Ri Jeremiy 16:6 - Quiché Bible

⁶ Chi nimak chi ch'utik quecäm na chupam we ulew ri'; man c'o ta jun quemukuwic, mawi quebok'enic, mawi cuc'ut ta rib chi c'axc'obinak ta chque cusoc ta ri u cuerp o cutolorisaj taj ri u jolom.

Ri Jeremiy 16:6 Referans Kwoze

U Camulixic ri Pixab 14:1

“Ix ri ix ralc'ual ri Ajawaxel ri i Dios. Misoc iwib, mawi miban tol che ri i jolom chiwäch aretak c'o jachin cäcämic.

Ri Jeremiy 47:5

Ri winak re Gaz caquiban na tol che ri qui jolom, ri winak aj Ascalon quememer na. Q'uisbal qui tz'akatil tak ri ojer tac'atak tak achijab, ¿C'ä jampa' lo ri quebasoc ri a ti'jal che u c'utic ri k'oxomal?

Ri Jeremiy 41:5

xebopan ri e elinak ulok pa Siquem, pa Sil xukuje' Samar e jumuch' (80) achijab, ri qui josom ri quismachi', quijisom ri catz'iak ri qui cuerp e nojinak chque tak socotajic ri kas e are' e banowinak chquibil quib. E qui c'amom c'u ulok sipanic re c'äj xukuje' c'oc' k'ol che u chi'xic che ri Ajawaxel chupam ri rachoch Dios.

Aj Levitib 19:28

Misoc ri i cuerp rumal u bisoxic jun cäminak, mawi mebit'ik etal che ri i cuerp. In ri' ri Ajawaxel.

Ri Jeremiy 48:37

Ronojel jolomaj banom tol che xukuje' ronojel ismachi'aj kopim; conojel e qui banom tak socotajic chque tak ri qui k'ab e quicojom c'u wakwoj tak atz'iak chquij.

Ri Isaiy 22:12

Pa ri k'ij ri' ri Ajawaxel ri c'o ronojel u cuinem, xixusiq'uij che ok'ej che juyuwem, che u banic tol che ri i jolom xukuje' che u cojic wakwoj tak atz'iak chiwij che u c'utic chi quixbisonic.

Apocalipsis 6:15

Ri ajawinelab re ri uwächulew, ri nimak qui k'ij, ri e qui nimal ri ajch'ojab, ri k'inomab, ri c'o qui chuk'ab, conojel ri lok'om tak pataninelab, xukuje' conojel ri e tzokopitalic, conojel xcawaj quib pa tak ri jul xukuje' chquixo'l ri nimak tak abaj ri e c'o pa ri juyub.

Ri Jeremiy 16:4

Quebecäm na cumal xibibalalaj tak yabilal man c'o ta c'u jun quebok'en na mawi c'u quemuk na: quepuni na canok cho tak ri ulew e jacha' ta ne qui mes tak awaj. Ri ch'o'j xukuje' ri wi'jal queq'uisow na tzij paquiwi', we cäminakib tak ri' xa' c'uch quet'ubin na xukuje' juyubal tak awaj.”

Ri Jeremiy 13:13

Are c'u ri at catzelej na u bixic chque: ‘Cächa ri Ajawaxel: Quebenk'abarisaj conojel ri e jekel chupam we ulew ri'; ri ajawinelab ri quet'uyi chupam ri u tem re ajawibal ri David, ri e cojol tabal tok'ob, ri e k'axal tzij xukuje' conojel ri e jekel pa Jerusalen.

Ri Jeremiy 7:29

¡Jerusalen, chakopij ri a wi' ri nimak chaq'uiaka' c'ut! ¡Chabixoj jun bisobalalaj bix paquiwi' ri buc'ubak chaki'j uwo sak! Oyowarinak c'ut ri Ajawaxel cuc' ri e a winak, e u wonobam canok xukuje' e u xutum.

Ri Isaiy 24:2

Je cäban na che ri cojol tabal tok'ob jas ri cäban chque ri winak re ri tinimit, jas ri cäban che ri ajaw je cäban che ri pataninel lok'om achi, jas ri cäban che ri ajawinel ixok je cäban che ri pataninel lok'om ali, jas ri cäban che ri lok'omanel je cäban che ri ajc'ay, jas ri cäban che ri ya'l c'asaj je cäban che ri c'o u c'as, jas ri caban che ri ya'l jalomal je cäban che ri kajanel.

Apocalipsis 20:12

Xebenwil ri cäminakib chi nimak chi ch'utik, ri e tac'atoj chuwäch ri tem re ajawibal. Xejaktaj c'u tak ri wuj. Xukuje' jun wuj chic xjakic, are wa' ri wuj re ri c'aslemal. Xk'at tzij paquiwi' ri cäminakib chquij ri jastak ri qui banom, jas ri e tz'ibatal pa tak ri wuj.

Ri Amos 6:11

Rumal rech chi ri Ajawaxel cuya' takanic chi cäpe ri u c'äjisabal wächaj paquiwi' ri nimak tak ja, xukuje' paquiwi' ri ch'utik, conojel c'ut quebetzeletaj na.

Ri Matey 9:23

Xopan c'u ri Jesus cho rachoch ri achi nim u k'ij; xeril ri e ok'esal tak su' xukuje' tak ri winak ri caquiq'uis quib che ok'ej.

Ucab Tzijobelil 36:17

Ri Ajawaxel xuban c'ut chi xwalij ulok ri cajawinel ri aj caldeyib chquij, xebuk'ok'ej c'ut ri e u c'ojolab chi ch'ich' re ch'o'j kas chupam ri rachoch Dios man xel ta c'u u c'u'x chque ri c'ojolab mawi chque ri k'apojib, chque ri ri'jab mawi chque ri man utz ta cakan qui k'ab. Conojel xebujach ri Ajawaxel pa u k'ab.

Aj Levitib 19:27

Michetij ri i wi', mawi michetij ri u tza'm ri iwismachi'.

Ri Jeremiy 8:2

xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.