Ri Jeremiy 17:12 - Quiché Bible

¹² Ri rachoch ri ka Dios are' jun tem re ajawibal ri cäjuluwic, ri c'o chicaj kas pa ri tiquiritajic.

Ri Jeremiy 17:12 Referans Kwoze

Salmib 96:6

¡C'o nimalaj juluwem chuwäch! ¡C'o cuinem xukuje' je'lal chupam ri cak'ijilax wi!

Ri Ezequiel 43:7

Cubij c'u ulok chwe: “Are' c'olbal wa' rech ri nu tem re ajawinel, ri c'olbal ri quebenya' wi na ri wakan; waral quinjeki' wi na chquixo'l ri aj israelib amak'el. Mawi ri e are' mawi ri e cajawinelab caquiya' ta china' ri tastalicalaj nu bi' pa yok'ical: man quebe quiyaca' ta chi na tz'ak che u nataxic ri cajawinelab aretak e cäminak chic,

Ri Jeremiy 3:17

Ri Jerusalen cabinax c'u na u tem re ajawibal ri Ajawaxel; conojel c'ut ri nimak tak tinimit caquimulij na quib chila' che u ya'ic nu k'ij, man caquitakej ta chi na ruc' taquil ri e itzel tak qui chomanic tak ri canima'.

Ri Ezequiel 1:26

Puwi' ri wocowic xinwil jun jasach jacha' jun tem re ajawibal ri je ta ne cäpe ri je'licalaj räx abaj ri zapir, puwi' c'u we tem re ajawibal ri' c'o jun jasach ri je ta ne u banic jun winak.

Ri Jeremiy 14:21

¡Rumal ri bi' la chi nim u k'ij mujxutuj la, metzelaj la u wäch ri tinimit la ri c'o wi ri juluwemalaj tem re ajawibal la! ¡Chnataj ri c'ulwächinic la che la ri xban la kuc', ma ta c'u chatz'akatisaj la!

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.

Hebreos 12:2

Xuwi chkila' ri Jesus, ri xutiquirisaj xukuje' cutz'akatisaj na ri ka cojonic. Are xuch'ij ri ripibal man xuya' ta c'u u wäch che ri u q'uixbal ri xelic, rumal rech chi reta'm chi curik na quicotemal. Xt'uyi' c'u pa ri u wiquiak'ab ri u tem ri Dios re ajawibal.

Hebreos 4:16

Mäkaxe'j ba' kib, chujkeb chuwäch ri tem re ajawibal rech ri u tok'ob ri Dios, rech ri are' quil u c'u'x chke, cuban tok'ob chke che ka to'ic pa ri k'ij ri rajawaxic na chke.

Ri Isaiy 6:1

Pa ri junab aretak xcäm ri ajawinel U, xinwil ri Ajawaxel, t'uyul pa jun tem re ajawinel ri sibalaj naj elinak chicaj, ri u chi' ri u k'u' u nojisam u pam ri rachoch Dios.

Ri Matey 25:31

“Aretak cäpe ri Rija'l winak cuc' conojel ri e u tako'nib ri Dios, nim u k'ij cäpetic. C'äte ri' cät'uyi' na puwi' ri tem re ri u juluwem.

Ri Isaiy 66:1

Ri Ajawaxel cubij: “Ri caj are nu tem re ajawibal are c'u ri ulew are qui tac'alibal ri wakan. ¿Jawije' ta lo ri caban ta wi cuinem che u yaquic jun ja chwe? ¿Jawije' ta lo ri caban ta wi cuinem che u banic jun c'olbal chwe che wuxlanibal?

Salmib 103:19

Ri Ajawaxel u cojom ri u tem re ajawibal chupam ri caj ri rajawinic cätakan c'u puwi' ronojel.