Ri Jeremiy 16:16 - Quiché Bible

¹⁶ In, ri Ajawaxel, quinjiquiba' u bixic, quenbana' chi quepe q'ui tak caranelab rech quequicarij ri aj israelib. Quenbana' c'u na chi quepe q'ui tak tzucunelab che quitzucuxic quequesaj c'u ulok pa conojel tak ri c'ache'laj xukuje' paquiwi' tak ri juyub xukuje' c'ä pa tak ri pec ri e c'o xo'l tak ri tzac'atzak tak abaj.

Ri Jeremiy 16:16 Referans Kwoze

Ri Amos 4:2

Ri Dios ri Ajawaxel xuban ri chi'nic ri kas cäban na rumal ri u tastajic: “Quepe tak na k'ij aretak ri ix quixc'am na bic cuc' xocoxak tak räx ch'ich', e are' tak c'ut ri e iwalc'ual quexoquebax na bic paquiwi' tak chapbal tak cär.

Ri Miquey 7:2

Man e c'o ta chic pa ri uwächulew winak ri e suc' mawi ri e jic ta che ri Dios; conojel xak queyem ri jok'otaj che u banic tokinic; quequicoj c'amibal chquibil tak quib.

Nabe Samuel 26:20

Matix ba' ri nu quiq'uel pa ulew chuwäch ri Ajawaxel, ¡ri lal lal elinak ulok che u tzucuxic jun q'uiak, quinterenej la pa wakan paquiwi' tak ri juyub jacha' caban che u ternexic jun sakco'r!”

Chapletajic 10:9

Ri Nimrod are nimalaj tzucunel rumal ri u to'banic ri Ajawaxel. Chi' esam wi ri tzij ri cäbixic: “Junam ruc' ri Nimrod ri xux nimalaj tzucunel rumal ri u rayibal ri Ajawaxel.”

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.

Ri Amos 5:19

Xak junam ruc' ri aretak canimaj jun chuwäch jun coj cupuq'uij c'u rib ruc' jun os, o jacha' aretak jun coc chupam ri rachoch, cutok'ej c'u rib che ri tapia, cacatz c'u rumal jun cumätz.

Nabe Samuel 24:11

Kas chila' la ri c'o pa nu k'ab: ch'akap k'u' la, kas c'u xincuin ta ri' che cämisaxic la, man c'u xcämisax ta c'u la wumal. Ruc' wa' cäcuin la che u ch'obic chi ri in man nu chomam ta u banic jun c'ax che la mawi xak ta c'äte camajix la wumal, mawi c'u ne c'o ta jun mac nu banom ta che la. Quinokataj c'u la che resaxic ri nu c'aslemal.

Ri Isaiy 2:21

Cäquinim na quib pa tak ri pec xe' tak ri tanatak, pa tak ri jul xe' tak ri nimak tak abaj, che u c'u'ic quib chuwäch ri xibibalalaj u wächbal ri Ajawaxel, xukuje' chuwäch ri nimalaj u juluwem, aretak cäwalijic cunojisaj ri uwächulew che xibriquil.

Ri Isaiy 7:19

Conojel c'ut quekaj na puwi' tak ri k'ayes xukuje' pa tak ri jul xo'l tak ri abaj, pa conojel tak ri ulew ri e q'uiyinak wi q'uix xukuje' pa tak ri c'olbal jawije' cäquitij wi qui joron ri wacax.

Ri Jeremiy 4:29

Aretak chequita' ri qui rakoj tak chi'aj ri ajquiejab xukuje' tak ri ajq'uiakal tak ch'ab, conojel ri winak quexiq'uinic quebel bic; quequic'u' quib chupam ri patzapak tak k'ayes o quepaki' paquiwi' tak ri abaj. Conojel tak ri tinimit quewonobax canok; man c'o ta chi jun cajeki' ta chi chquipam.

Ri Jeremiy 6:9

Ri Ajawaxel ri c'o ronojel u cuinem cubij: “Ri aj israelib ri quecanajic quetzucuxic xukuje' quetzuculax na, jacha' ri cäban che qui tzuculaxic tak ri uva chquixo'l tak ri e u k'ab c'ä man c'o ta jun uva cäcanajic.”

Ri Jeremiy 49:5

Chaweyej na, pa ronojel c'olbal quintak ulok xibriquil pawi'. In, ri Ajawaxel, ri Ajawaxel ri c'o ronojel u cuinem quinjiquiba' u bixic chi chijujunal ix quixanimaj na pa apachique c'olbal ri qui riko, man c'o ta c'u jachin jun ri quixmulin ta chic.

Juyuwem 4:18

Xak c'u uj queyem pa kakan; man cujcuin taj cujel ta bic xo'l tak ri be pa ri tinimit. Ri q'uisbal u sachisaxic ka wäch nakaj c'o wi, opaninak ri ka k'ijol; ¡opaninak c'ut ri q'uisbal ka k'ij!

Ri Osey 10:10

Quinc'äjisaj na u wäch we tinimit ri' aretak chinwaj. Quebenmulij na nimak tak tinimit chrij aretak chinc'äjisaj u wäch rumal ri retzelal.

Ri Soponiy 1:12

Pa ri k'ijol ri' quinc'am na jun chäj quintzucun c'u na chupam ri Jerusalen. Quinc'äjisaj c'u na u wäch ri winak ri xak cat'uyic ri man cubisoj taj jacha' ta ne ri u wa'l uva ri xak chemelic, ri cubij c'u chbil rib: ‘¡Ri Ajawaxel man c'o ta jas cubana', mawi utzilal mawi etzelal!’

Juyuwem 4:19

C'o na ri canibal chquiwäch tak ri cot ri querapin cho ri caj ri uj okataninak; cuj qui terenej pa kakan pa tak ri juyub, ¡quequicoj c'amibal chkawäch pa ri chaki'j uwo sak!