Ri Jeremiy 16:12 - Quiché Bible

¹² Are chi c'u ri ix xoc'ow chi na u wi' ri etzelal ri xebiban chquiwäch ri xequiban ri e i mam, chi jujunal c'ut are i takem ruc' taquil ri itzelalaj u chomanic ri ranima' man c'u e nimaninak ta chwe.

Ri Jeremiy 16:12 Referans Kwoze

Ri Jeremiy 13:10

We itzel tinimit ri' cuk'il rib che qui nimaxic tak ri e nu takanic are c'u u takem ri tacalaj u chomanic ri ranima'. Benak che qui terenexic qui diosib winak, che qui patanixic xukuje' che qui k'ijilaxic. Xak junam ruc' ri pas ri', ri man c'o ta chi u patan.

Ri Jeremiy 7:26

Are c'u ri ix man xixniman ta chwe mawi xiya' ta i xiquin chwe, xane' sibalaj xitacarisaj na iwib chquiwäch ri e i mam.

Ri Jeremiy 9:14

Xquitakej ri tacalaj u chomanic ri canima' xequiya' c'u k'ijilanic chque ri e subunelab, tak diosib, jacha' ri tijonic ri xequiya' ri qui tat chque.

Ri Tzijonel 9:3

Are c'axc'olil wa' pa ronojel ri cäc'ulmataj cho we uwächulew ri': chi conojel xa junam jasach quebeyem conojel. Nojinak c'u ne ri u chomanic ri winak che ri etzelal; ri conil are catakan puwi' ri u chomanic ronojel ri u c'aslemal; ¡chuq'uisbalil c'ut quemukok!

Marcos 7:21

Jeri' rumal rech chi pa canima' ri winak, quebelwilok ri itzel tak chomanic, ri cuc'axic quib cuc' achijab ixokib che qui banic macunic, ri eläk'anic, ri cämisanic,

Ri Jeremiy 7:24

Man c'u xeniman ta chwe mawi xquiya' ta qui xiquin chwe, xane' ruc' taquil xquiya' quib xec'am bic rumal ri itzel u chomanic ri canima'. Che u q'uexwäch ri xetzelej ta wuc', are xquiya' can ri quij chnuwäch.

Nabe Samuel 15:23

Sibalaj cämacun ri man cäniman ta che jacha' ri cuban ch'obonic; cäjunamataj ruc' ri quebuk'ijilaj tak diosib, are je u banic wa' ri man cäniman ta che. Rumal c'u rech chi e apakchi'm ri e u takanic are c'u ri are at u pakchi'm jacha' ajawinel.”

K'atal tak Tzij 2:19

Aretak c'ut cäcäm ri c'amal be, caquixk'olij chi quib jumul, nim na ri etzelal ri cäquibano chuwäch ri xequiban ri e qui tat, quequipatanij, xukuje' quequik'ijilaj jule' tak diosib chic. Man cäquiya' ta can ri itzel tak qui nak'atisabal mawi ri itzel tak qui c'aslemal.

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

2 Timoteo 3:13

E are c'u ri e itzel tak winak, ri e subunelab, quenimataj na, cäquitakej na subunic, e subutajinak c'ut.

Ri Jeremiy 17:9

Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?

Ri Tzijonel 8:12

¡Ri quel wi wa' chi ri cämacunic cutakej c'u macunic sibalaj q'ui junab cac'asi' na! (Ri weta'm cänok in chi ri nim cäquil wi ri Dios xukuje' caquina' quib chuwäch, utz caquitaklebej;

U Camulixic ri Pixab 29:19

We c'u aretak i tom chic ri tzij re we chi'nic ri' ri kas cäban na, we c'u ne c'o jun chiwe ri cuban rib chi sibalaj utz, cuchomaj c'ut, cubij: ‘Ronojel ri quinbano utz quel na, pune' are quinbano jas ri quinwaj.’ Are c'u wa' ri cac'amow ulok ri c'ax paquiwi' conojel.

U Camulixic ri Pixab 9:27

Chenataj ri pataninel tak ech la che la, ri Abraham, ri Isaac xukuje' ri Jacob. Macoj la ri u taquil ri ranima' we tinimit ri' pa ajilabal, mawi ri retzelal xukuje' ri u mac,

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Chapletajic 6:5

Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Ri Jeremiy 18:12

We winak ri' caquibij na chawe: ‘¡Matzak a k'ij! Are cäkatakej na u banic ri cäkaj chkawäch are c'u cäkatakej na ri tacalaj itzel u rayinic ri kanima'.’ ”

Juyuwem 5:7

Ri e ka tat xemacunic, man e c'o ta chi c'ut, uj c'ut ri uj ekaninak ri qui chak'maquil.

Ri Ezequiel 20:30

Chabij che ri tinimit Israel: ‘Are wa' cubij ri Ajawaxel: ¿Jasche quiwaj ix qui tz'iloj iwib je jas ri xquiban ri ojer tak i man? ¿Jasche man jic taj quixbin chnuwäch quebik'ijilaj c'ut ri e diosib ri e xojibal?

Ri Amos 2:4

Jewa' cubij ri Ajawaxel: “Ri e aj Juda e q'ui tak etzelal e qui banom ri man quebenya' ta canok chi ma ta chinc'äjisaj qui wäch; xequixutuj c'ut tak ri e u tijonic ri Ajawaxel man xequimaj ta c'ut ri e qui banic tak ri e u pixab, xane' are' xequik'ijilaj tak ri e junam diosib ri xequik'ijilaj canok ri e qui tat.

Ri Malaquiy 3:7

“Ri ix e i tasom iwib chquij tak ri e nu takanic, jacha' ri u tasic tak quib ri e i mam, man c'u xiwaj taj qui nimaxic. In, ri Ajawaxel ri c'o ronojel u cuinem, quinbij chiwe: ¡Chixtzelej wuc', xukuje' ri in quintzelej iwuc'! Are c'u ri ix je quibij wa': ‘¿Jas ta c'u che cujtzelej na uc' la?’

Ri Jeremiy 22:28

Ri Jeconiy ¿La jun paxinak mulul ri jisjobinak, jun lak ri man c'o ta jachin cajawinic? ¿Jasche xerokix bic ri are' xukuje' tak ri e u c'ojol pa jun ulew ri man etamatal taj?