Ri Jeremiy 16:13 - Quiché Bible

¹³ Rumal ri' quebenwesaj bic chupam we ulew ri' quec'am bic pa jun ulew ri mawi ri ix mawi ri e i mam e quilom taj, chila' c'u quequipatanij wi na chi pa k'ij chi chak'ab jule' tak diosib chic, man c'u quel ta na nu c'u'x chiwe.’

Ri Jeremiy 16:13 Referans Kwoze

U Camulixic ri Pixab 28:36

Ri Ajawaxel cuban na chi ri at xukuje' ri awajawinel quixc'am na bic pa jun nim tinimit chic ri man aweta'm ta, mawi xquetamaj ri e a mam. Chila' quebapatanij na qui diosib winak e re che', e re abaj,

Ri Jeremiy 15:14

Quenbana' chawe chi catux jun lok'om pataninel chque ri e a c'ulel pa jun ulew ri man a c'oxomam taj, rumal rech chi nicowirinak ri woyowal jacha' jun k'ak' ri cuporoj na.”

Ri Jeremiy 17:4

Cajam na canok ri ulew ri xinya' chawe jacha' che awechbal, quinban c'u na chawe chi catux jun lok'om pataninel chque ri e a c'ulel pa jun ulew ri man e awilom taj, rumal rech chi ri woyowal tzijtajinak jacha' jun k'ak' ri catuporoj na.”

Ucab Tzijobelil 7:20

quixinbok na bic ri ix chupam ri ulew ri nu yo'm chiwe, quinq'uiak na bic ri wachoch chnuwäch ri nu tasom quinban c'u na chi cätzex i wäch amak'el chquixo'l conojel tak ri winak.

Ri Jeremiy 22:28

Ri Jeconiy ¿La jun paxinak mulul ri jisjobinak, jun lak ri man c'o ta jachin cajawinic? ¿Jasche xerokix bic ri are' xukuje' tak ri e u c'ojol pa jun ulew ri man etamatal taj?

Ri Jeremiy 15:4

Quinban na chi conojel ri nimak tak tinimit pa ri uwächulew caquixe'j na quib che ri quenbana' na chque, rumal rech ri u banom ri ajawinel re Juda, ri Manases, ri u c'ojol ri Ezequiy pa Jerusalen.

Ri Jeremiy 14:8

Eyebal u c'u'x ri Israel, ka Colonel pa tak ri c'axalaj tak k'ijol, ¿Jasche cäban ib la chi man lal ta aj tinimit, jacha' jun binel ri xak xuwi ta cacanaj che roc'owisaxic ri ak'ab?

Ri Jeremiy 6:15

¡Cheq'uix ta ba' che qui banic ri jastak ri man queben coch' taj! Man je ta c'u ri' man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, caquichak'ij na quib quetzak c'u na e jacha' ri e jule' chic. In, ri Ajawaxel, quinbij.”

Ri Jeremiy 5:19

Aretak chi qui c'ot achi': ‘¿Jasche ri Ajawaxel ri ka Dios xuban ronojel wa' chke?’, chatzelej u bixic chque: ‘Je' jacha' ri xibano xitzak can ri Ajawaxel xixoc c'u che qui patanixic qui diosib winak re jun ulew chic chupam ri kas rulew, jeri' xukuje' quequipatanij na winak chupam jun ulew ri man quech taj.’ ”

Salmib 81:12

Rumal ri' xinya' be chque chi xquibano jachique kas ri xcaj xquibano are' c'u xquiban ri itzel qui rayibal.

U Camulixic ri Pixab 29:28

xeresaj c'u bic pa ri culew ruc' oyowal, ruc' nimalaj c'anal; xq'uistaj u c'u'x chque, xebuq'uiak bic pa jule' tak ulew chic, jas ri cätajin cäc'ulmataj camic.

Ri Jeremiy 15:1

Ri Ajawaxel xubij chwe: “Pune' ta ne ri Moises rachil ri Samuel quelquitac'aba' ta quib waral, chnuwäch in, man quel ta na nu c'u'x che we tinimit ri'. Chabij chque chi chebel chnuwäch, chi cheboj.

Ri Jeremiy 22:26

Catinrokij na bic ri at xukuje' ri a nan pa jun ulew ri man xril ta ri awalaxic, chila' c'u quixcäm wi na ix quieb.

Ri Jeremiy 10:18

Rumal rech chi cubij ri Ajawaxel: ‘Che we jumul ri' naj quebenq'uiak wi ri e u winakil tak we ulew ri'. Quebencoj pa tak latz', che rilic we ruc' wa' quinquiriko.’

Ri Jeremiy 16:5

Ri Ajawaxel xubij chwe xukuje': “Man catoc ta chupam jun ja ri c'o wi jun cäminak; man cawok'ej ta u wäch mawi cac'ut awib chi at c'axc'obinak ta che, wesam ri nu jamaril che we tinimit ri', ri nu lok'ok'ebal c'uxaj xukuje' ri welebal c'uxaj. In, ri Ajawaxel quinjiquiba' u bixic.