Ri Jeremiy 17:4 - Quiché Bible

⁴ Cajam na canok ri ulew ri xinya' chawe jacha' che awechbal, quinban c'u na chawe chi catux jun lok'om pataninel chque ri e a c'ulel pa jun ulew ri man e awilom taj, rumal rech chi ri woyowal tzijtajinak jacha' jun k'ak' ri catuporoj na.”

Ri Jeremiy 17:4 Referans Kwoze

Ri Jeremiy 15:14

Quenbana' chawe chi catux jun lok'om pataninel chque ri e a c'ulel pa jun ulew ri man a c'oxomam taj, rumal rech chi nicowirinak ri woyowal jacha' jun k'ak' ri cuporoj na.”

Juyuwem 5:2

Ronojel ri kech oquinak pa qui k'ab ri winak ri man e ka winakil taj; camic ri kachoch e quech chic ri winak ri man keta'm ta qui wäch.

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”

Ri Isaiy 5:25

Rumal ri' ri Ajawaxel xpe royowal che ri u tinimit, xuyac ri u k'ab che u c'äjisaxic u wäch. Ri juyub xebirbobic, ri cäminakib xejiljoxin canok jacha' mes pa tak ri be. Man oc'owinak ta c'u ri royowal ri Ajawaxel ri are' c'ä u takem u cojic xib.

Ri Jeremiy 16:13

Rumal ri' quebenwesaj bic chupam we ulew ri' quec'am bic pa jun ulew ri mawi ri ix mawi ri e i mam e quilom taj, chila' c'u quequipatanij wi na chi pa k'ij chi chak'ab jule' tak diosib chic, man c'u quel ta na nu c'u'x chiwe.’

Ri Isaiy 14:3

Tinimit aj Israel, aretak ri Ajawaxel catresaj pa ri c'ax ri at c'o wi, pa tak ri a bis, xukuje' pa ri c'axalaj lok'om patanijic ri xatcoj wi,

Ri Ezequiel 21:31

quinkasaj c'u na ri woyowal pawi' jacha' ri jun xibibalalaj c'atic; catinjach c'u na pa qui k'ab c'analaj tak winak ri quena'w che sachisam wächaj.

Juyuwem 1:12

¡Ix, ri quixbin pa ri be, chixtac'al che u chomaxic we c'o k'oxomal jacha' ri wech in, ri sibalaj in c'axc'obinak rumal! ¡Ri Ajawaxel xtakow ulok we c'axc'obic ri' panuwi' aretak xnicow ri royowal!

Ri Jeremiy 12:7

“Nu wonobam can ri nu tinimit, nu xutum ri xux can wech nabe. Nu jachom pa qui k'ab ri qui banom qui c'ulel chque, ri nim tinimit ri sibalaj quinlok'ok'ej.

Ri Jeremiy 5:29

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri winak ri je cuban wa'? In ri Ajawaxel, quinjiquiba' u bixic.

Ri Isaiy 66:24

Quepe na quequil c'u na ri cäminak tak winak ri xequiwalijisaj quib chwij. Ri xjut ri quetijowic man quecäm ta wi, ri k'ak' ri quekuchuwic man cächup ta wi. ¡Jun jasach c'u wa' ri xawebal chque conojel ri winak!”

Ri Isaiy 30:33

Sibalaj ojer suc'umam ulok che ri Asiriy xukuje' che ri rajawinel jun c'olbal re c'axc'ol ri nim u wäch xukuje' naj u pam, jun k'ak' nicowisam ri yo'm sibalaj si' chupam. Are ri ruxlab ri Ajawaxel cänicowisan na jacha' jun nima' re asubre.

Ri Nehemiy 9:28

Aretak c'u ne e c'o chi pa jubik' jamaril, quetzelej chi jumul che u banic ri etzelal chwäch la; rumal ri' xya' la c'olbal chi quekaj pa qui k'ab ri qui c'ulel, ri xequiban c'ax chque. Caquitz'onoj chi c'u ri to'banic la, are c'u ri lal, lal nojinak che tok'obisam wächaj, quetatabej la ulok kas chicaj, q'ui c'u mul xeto'tajisaj la.

Nabe Ajawinelab 9:7

in quinbok na ri Israel pa ri ulew ri nu yo'm chque, quinq'uiak na bic ri wachoch chnuwäch ri nu tasom xak xuwi chi c'u cayok' ri Israel chquixo'l conojel ri nimak tak tinimit.

U Camulixic ri Pixab 28:25

xukuje' catxak'alex na cumal ri e a c'ulel. Sibalaj utz u cholajixic awib cabano aretak catbe chquij ri a c'ulel che u banic ch'o'j cuc', catanimaj c'u na chquiwäch, at yojyobinak catjabutaj c'u na pa conojel ri ajawibal ri e c'o cho ri uwächulew.

Ri Jeremiy 2:14

“Ri Israel man jun lok'om pataninel taj; ri are' man xalax taj jacha' jun lok'om pataninel. ¿Jas c'u che catolobaxic?

Ri Jeremiy 18:23

Are c'u ri lal, Ajawaxel, e eta'm la conojel tak ri chomanic ri e qui banom che nu cämisaxic. ¡Mäsach la qui mac che ri quetzelal mawi mäsach ri qui mac pa jolom la! ¡Chbana' la chi quekaj pa k'ab la, chäc'äjisaj la qui wäch ruc' oyowal!

Ri Jeremiy 22:28

Ri Jeconiy ¿La jun paxinak mulul ri jisjobinak, jun lak ri man c'o ta jachin cajawinic? ¿Jasche xerokix bic ri are' xukuje' tak ri e u c'ojol pa jun ulew ri man etamatal taj?

Ri Isaiy 50:11

Conojel c'u ri cäquitzij k'ak' xukuje' cäquisuc'umaj ch'ab ri quenicowic, quekaj na chupam ri rak' ri kas qui k'ak', chuxe' ri ch'ab ri kas ix xixnicowisanic. Ri Ajawaxel cutak na ulok we c'äjisabal wächaj ri' paquiwi', queliq'ue c'u ne canok pa u niq'uiajil ri c'axc'olil.

Ri Jeremiy 5:19

Aretak chi qui c'ot achi': ‘¿Jasche ri Ajawaxel ri ka Dios xuban ronojel wa' chke?’, chatzelej u bixic chque: ‘Je' jacha' ri xibano xitzak can ri Ajawaxel xixoc c'u che qui patanixic qui diosib winak re jun ulew chic chupam ri kas rulew, jeri' xukuje' quequipatanij na winak chupam jun ulew ri man quech taj.’ ”

Ri Ezequiel 7:24

Ri in quinban na chi quepe winak ri e banal tak etzelal quequimajij na tak ri ja ri e c'o pa ri tinimit. Quinq'uis na tzij puwi' ri nimal ri quec'amow ri e c'o qui cuinem; quinban na chi ri tastalicalaj tak qui c'olbal ri quek'ijilan wi quexk'olitajisax na.