Ri Jeremiy 17:10 - Quiché Bible

¹⁰ In, ri Ajawaxel, ri quinnic'oj ri anima'aj weta'm c'ut ri c'o c'ä chupam, quinya' c'u chque chi chquijujunal ri takalic, e je jas ri e u banoj.”

Ri Jeremiy 17:10 Referans Kwoze

Nabe Samuel 16:7

Xubij ri Ajawaxel che: “Are maya' a wäch che ri u wächbal mawi che ri u nim rakan, wetzelam u wäch wa'. Man are ta cäya' u k'ij ri cäril ri winak; ri winak are cuya' u wäch chque tak ri wächbal, are c'u ri in are quinya' nu wäch che ri anima'.”

Romanos 8:27

Are c'u ri Dios ri cäril ri kanima', reta'm ri u chomanic ri Uxlabaxel. Ri Uxlabaxel c'ut cäbochinic jacha' ri u rayibal ri Dios, paquiwi' ri e rech.

Apocalipsis 2:23

Quebencämisaj na ri e ral. Conojel c'u ri e comon cojonelab cäquich'ob na chi in ri' ri weta'm ronojel ri c'o pa ri qui chomanic xukuje' pa ri canima'. Quinya' c'u na chiwe chijujunal ri tojbal jacha' ri u cholajil ri e i chac.

Ri Jeremiy 11:20

Are c'u ri lal, Ajawaxel ri c'o ronojel cuinem la lal jun suc'alaj k'atal tzij; lal ri eta'm la ri c'o c'ä chupam ri ranima' ri winak. Chya' la chwe chi quinwil ri u c'äjisaxic qui wäch we winak ri' umal la, pa k'ab c'u la nu jachom wi ri nu c'ulmam.

Ri Jeremiy 32:19

Lal nim banic la pa tak ri e chomanic la c'o c'u cuinem la pa tak ri e chac la. Lal quil la ronojel ri caquiban ri winak caya' c'u la chque chquijujunal jachique ri takal chque tak ri e qui banoj.

Ri Jeremiy 20:12

Ajawaxel ri c'o ronojel u cuinem, lal cänic'on la ruc' suq'uilal, lal ri quil la ri c'o c'ä chupam ri ranima' ri winak, chya' la chwe chi quinwil ri u c'äjisaxic qui wäch we winak ri', nu yo'm c'u pa k'ab la ri c'ax ri caquiban ri winak chwe.

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Apocalipsis 22:12

Chiwilampe', chanim quinpetic, wuc'am ri tojbal iwech. Quinya' na ri tojbal iwech chijujunal jas ri u banom.

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

E C'ambal tak Tzij 17:3

Ri k'an puak xukuje' ri sak puak, ri k'ak' quetijtobenic; ri e chomanic tak quebutijtobej ri Ajawaxel.

Apocalipsis 20:12

Xebenwil ri cäminakib chi nimak chi ch'utik, ri e tac'atoj chuwäch ri tem re ajawibal. Xejaktaj c'u tak ri wuj. Xukuje' jun wuj chic xjakic, are wa' ri wuj re ri c'aslemal. Xk'at tzij paquiwi' ri cäminakib chquij ri jastak ri qui banom, jas ri e tz'ibatal pa tak ri wuj.

Ri Xuan 2:25

Man rajawaxic ta che chi c'o jun cuk'alajisaj ta chuwäch jas qui banic ri winak. Rumal rech chi ri are' reta'm jas c'o pa canima' ri winak.

Ri Jeremiy 21:14

In quinc'äjisaj na i wäch jacha' ri takal chque tak ri e i banoj; quint'ik na k'ak' chque tak ri e i c'ache'laj, are c'u we k'ak' ri' quebutij na conojel ri e c'o chrij. In, ri Ajawaxel quinjiquiba' u bixic.’ ”

Salmib 7:9

Suc'alaj Dios, ri quebe nic'oj la tak ri chomanic xukuje' ri c'o pa ri animaaj ri e c'u'talic, ¡sacha' la u wäch ri quetzelal ri e banal tak etzelal, co c'u tac'aba' la ri winak ri tz'akat pa ronojel!

Romanos 6:21

¿Jas c'u ri xiwechbej can chquij ri jastak ri cäquiya' chi q'uixbal chiwe camic? Cämical c'u ri quec'aman wi bic.

