Ri Jeremiy 16:7 - Quiché Bible

⁷ Man c'o ta jun quebuban ta ula'nic quech cäminakib che u cu'bisaxic ta qui c'u'x ri aj cäminakib, pune' ta ne are' cäcäm ri tataxel o ri nanaxel.

Ri Jeremiy 16:7 Referans Kwoze

Ri Osey 9:4

Man cacuq'uiaj ta chi na u wa'l uva che u ya'ic u k'ij ri Ajawaxel, mawi quequichi'j chic chi' ri e qui tabal tak tok'ob. Ri wa ri chquitijo, junam ruc' ri wa ri cätijowic aretak c'o jun cäminak, jachin tak c'ut ri chetijowic quecanaj can tz'il. Ri e are' quequitij na we wa ri', man cuya' ta c'ut caquic'am ta bic chupam ri rachoch ri Ajawaxel.

Ri Ezequiel 24:17

Chat coch'onok mac'utu chi catbisonic, macoj k'ek atz'iak che u c'utic chi c'o a cäminak. Mach'anaba' ri a jolom jawije' ri catbe wi mawi mebat'anaba' ri awakan jawije' ri catbe wi; mach'uk ri a palaj che u c'utic ri c'axc'obic mawi mebatij ri wa ri quetijic aretak c'o cämical.”

U Camulixic ri Pixab 26:14

Man c'o ta nu tijom che aretak in c'o pa bis o pa ok'ej o aretak in tz'ilobitajinak, mawi c'o nu yo'm che qui mukic cäminakib. Ajawaxel nu Dios, lal nu nimam xukuje' nu banom ronojel ri in takom la che u banic.

Ri Job 42:11

Xebopan c'u ne conojel ri rachalal, ri e rana'b xukuje' tak ri e rachil, xukuje' conojel ri e etamaninak u wäch ojer, xerachilaj c'u conojel wa' che u banic jun nimak'ij cho ri rachoch. Xquik'alajisaj c'u chuwäch chi c'ax xquina' ri xuc'ulmaj xquicu'bisala' c'u u c'u'x che ronojel ri c'axc'ol ri xutak ulok ri Ajawaxel puwi', conojel c'ut chquijujunal xquiya' jutak bik' puak che xukuje' jujun mulk'ab re k'an puak.

Ri Tzijonel 4:1

Xinya' c'u nu wäch chque ri c'axc'olil ri quec'ulmataj cho we uwächulew ri'. Xinwil c'ut chi ri banom c'ax chque quebok'ic, man c'o ta c'u jachin jun cacu'bisan ta qui c'u'x; ri e banal tak c'ax quequicoj tak chuk'ab chque, man c'o ta c'u jachin jun cacu'bisan ta qui cux.

Ri Jeremiy 22:10

Miwok'ej ri ajawinel Josiy, miwok'ej ri u cämical; are chi wok'ej ri Salum ri u c'ojol, ri cäbec man cätzelej ta chi c'u ulok mawi c'u jumul cäril ta chi na ri ulew ri xalax wi. Jewa' cubij ri Ajawaxel che ri cuc'ulmaj na ri Salum, u c'ojol ri Josiy, ajawinel re Juda, ri xcanaj can che u q'uexwäch ri u tat puwi' ri tem re ajawibal, xel c'u bic chupam we c'olbal ri': “Man cätzelej ta chi c'u na ulok,

Juyuwem 1:9

Nojinak ri ratz'iak che ch'uluch'ujil; man xuchomaj taj ri quepe na puwi'. Man cojel taj ri u tzakic ri u rikom; man c'o ta jachin cacu'bisan u c'u'x. ¡Chila la, Ajawaxel, ri nu mach'irisaxic xukuje' ri nimal ri cac'amow ri c'ulel!