Ri Jeremiy 18:11 - Quiché Bible

¹¹ Chabij, ba', chque ri winak aj Juda xukuje' chque ri winak ri e c'o pa Jerusalen chi ri in, ri Ajawaxel, quinbij chiwe: ‘Nu bin chi cäpe ri etzelal piwi'; cätajin quinchomaj u c'äjisaxic i wäch. Xopan ba' ri k'ij chiya' ba' canok ri itzel be; chiwutzirisaj ri i c'aslemal xukuje' tak ri e i banoj.’

Ri Jeremiy 18:11 Referans Kwoze

Ucab Ajawinelab 17:13

Ri Ajawaxel u yo'm chic u bixic chque ri aj israelib cumal conojel ri e k'axal tak tzij xukuje' cumal ri queca'y pa che' pa abaj chi chequiq'uexa' tak ri itzel tak qui be che qui tz'akatisaj c'ut qui banic tak ri e u takomal xukuje' conojel tak ri pixab re ri tijonic ri e u yo'm chque ri e qui mam cumal ri e pataninel tak rech ri e k'axal u tzij.

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ri Jeremiy 7:3

rech ri Ajawaxel ri c'o ronojel u cuinem, ri u Dios ri Israel: ‘Chibana' utz che ri i c'aslemal xukuje' chque tak ri e i banoj, quinya' c'u na chiwe chiquitakej jekelem chupam we ulew ri'.

Ri Jeremiy 25:5

Ri e are' e qui bim tak chiwe: ‘Chiya' can ri itzel i c'aslemal xukuje' ri e itzel tak i banoj; jeri' cuya' quixjeki' na chupam ri ulew ri xuya' ri Ajawaxel chiwe re chbe k'ij sak xukuje' chque ri e i mam.

Santiago 5:1

¡Chitatabej ba' wa', ix ri ix k'inomab! ¡Chixok'ok ruc' nimalaj bis, chiwok'ej ri c'axc'olil ri quepe na piwi'!

Hechos 26:20

Xane' nabe xinya' u tzijoxic chque ri e c'o pa Damasc, xukuje' pa Jerusalen, xukuje' pa tak ri tinimit re Judey, xukuje' chque ri man aj judeyib taj. Xinbij chque chi chquiq'uexa' qui c'u'x, chchetzelej ruc' ri Dios. Xinbij chque chi aretak cäquiq'uex qui c'u'x, chquibana' utzalaj tak chac ri takal che ri q'uexoj c'uxaj.

Ri Miquey 2:3

Rumal ri' cubij ri Ajawaxel: “Xukuje' ri in e c'o tak nu chomanic chiwe. Quentaka ulok jun quiäkasakil piwi' ri man quixcuin ta wi quito'tajisaj ta ri i kul, man quixcuin ta c'ut quixbin ta chi na ruc' banoj nimal rumal rech chi e k'ijol tak wa' rech c'axc'olil.

Ri Isaiy 5:5

Quinbij c'u na chiwe ri xinchomaj u banic che ri nu ticbal uva: quinwesaj ri coral ri c'o chrij, rech cäsachisax u wäch; quinwor ri tapia ri c'o chrij, rech cätac'alexic;

Santiago 4:13

Chiwila' ba' ix, ri quibij camic: “Camic o chwek cujbe na pa ri tinimit ri', quekabana' jun junab chila', cujc'ayin na, cäkach'äc na puak.”

Ri Ezequiel 18:23

In man quinwaj taj chi cäcäm ri banal etzelal, xane' chuq'uexa' ri u c'aslemal chc'asal c'ut. In ri Ajawaxel, quinjiquiba' u bixic.

Ri Ezequiel 13:22

Ri ix, cuc' ri e i banoj tak tzij e i xibim ri e utz, ri man quinwaj taj je caquic'ulmaj, are c'u e i yo'm qui chuk'ab ri e banal tak etzelal che u takexic qui banic ri itzel qui c'aslemal, rech ri in man quinya' ta qui c'aslemal.