Nabe Tzijobelil 29:17

In weta'm, nu Dios, chi ri lal quebenic'oj tak la ri etamabal tak c'uxaj xukuje' chi are' cakaj ri colomal chwäch la. Rumal ri' ruc' jun colomalaj chomanic nu chi'm ronojel wa' che la. Quincuin c'u che rilic camic ruc' quicotemal chi ri tinimit la, ri u mulin rib waral, u c'amom ulok ri u sipanic chwäch la ruc' ronojel ranima'.

Ri Miquey 7:13

Ri ulew cux na chaki'j uwo sak qui mac quech ri winak ri e c'o chuwäch, are c'u banowinak ri quetzelal.

Ri Matey 6:4

Jeri' chabana' ri a tok'ob chi c'uyal. Ri a Tat c'ut ri quilow ri caban chi c'uyal, are cäyo'w na tojbal awech.”

Hechos 1:24

Xquiban ch'awem ruc' Dios, xquibij: “Lal, Kajaw, ri eta'm la ri canima' conojel, c'utu' la chkawäch jachin chque we quieb ri' cächa' la,

Nabe Ajawinelab 8:39

Chatatabej la ulok c'ä pa ri caj, c'ä pa ri c'olbal ulok ri lal jekel wi, chya' la ri sachbal macaj; chya' la chque jas ri takal chque tak ri qui banoj, xuwi c'u ri lal e eta'm tak la ri qui chomanic xukuje' ri canima' ri winak.

Salmib 44:21

xetamaj ta c'u la ri' conojel ri jastak ri sibalaj e c'u'talic.

Ri Tzijonel 9:3

Are c'axc'olil wa' pa ronojel ri cäc'ulmataj cho we uwächulew ri': chi conojel xa junam jasach quebeyem conojel. Nojinak c'u ne ri u chomanic ri winak che ri etzelal; ri conil are catakan puwi' ri u chomanic ronojel ri u c'aslemal; ¡chuq'uisbalil c'ut quemukok!

Ri Isaiy 59:18

Ri Ajawaxel cuya' na chque ri chquijujunal ri takal chque; cuc'äjisaj na qui wäch ri e u c'ulel. Jachin tak ri cäquetzelaj u wäch cuya' na chque ri takal chque xukuje' ne chque tak ri e jekel chquipam tak ri ulew ri e c'o chupam ri plo.

Ri Jeremiy 12:13

Xquitic trico q'uix xuya' ri ulew chque; ronojel ri qui chac ri xquibano man c'o ta xupatanij. Aretak xeyac ri u wächinic ri ulew xa' tzakmajic xquiriko u mac rech ri nicowelalaj woyowal.”

Ri Ezequiel 11:5

Ri Ajawaxel xinruxlabisaj, xuya' takanic chwe chi quinbij: “Are wa' ri cubij ri Ajawaxel: ‘Are wa' ri qui chomaj ix, israelib. Ri in weta'm ri i chomanic.

Ri Ezequiel 14:5

Ri in quinnak na ri canima' conojel ri aj israelib ri xquitas quib chwij rumal quech ri e u diosib ri e c'o cuc'.

Ri Job 34:11

Ri are' quebutoj chque ri winak chquijujunal jas u cholajil ri qui chac ri qui banom; cubano chi chquijujunal caquic'am ri takal chque.

Salmib 7:10

Ri ch'ukubal wib are' ri Dios ri aj chicaj, ri quebuto'tajisaj ri jicom ri canima'.

Salmib 44:22

U mac c'u ech la xak keye'm ri cämical; ronojel k'ij; je cäban chke jacha' ri caban chque ri chij ri pilic quij.

E C'ambal tak Tzij 12:14

Chquijujunal caquiyac na ri u wächinic ri caquibij xukuje' cuc'am ri tojbal rech ri cubano.

Ri Jeremiy 23:2

Ri Ajawaxel, ri u Dios ri Israel, je cubij wa' chque ri ajyuk'ab ri quebajawin puwi' ri u tinimit: “Ix e i jabum ri e nu chij, i banom c'u chque chi e animajinak bic man c'u e qui chajin taj. Are c'u ri camic, in sibalaj quinoc na il che ri utzalaj u c'äjisaxic qui wäch ri e itzel tak qui banoj. In, ri Ajawaxel, quinjiquiba' u bixic.