Ri Jeremiy 17:8 - Quiché Bible

⁸ Cux c'u na jacha' juwi' che' ri tiquil chuchi' jun nima', ri quebuyuk tak ri e u ra'b chuchi' ri ja' man c'u cuna' ta rib aretak quepe tak ri k'ak'al, amak'el xak cätojtak wi ri e u xak. Pa ri u k'ijol ri sak'ij man cuna' taj, mawi jumul cutanaba' ta u ya'ic u wäch.

Ri Jeremiy 17:8 Referans Kwoze

Salmib 1:3

Ri winak ri' junam ruc' juwi' che' ri tiquil chuchi' jun nima', ri cuya' u wächinic pa ri u k'ijol ri mawi jubik' quechaki'jar ta ri u xak. ¡Ronojel ri cubano, utz quelic!

Ri Isaiy 58:11

Ri in quinc'am na a be amak'el, quintz'ebej na ri catijo chupam ri chaki'j uwo sak, quinya' na u chuk'ab ri a cuerp catux c'u na jacha' jun ticbal cotz'i'j ri utzalaj u ja'xic banom, jacha' jun u q'uiyibal ja' ri man cätzaj taj.

Ri Ezequiel 47:12

Che ri quieb u chi' ri nima' queq'uiy na ronojel qui wäch tak che' ri quequiya' qui wächinic. Ri e qui xak mawi jumul quepulpubic, mawi c'u quequitanaba' ta u ya'ic wächinic. Chujujun tak ic' quequiya' wächinic, rumal rech chi quejabux rumal ri ja' ri elinak ulok chupam ri Rachoch Dios. Ri e qui wächinic tak quebajwataj che k'obisabal e are tak c'ut ri qui xak quebajwataj che cunabal.”

Ri Job 8:16

Ri e banal tak etzelal xak e junam cuc' ri räx tak k'ayes chuwäch ri k'ij, ri caquilic' quib chupam ronojel ri ticbal cotz'i'j;

Ri Job 29:19

Xak in junam ruc' juwi' che ri tiquil chuchi' ri ja', ri quebatinisax tak ri u k'ab rumal ri räxk'ab ri cakaj chak'ab.

E C'ambal tak Tzij 11:28

Ri cujiquiba' u c'u'x chrij ri u k'inomal, je cux na jacha' ri chaki'j u xak che' are' c'u ri e suc' queraxar na jacha' ri e u k'ab tak che'.

Ri Isaiy 61:3

che u ya'ic chque ri qui rikom c'ax ri e c'o pa Sion, jun corona che q'uexwäch chaj, c'oc'al re quicotemal che u q'uexwäch ok'ej, bix tak re k'ijilanic che u q'uexwäch q'uistajbal c'uxaj. Ix “bakit re colomal” quixuchix c'u na, e ticom rumal ri Ajawaxel che u c'utic ri u juluwem.

Ri Jeremiy 39:18

In catinto'tajisaj na rech man catcämisax taj. Catcuinic cato'tajisaj awib man catcäm taj, rumal rech chi xacu'ba' a c'u'x chwij. In, ri Ajawaxel, quinjiquiba' u bixic.’ ”

Ri Ezequiel 31:3

Je ta ne ri catpe jun q'uisis o jun chacalte' aj Libano, ri e c'o je'lalaj tak u k'ab ri cuya' mujal che ri c'ache'laj, sibalaj naj elinak chicaj copan c'u ne ri u wi' c'ä pa tak ri sutz'.