Ri Jeremiy 16:11 - Quiché Bible

¹¹ At chatzelej u bixic chque: ‘Ri Ajawaxel cujiquiba' u bixic: Wa' cäc'ulmatajic rumal rech chi ri e i mam xinquitzak canok xebe che qui terenexic diosib, che qui ya'ic tak k'ijilanic chque xukuje' che u ya'ic tak qui k'ij; are c'u ri in xinquitzak canok man xequitz'akatisaj ta c'u qui banic tak ri pixbenic ri xebenya' chque.

Ri Jeremiy 16:11 Referans Kwoze

1 Pedro 4:3

Chubana' c'u chiwe ri i chac pa tak ri k'ij ri xeboc'ow canok, aretak xiban ri jastak ri cäquirayij ri man e cojonelab taj. Xiban ronojel ri xiwaj, xiban ronojel ri itzel i rayibal, xixk'abaric, xiban nimalaj mac aretak ximulij iwib che nimak tak wa'im, ximulij iwib che u tijic tzam, xebik'ijilaj tak diosib ri e tz'il.

Ri Ezequiel 11:21

E are' tak c'ut ri quequitakej tak qui banic tak ri xojibal xukuje' ri e itzel tak qui nak'atisabal, quinta' na chque jas ri xquiban pa ri qui c'aslemal. In, ri Ajawaxel quiya' nu tzij.’ ”

Ri Jeremiy 22:9

Caquitzelej c'u na u bixic: ‘Rumal rech chi xquixutuj can ri c'ulwächinic ri xuban ri Ajawaxel, ri qui Dios cuc', xequik'ijilaj xukuje' xequiya' tak k'ijilanic chque ri e jule' tak diosib.’ ”

Ri Jeremiy 8:2

xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.

Nabe Ajawinelab 9:9

Cätzelex c'u na u wäch ri u tzij are xbanowic chi xquixutuj can ri Ajawaxel ri qui Dios, ri xebesan ulok ri e qui mam pa Ejipt, rumal c'u rech chi are xbe qui c'u'x che qui k'ijilaxic xukuje' che qui patanixic jule' tak diosib chic; rumal c'u ri' ri Ajawaxel xubano chi xpe we nimalaj etzelal ri' paquiwi'.”

Ri Jeremiy 9:14

Xquitakej ri tacalaj u chomanic ri canima' xequiya' c'u k'ijilanic chque ri e subunelab, tak diosib, jacha' ri tijonic ri xequiya' ri qui tat chque.

Ri Jeremiy 2:8

Ri e cojol tabal tok'ob man xinquitzucuj taj, ri e ya' tak qui no'j ri nu tinimit man xquich'ob ta nu wäch, ri e c'amal tak be xquiwalijisala' tak quib chwij, e are chi c'ut ri e k'axal nu tzij xech'aw pa u bi' ri Baal xukuje' xequiterenej tak ri diosib ri man c'o ta qui patan.”

Ucab Tzijobelil 7:22

Catzelex c'u na u bixic u mac rech chi xquitzak canok ri Ajawaxel, ri qui Dios ri e qui mam, ri xebesan ulok pa Ejipt, xukuje' u mac rech chi are xbe canima' che qui k'ijilaxic xukuje' che qui patanixic tak diosib chic; rumal c'u ri' xubano chi xpe jun nimalaj u q'ueyowal paquiwi'.”

Ri Amos 2:4

Jewa' cubij ri Ajawaxel: “Ri e aj Juda e q'ui tak etzelal e qui banom ri man quebenya' ta canok chi ma ta chinc'äjisaj qui wäch; xequixutuj c'ut tak ri e u tijonic ri Ajawaxel man xequimaj ta c'ut ri e qui banic tak ri e u pixab, xane' are' xequik'ijilaj tak ri e junam diosib ri xequik'ijilaj canok ri e qui tat.

Ri Malaquiy 3:7

“Ri ix e i tasom iwib chquij tak ri e nu takanic, jacha' ri u tasic tak quib ri e i mam, man c'u xiwaj taj qui nimaxic. In, ri Ajawaxel ri c'o ronojel u cuinem, quinbij chiwe: ¡Chixtzelej wuc', xukuje' ri in quintzelej iwuc'! Are c'u ri ix je quibij wa': ‘¿Jas ta c'u che cujtzelej na uc' la?’

K'atal tak Tzij 2:11

E are tak c'ut ri e qui banoj ri aj israelib e itzel xeril ri Ajawaxel, xquichaplej c'ut qui k'ijilaxic ri e jalan tak u wächbal ri Baal.

Ri Jeremiy 13:22

We c'u cäc'ot a chi' jasche je cac'ulmaj wa', rajawaxic cawetamaj chi qui mac quech ri c'axalaj tak a mac; ¡rumal ri' at sanabam banom c'u c'ax chawe!

Ri Jeremiy 44:3

qui mac quech tak ri etzelal ri xequibano, xinquic'axc'obisaj c'ut xequik'ijilaj jule' tak diosib xequichi'j c'u c'oc' k'ol chquiwäch; mawi ri e are' mawi ri ix mawi ri e i mam c'o ta xupatanij chque.

Juyuwem 5:7

Ri e ka tat xemacunic, man e c'o ta chi c'ut, uj c'ut ri uj ekaninak ri qui chak'maquil.