na piwi'.’ ”

Ri Jeremiy 11:8

Man xeboc ta il che ri xinbij chque mawi xeniman chwe, xane' xquiya' quib xec'am bic rumal ri tacalaj u chomanic ri canima'. Man xcajtaj xquitz'akatisaj ta ronojel ri takanic ri nu yo'm chque, xinban c'ut chi xepe ri c'äjisabal wächaj ri e yo'm qui bixic chupam ri c'ulwächinic.’ ”

Ucab Ajawinelab 6:33

C'ä cätajin c'u cätzijon cuc', aretak xtac'atob ri tako'n chuwäch ri Elisey cubij c'ut: “Are' c'u ri Ajawaxel c'amowinak ulok we quiäkasakil ri' pakawi', ¿Jas ta chic ri quincuinic quinweyej ta chi na pa u k'ab?”

Chapletajic 6:5

Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Ri Malaquiy 3:14

Are wa' ri i bim: ‘Ri u patanixic ri Dios man c'o ta cupatanij. ¿Jas ta ri ch'äcoj ri cäkesaj che ri u banic ri catakan che u banic, chi che ka cojo' tak atz'iak re bis chi chujbin c'u chuwäch ri Ajawaxel ri c'o ronojel u cuinem?

Ri Isaiy 65:2

Ronojel k'ij xebenlic' ri nu k'ab che u c'ulaxic jun tinimit ri man tal ta tzij, ri u takem ri qui be ri itzel tak winak ri are cuban ri u no'j pa re wi;

Ri Jeremiy 6:17

Ri Ajawaxel xebucoj yuxlenelab, xubij c'u che ri tinimit: “Chixoc c'u il che u tatabexic ri cäbix chiwe.” Xubij c'u ri tinimit: “Man cujoc ta il che u tatabexic.”