Ri Jeremiy 16:4 - Quiché Bible

⁴ Quebecäm na cumal xibibalalaj tak yabilal man c'o ta c'u jun quebok'en na mawi c'u quemuk na: quepuni na canok cho tak ri ulew e jacha' ta ne qui mes tak awaj. Ri ch'o'j xukuje' ri wi'jal queq'uisow na tzij paquiwi', we cäminakib tak ri' xa' c'uch quet'ubin na xukuje' juyubal tak awaj.”

Ri Jeremiy 16:4 Referans Kwoze

Ri Jeremiy 25:33

Ri cuban ri Ajawaxel chi quecäm pa ri k'ij ri', queliq'uibax na canok cho ronojel ri uwächulew. Man c'o ta jun cok'em na qui wäch, man c'o ta jun queyacow na ri cäminakib che qui mukic; queliq'uibax can cho ri ulew jacha' ri mesaj.

Salmib 83:10

ri xsachisax qui wäch pa Endor; ¡ri xebux qui mes awaj!

Ri Jeremiy 9:22

Ri cäminak tak achijab xeliq'ue' canok jacha' ri qui mes tak ri awaj pa tak ri juyub, jacha' ri u jolom trico ri cutzak can ri banal k'atoj ri man c'o ta c'u jun cäsic'owic.” Ri Ajawaxel cajiquiban u bixic.

Ri Soponiy 1:17

Je wa' cächa' ri Ajawaxel: “Quebencoj na ri winak pa aninakil. Quebin c'u na e jacha' ta ne moyab, rumal rech chi xemacun chnuwäch. Ri qui quiq'uel cajamix na jacha' ta ne puc'uc' ulew, ri qui ti'jal camulubax na jacha' ta ne qui mes awaj.”

Ri Jeremiy 34:20

Rumal c'u ri', quinban na chi quekaj pa qui k'ab ri quec'ulelanic ri e cämel, are c'ut ri cäminak tak qui cuerp quebajwataj che qui ti' tak ri c'uch xukuje' chque tak ri juyubal tak awaj.

Ri Jeremiy 7:33

ri qui cuerp tak ri cäminakib quebajwataj na che qui wa ri c'uch xukuje' chque tak ri juyubal tak awaj, man c'o ta c'u jachin ta queyonic.

Ri Isaiy 18:6

Ronojel cäya' na can pa tak ri c'ache'laj chquiwäch tak ri c'uch xukuje' chquiwäch ri juyubal tak awaj. Ri c'uch chila' cäcoc'owisaj wi ri k'alaj, xukuje' conojel ri juyubal tak awaj quec'oji' chila' pa ri sak'ij.”

Ri Ezequiel 5:12

Jun qui roxil ri e a winakil quecäm na rumal yabil ri man cunatajeltaj xukuje' rumal wi'jal chixo'l ix, ri jun qui roxil chic quecämisax na cumal c'ulel ri e c'o chinakaj, are chi c'ut ri jun qui roxil ri canajinak quebenjabuj na pa ri quiejeb quiakik'. Ri in quebenterenej na ruc' jun ch'ich' re ch'o'j pa nu k'ab.

Ri Jeremiy 44:27

Quinchajin c'u na rech are quebentak bic ri c'axc'ol piwi' man c'u e utzilal taj. Conojel ri aj Juda ri e jekel pa Ejipt cachupisax na qui wäch conojel rumal ri ch'o'j, o ri wi'jal.

Ri Jeremiy 36:30

Rumal c'u ri', in, ri Ajawaxel, quinbij chawe, Joasim, ajawinel re Juda, chi ri at man c'o ta awija'lil cäcanaj pa ri u tem re ajawibal ri David. At aretak catcämic man catmuk taj catcanaj chuwäch ri u k'ak'al ri k'ij xukuje' chuwäch ri u tewal ri chak'ab,

Ri Jeremiy 34:17

Je c'u ri', in, ri Ajawaxel, quinbij: Ix man xixniman ta chwe, man c'u xebitzokopila' taj ri e i winakil ri e i cojom che pataninelab; rumal ri', camic in quebentzokopij ri ch'o'j ri cämisanel yabil xukuje' ri wi'jal rech quequiban jun jasach chiwe ri cuya' xibin ib chque conojel ri ajawibal cho ri uwächulew. In, ri Ajawaxel, quinjiquiba' u bixic.

Ri Isaiy 5:25

Rumal ri' ri Ajawaxel xpe royowal che ri u tinimit, xuyac ri u k'ab che u c'äjisaxic u wäch. Ri juyub xebirbobic, ri cäminakib xejiljoxin canok jacha' mes pa tak ri be. Man oc'owinak ta c'u ri royowal ri Ajawaxel ri are' c'ä u takem u cojic xib.

Salmib 78:64

Ri e cojol ri tabal tok'ob xecäm pa u chi' ch'ich' re ch'o'j, man xok'ex ta qui wäch cumal ri e qui malca'nib.

Ucab Ajawinelab 9:10

Are' c'u ri Jezabel, cätijow na cumal tz'i' pa ri juyub re Jezreel, man c'o ta c'u jachin camukuw na.’ ” Xuwi xbitaj wa', ri k'axal tzij xujak ri uchi'ja xanimajic.

Ri Jeremiy 44:12

Quinban na chi ri xecanaj pa Juda ri xukuje' xquiya' qui tzij chi quebeljekel pa Ejipt, chq'uis ta u sachic qui wäch chila'. Conojel kas ruc' ri sibalaj ch'utin c'ä ruc' ri sibalaj nabeal, na, quecäm na rumal ri ch'o'j o ri wi'jal, quebux c'u na c'utbal re c'okonic xukuje' mach'irisam ib, pa jun jasach ri cuya' xibriquil.

U Camulixic ri Pixab 28:26

Aretak catcämic, xa c'uch xukuje' awaj quetijow na ri a ti'jal, man c'o ta c'u jun quexibin na.

Ri Jeremiy 19:7

Chupam we c'olbal ri' quinban na ch'akatak che ri u chomam u banic ri Juda xukuje' ri Jerusalen. Quinban na chi ri e qui c'ulel quech'äcan na paquiwi' quequicämisaj c'ut, e are' c'ut we cäminak tak winak ri' quebajwataj na che qui ti' tak ri c'uch xukuje' che qui ti' ri juyubal tak awaj.

Juyuwem 4:9

Are utz na quech ri xecäm chupam ri ch'o'j chquiwäch ri xecäm rumal wi'jal, rumal rech chi nojimal xecäm wa' aretak xeq'uis tak ri qui wächinic ri ulew.

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.

U Camulixic ri Pixab 28:22

Xukuje' cutak na ulok yabil pawi' ri cacämisanic, nimalaj k'ak', sipoj, k'ak' ri cäjik'isanic, xukuje' yabil puwi' ri a trico, yabil ri cut'ik rib ri man catutzokopij ta c'ä cuq'uis na tzij pawi'.

Ri Jeremiy 21:6

Quebencämisaj na conojel ri winak ri e c'o chupam we tinimit ri'; winak xukuje' awaj quecäm na rumal jun xibibalalaj cämisanelalaj yabil.