Ri Jeremiy 51:11

Ri Ajawaxel are caraj cusachisaj u wäch ri Babilon, u c'asum c'u pa qui jolom tak ri ajawinelab re Med we junam chomanic ri'. Are c'u rajil c'axelal wa' cuya' ri Ajawaxel u mac rech ri xquiban che ri rachoch. ¡Chebisuc'umaj tak ri ch'ab! ¡Chebiwuc'aj tak ri i quetecak tak i ch'ich'!

Ri Jeremiy 36:7

Caraj ne caquiban bochi'nic che ri Ajawaxel quequiya' ta c'u can conojel ri itzel tak qui nak'atisabal, rumal rech chi ri oyowal xukuje' ri c'axc'obic ri u bim ri Ajawaxel chi quepe puwi' we tinimit ri' sibalaj e xibibal.”

Ri Jeremiy 36:3

Caraj ne coc pa qui jolom ri aj Juda conojel ri c'axc'ol ri quinchomaj u c'amic ulok paquiwi', caquiya' ta c'u canok ri itzel qui c'aslemal are c'u ri in quencuyu' ri quetzelal xukuje' tak ri e qui mac.”

Ri Jeremiy 26:13

Chiwutzirisaj ri i c'aslemal xukuje' tak ri e i banoj, chixniman che ri Ajawaxel ri i Dios ri are' man quebutak ta c'u na ulok tak ri c'axc'ol ri e nu yo'm u bixic chiwe.

Ri Jeremiy 26:3

Craj ne caquiya' qui xiquin chawe caquiya' ta c'u ne can ri itzel qui c'aslemal, ma ta c'u ne quinc'äjisaj chic qui wäch qui mac quech ri e itzel tak qui banoj, jacha' ri nu chomam ulok.

Ri Jeremiy 18:18

Ri winak xquibij: “Quekabana' jun banel che u sachisaxic u wäch ri Jeremiy. Mawi c'u jubik' ma ta e c'o chic cojol tabal tok'ob chujtijonic, mawi ajno'jab ri cheyo'w ta ka no'j, mawi k'axal tzij ri cheyo'w ta u bixic ri u tzij ri Dios chke. Ka walijisaj jun tzijtal chrij rech cäcämisaxic. C'o makaya' wi ka xiquin che ri cubij.”

Ri Jeremiy 11:19

In man c'o ta quinnabej in jacha' jun chij ri cac'am bic pa ri pilibal, man weta'm taj chi cätajin cäban chomanic chwij che u banic c'ax chwe. Je c'u caquibij wa: “Kakasaj ri juwi' che' camic ri c'o pa ronojel ri u räxal, kaboko' pa ri uwächulew quech ri c'asc'oj, rech man c'o ta jun cänatan ta chic.”

Ri Jeremiy 4:23

Xinwil ri ulew, uxinak c'u jun chaki'j uwo sak ri man c'o ta u cholajil; xinca'y cho ri caj, man c'o ta c'u sakil.

Ri Jeremiy 4:6

Chiwalijisaj ri etal chic'utu' chusuq'uil ri Sion; ¡chitzucuj to'bal iwib, mibey iwib! Quinc'am c'u na ulok pa ri riquiak'ab ri elebal k'ij nimalaj u q'ueyowal xukuje' sachbal wächaj.

Ri Jeremiy 3:22

Chixtzelej ulok wuc' walc'ual ri man ix nimanelab taj, ri in quixincunaj na che ri man i nimanic taj.” “Uj c'olic ri', cujnakajin chech la, rumal rech chi lal ri' ri Ajawaxel ri ka Dios.

