Ri Jeremiy 17:16 - Quiché Bible

¹⁶ Man, nu cojom ta c'u ne nu chuk'ab chi cätak ta la ulok jun c'äjisabal wächaj, mawi ne nu rayim chi chepeta tak c'axc'ol paquiwi'. Lal kas eta'm la ri nu bim, chwäch c'u la xinbij wi.

Ri Jeremiy 17:16 Referans Kwoze

Hechos 20:27

Nu tzijom c'u ronojel ri u chomanic ri Dios chiwe. Man c'o ta jas ma ta xinbij chiwe.

Hechos 20:20

Man c'o ta jun jasach ri c'o quechbex che, ri ma ta xinbij chiwe, ronojel xixintijoj che, chquiwäch ri winak xukuje' pa tak iwachoch.

Santiago 3:1

E q'ui ri maquiban quib chi e ajtijab chixo'l, wachalal. Etamatal c'ut chi konojel cäk'at na tzij pakawi' e are' tak c'ut ri uj ri cujtijonic sibalaj c'ax na ri k'atoj tzij pa ka wi'.

Santiago 1:19

Rumal wa', lok'alaj tak wachalal, chijujunal chanim chitatabej ri u tzij ri jun chic, chixbeytaj che tzijonic, chixbeytaj che oyowal,

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

Ri Jeremiy 20:9

We quinbij: “Man quinchoman ta chic che ri Ajawaxel, mawi jumul quintzijoj chic ri u bi',” are c'u ri tzij la pa ri wanima' cäq'uextaj pa jun k'ak' ri cäjarisanic, ri copan c'ä cho tak ri nu bakil. Quintzucuj u k'atixic man c'u quinticar taj.

Ri Jeremiy 18:20

¿La are ri etzelal cätojbex rech ri utzilal? ¡E are' qui c'otom ri nu julil! Chnataj che la chi nu tac'abam wib chwäch la che u banic bochi'nic paquiwi', che u tz'onoxic che la chi tasa' la ri oyowal la chquij.

Ri Jeremiy 13:17

We c'u ne man quixoc ta il che u nimaxic ri cäya' u bixic chiwe, quinok' na chi c'uyal u mac ri nimal ri quixc'amowic; quebelel na ri u wa'l tak wächaj chque ri nu bak'wäch, rumal rech chi e yutuyuj quec'am na bic ri e u jumulaj ri Ajawaxel.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Jeremiy 12:3

Are c'u ri lal, Ajawaxel, etamam la nu wäch; quinil la eta'm c'u la jachique tak ri e nu chomanic che la. ¡Chec'ama' la bic we winak ri' jacha' ri cäban chque ri chij ri quec'am bic pa ri pilbal; chcojo' la quetal che ri k'ij re ri cämisanic!

Ri Amos 5:10

¡Tok'ob i wäch ix, ri quiwetzelaj u wäch ri cuto' u wi' ri suq'uilal xukuje' c'u ne quixutuj c'ut ri k'alajisanel ri tz'akat pa ronojel!

Ri Jeremiy 15:15

Ajawaxel, lal chi eta'm la ronojel, ¡Chinnataj che la pet c'u la che nu to'ic! ¡Chya' la rajilal u c'axelal chque ri caquitzucuj u banic c'ax chwe! Sibalaj c'u macoch'on na la chque chi quinya' la pa ri cämical, chila la chi rumal ech la quinch'ij ri nu yok'ic.

Ri Jeremiy 20:7

Ajawaxel ri lal xinsub la, are c'u ri in xinya' wib pa subic; nim na ri chuk'ab la, xcuin c'u la che nu ch'äquic. Xak amak'el in yacal tze'; conojel xak cäquetz'bej nu wäch.