Ri Jeremiy 17:9 - Quiché Bible

⁹ Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?

Ri Jeremiy 17:9 Referans Kwoze

Ri Matey 15:19

Chupam c'ut ri anima' quebel wi ulok ri itzel tak chomanic, cäcämisanic, ri kajic pa mac ruc' jun winak chic, ri cuc'axic quib cuc' achijab ixokib che qui banic macunic, eläk'anic, jalum k'alajisanic, yok'onic.

Ri Tzijonel 9:3

Are c'axc'olil wa' pa ronojel ri cäc'ulmataj cho we uwächulew ri': chi conojel xa junam jasach quebeyem conojel. Nojinak c'u ne ri u chomanic ri winak che ri etzelal; ri conil are catakan puwi' ri u chomanic ronojel ri u c'aslemal; ¡chuq'uisbalil c'ut quemukok!

E C'ambal tak Tzij 28:26

Xuwi jun man c'o ta u no'j cujiquiba' u c'u'x chquij ri e u chomanic; ri cäpatanij ruc' no'j man c'o ta jas cuc'ulmaj.

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

Chapletajic 6:5

Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Ri Matey 13:15

Are c'u ri canima' we winak ri' xcowiric, man cäcaj taj quetan cuc' ri qui xiquin, xequitz'apij ri qui bak'wäch, rech man queca'y taj cuc' ri qui bak'wäch, rech man cäquita' taj cuc' ri qui xiquin, rech man cäquich'ob taj pa ri canima', man cäquitzolk'omij ta quib, man quebencunaj ta c'ut.’

Ri Jeremiy 16:12

Are chi c'u ri ix xoc'ow chi na u wi' ri etzelal ri xebiban chquiwäch ri xequiban ri e i mam, chi jujunal c'ut are i takem ruc' taquil ri itzelalaj u chomanic ri ranima' man c'u e nimaninak ta chwe.

Salmib 51:5

Kastzij, in lawalo kas aretak xinalaxic; in ajmac wi ulok kas pa ri u c'u'x ri nu nan.

Marcos 2:17

Ri Jesus aretak xuta' wa, xubij chque: “Ri winak ri e utz man rajawaxic ta ajcun chque, xane' ri c'o yabil chque. Man in petinak taj che qui siq'uixic ri e suc', xane' in petinak che qui siq'uixic ajmaquib.”

Romanos 1:21

Pune' ta ne xquich'ob u wäch ri Dios, man xquinimarisaj ta u k'ij jas ri takal che ri Dios, mawi xemaltioxin che. Xane' xquiban ri u chomanic ri canima', ri man c'o ta qui patan. Xk'ekumar c'u ri canima' ri man cäraj taj cäch'obonic.

Romanos 7:11

Are c'u ri mac are xucoj ri takanic che nu subic. Xukuje' ruc' ri takanic xinucämisaj.

Efesios 4:22

Ri nabe i c'aslemal ri iwuc'am ulok, chiwesaj ri ojer ri k'ayinak cumal ri e subunelabalaj tak e i rayinic.

Ucab Samuel 11:15

Ri cubij ri wuj: “Are chi nabejisaj ri Uriy chquiwäch ri banal tak ch'o'j, jawije' ri nimatajinak wi ri ch'o'j, chiya' can u tuquiel rech cäsoquic cäcäm c'ut.”

Ri Isaiy 1:5

We c'u ri ix quicoj i chuk'ab rech man quixniman taj, man c'o ta chi c'u cac'äjisax wi i wäch che ri i cuerp. Socotajinak ronojel ri i jolom, e i tzakom ronojel ri i chuk'ab.

Ri Isaiy 1:6

Cächapletaj puwi' ri akanaj copan c'ä puwi' jolomaj man c'o ta jubik' ri ma ta c'o u yab chwe; ronojel nojinak che socotajic, ch'ayiquil, ch'a'c ri cäpujanic; man c'o ta jun e cunaninak mawi e botz'owinak, mawi e to'm ri u k'oxom ruc' aseit.

Ri Isaiy 6:10

Chatacarisaj ri u chomabal we tinimit ri' chach'uku' ri e qui xiquin, chatz'apij ri e qui bak'wäch, rech man quecuin ta queca'yic, mawi quech'obonic, rech man quetzelej ta wuc' quecunataj ta c'u ne.”

Salmib 64:7

Quesoc na rumal ri Dios ruc' ri u ch'ab, man c'o ta cäquinabej aretak quesoc na;

Ri Jeremiy 7:24

Man c'u xeniman ta chwe mawi xquiya' ta qui xiquin chwe, xane' ruc' taquil xquiya' quib xec'am bic rumal ri itzel u chomanic ri canima'. Che u q'uexwäch ri xetzelej ta wuc', are xquiya' can ri quij chnuwäch.