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

Ucab Ajawinelab 22:13

“Jix jitz'onoj che ri Ajawaxel che nu q'uexwäch xukuje' che u q'uexwäch ri tinimit xukuje' che u q'uexwäch ronojel ri Juda, ri cakaban che ri cubij we wuj ri' ri rikom; sibalaj ba' yactajinak royowal ri' ri Ajawaxel chkij uj, rumal rech chi ri e ka mam man xquiya' ta qui xiquin che ri cubij we wuj ri' mawi xquiban ta ronojel ri tz'ibatal chupam.”

Ucab Ajawinelab 5:5

Are' c'u ri ajawinel pa Siriy xutzelej u bijxic che: “Utz ri', jät in quintak bic jun wuj che ri ajawinel pa Israel.” Xbe c'ut ri Naaman, xebuc'am bic juwinak lajuj mil (30,000) rakan sak puak, wakib mil rakan k'an puak xukuje' lajuj c'ulaj atz'iak,

Chapletajic 11:7

Chujkaj bic kaya' jalajoj tak qui ch'abal chquijujunal, rech man cäquich'ob ta chic jas ri cäquibij chquibil tak quib.”

Ri Isaiy 57:1

Ri winak ri e tz'akatisanelab pa ronojel, quecämic; man c'o ta c'u jun coc il ri e utzalaj tak winak cäsach qui wäch, man c'o ta c'u jun cäch'obowic chi aretak quecämic queto'tajic man c'o ta chi c'ax cäquiriko

Ri Jeremiy 4:1

Ri Ajawaxel cujiquiba' u bixic: “We cawaj cattzelejic, Israel, wuc' in rajawaxic cattzelej wi. We quebinajtajisaj ri e xawebal tak e diosib chawe man catas ta c'u awib chwij,

Ri Jeremiy 11:11

Rumal c'u ri', quinc'am na ulok jun nimalaj c'axc'ol paquiwi' ri man quecuintaj caquesaj ta quib chupam. Pune' ta sibalaj caquirak qui chi' che u tz'onoxic chwe chi quebento', man quebentatabej taj. In, ri Ajawaxel, quinjiquiba' u bixic.

Ri Jeremiy 25:2

Ri k'axal tzij Jeremiy xuya' ri tzijol che ronojel ri tinimit Juda xukuje' chque conojel ri aj Jerusalen. Xubij:

Ri Jonas 3:8

Chebicojo c'u wakwoj tak atz'iak chiwij, che u c'utic ri k'oxomal, chitok'olej c'u ri Dios ruc' ronojel ri i chuk'ab. Chequiya' canok chquijujunal ri itzel qui c'aslemal xukuje' ri tokinic ri c'ä cätajin queban camic,

Nabe Ajawinelab 22:23

Eta'm chi c'u la camic chi are' ri Ajawaxel cojowinak jun uxlabal banal tzij pa qui chi' conojel tak ri e k'axal tak tzij la, xa' c'u jumul u bim chi cusachisaj na wäch la.”

Ri Jeremiy 4:14

Jerusalen, chajosk'ij ri awanima' che ri etzelal we je caban wa' catto'taj na. ¿C'a jampa' lo catanaba' qui chomaxic pa a jolom ri itzel tak chomanic?

Ri Jeremiy 19:3

Chabij: ‘Rajawinelab ri Juda xukuje' ri winak ri e c'o pa Jerusalen, chitatabej ri tzijol ri cubij ri Ajawaxel ri c'o ronojel u cuinem, ri u Dios ri Israel: Quintak ulok jun nimalaj c'axc'ol ri sibalaj nim puwi' we c'olbal ri', ronojel c'ut ri cäto'w ri quinya' u bixixic cäpe na ranima'.

Ri Jeremiy 19:15

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Quebentak na ulok che we tinimit ri' xukuje' chque conojel ri c'ulja tak tinimit conojel ri c'äjisabal tak wächaj ri nu yo'm u bixic chque, quitacarisam c'u quib rech man quequinimaj taj ri nu tzij.’ ”