Ri Jeremiy 17:5 - Quiché Bible

⁵ Ri Ajawaxel cubij: “C'okotajinak jachin ri cutas ri ranima' chwij are c'u cujiquiba' u c'u'x chquij tak ri winak cutzucuj c'u u tok'exic rib chquij.

Ri Jeremiy 17:5 Referans Kwoze

Ri Isaiy 2:22

Chitanaba' u cu'bisaxic i c'u'x chrij ri winak, ri man nim ta u k'ij, ri u c'aslemal ri winak xa' jun uxlabic.

Ucab Tzijobelil 32:8

Ri Senaquerib are' u cuban u c'u'x chquij ri qui chuk'ab ri achijab, c'o c'ut ri Ajawaxel ri ka Dios kuc' rech cujuto' che qui banic tak ri ka ch'o'j.” Aretak xtataj ri xubij ri ajawinel Ezequiy, ri tinimit xuna' chajin anima'.

Ri Isaiy 36:6

Quinwilo chi a cuban a c'u'x chrij ri to'banic ri cuya' ri Ejipt. Utz ri', ri Ejipt xa jun aj ri pak'ininak, we jun winak cuchap rib che, quet'ist'ob na bic ri ch'akatak tak aj pa u k'ab. Are jewa' u banic ri paraon ri rajawinel ri Ejipt, chque conojel ri cäquicu'ba' qui c'u'x chrij.

Salmib 62:9

Ri winak xa jun uxlab, xak junam ri meba' ruc' ri k'inom; we ta quepaj junam pa jun pajbal, man quepajan ta jubik'.

Salmib 18:21

nu terenem c'ut ri u be ri Ajawaxel; mawi jubik' nu xutum can ta ri nu Dios.

Ri Ezequiel 6:9

Ri quec'asi' canok quinnataj na chque pa ri nimak tak tinimit ri'; quenataj na chque joropa' ri c'ax ri xquirik wumal rumal rech chi man xeniman ta chwe xukuje' chi xquitas quib chwij che qui k'ijilaxic tak diosib. Quemuluw c'u na qui c'u'x kas chque chquibil tak quib, cumal tak conojel ri etzelal ri e qui banom, cumal conojel tak ri xojibal tak banoj ri e qui banom.

Ri Osey 1:2

Ri Ajawaxel je u chaplexic u ya'ic wa' ri xraj xuya' u bixic ruc' ri u to'banic ri Osey: “Ri winak ri e c'o pa rulew ri Israel quibanom ri qui mac ri e quech ri nim ch'utin, qui tasom quib chwij, in quiyo'm canok. Je c'u chabana' at, jät chac'ama' jun ixok quech nim ch'utin che awixokil, chec'ol c'u a c'ojol ruc'; jeri' we alabom ri' quebux na ral jun ixok quech nim ch'utin.”

Ri Isaiy 59:15

Ri man capayil taj man quil ta u wäch, ri winak ri cutas rib chrij ri etzelal queläk'ax ri c'o ruc'. Yactajinak royowal ri Ajawaxel rumal rech chi man c'o ta suq'uil cäbanic.

Ucab Tzijobelil 16:12

Chupam ri u juwinak belejlajuj junab ri rajawinic, ri As sibalaj xyawaj chque ri rakan; man xutzucuj ta c'ut ri Ajawaxel che u cunaxic ri u yabilal xane' are xebutzucuj ri ajcunab.

Ri Isaiy 20:5

Ri winak cäquixe'j na quib xukuje' queq'uix na che ri Etiopiy ri qui yo'm wi ri cu'lbal qui c'u'x, xukuje' queq'uix na che ri Ejipt ri nimarisabal qui k'ij.

Ri Jeremiy 11:3

chabij c'u chque chi ri in, ri Ajawaxel, ri u Dios ri Israel, quink'alajisaj chi c'okotajinak ri man cunimaj taj u banic ri u q'uisbalil ri c'ulwächinic ri'.