Ri Jeremiy 15:9 - Quiché Bible

⁹ Ri nanaxelab ri e c'o q'ui cal cäpe canima', cäbe ri cuxlab; elinak qui q'uixbal e mach'ital c'ut, ri u sakil ri k'ij cux k'ekumalil chque. We e c'o jujun quec'asi' canok, quinban na chi quecämisax cumal tak ri e qui c'ulel. In, ri Ajawaxel, quinya' nu tzij.”

Ri Jeremiy 15:9 Referans Kwoze

Nabe Samuel 2:5

Ri sibalaj oc'owinak ulok u wi' ri cäquitijo, camic cäquiya' quib pa moquic xa rumal u rikic juba' wa; e are' c'ut ri c'o quinumic, man quenum ta chic. Ri ixok ri man cäcuin taj quec'oji' ral, wukub mul alc'ualinak chic; are c'u ri sibalaj calc'ualanic, camic xa jumul xyututiric.

Ri Isaiy 47:9

Man c'o ta c'u canabej, xa pa jun k'ij quepe na we quiäkasakil ri' pawi': catcanaj na malca'n ixok, xukuje' man e c'o ta chi awal, pune' c'u quebaban q'ui k'ijinic xukuje' quebaban jalan tak qui wäch subunic.

Juyuwem 1:1

¡Sibalaj xtolobax canok ri tinimit ri nojinak can chque winak nabe! ¡U wächbal malca'n canajinak wi ri nimalaj tinimit ri qui chuch tak ri tinimit! ¡Cojom chuk'ab che, che qui banic tak chac ri man carajtaj cubano: ri mialaxel que tak ajawibal!

Ri Ezequiel 5:12

Jun qui roxil ri e a winakil quecäm na rumal yabil ri man cunatajeltaj xukuje' rumal wi'jal chixo'l ix, ri jun qui roxil chic quecämisax na cumal c'ulel ri e c'o chinakaj, are chi c'ut ri jun qui roxil ri canajinak quebenjabuj na pa ri quiejeb quiakik'. Ri in quebenterenej na ruc' jun ch'ich' re ch'o'j pa nu k'ab.

Juyuwem 4:10

Cuc' tak ri kas qui k'ab, ixokib ri ch'uch'uj canima' xequitzacala' tak ri cal; ri kas e cal xebajwataj che qui wa cuq'uia' aretak xsach u wäch ri u chuch ri nu tinimit.

Ri Jeremiy 44:27

Quinchajin c'u na rech are quebentak bic ri c'axc'ol piwi' man c'u e utzilal taj. Conojel ri aj Juda ri e jekel pa Ejipt cachupisax na qui wäch conojel rumal ri ch'o'j, o ri wi'jal.

Ri Jeremiy 21:7

Chwi chi c'u wa' quinjach na ri Sedequiy, ajawinel re Juda, pa u k'ab ri Nabucodonosor xukuje' pa qui k'ab ri jule' tak e u c'ulel chic ri e cämel, ri e rachil ri e rach k'atal tak tzij xukuje' ri ajch'ojab xukuje' ri winak ri xec'asi' can pa ri tinimit aretak oc'owinak chic ri cämisanel yabil, ri ch'o'j xukuje' ri wi'jal. In quinban na chi quecämisax rumal u pa u chi' ch'ich' re ch'o'j, ri man ruc' ta elebal c'uxaj mawi tok'obisam wächaj, In, ri Ajawaxel, quinjiquiba' u bixic.

Ri Jeremiy 6:4

Ri e qui c'ulel caquibij: “¡Chisuc'umaj iwib che u banic ch'o'j ruc'! ¡Tisaj, chujch'ojin ruc' pa tiq'uil k'ij! ¡Sibalaj c'u tok'ob ka wäch!, benak chic ri k'ij, ri nanoch' e yukyubinak.

Ri Jeremiy 7:19

C'o c'u na ri c'axc'obisanic ri caquiban chquibil tak quib, chuwäch ri kas c'axc'obisanic ri caquiban chwe in, che ri kas qui q'uixbal. In, ri Ajawaxel, quinjiquiba' u bixic.

Ri Jeremiy 19:7

Chupam we c'olbal ri' quinban na ch'akatak che ri u chomam u banic ri Juda xukuje' ri Jerusalen. Quinban na chi ri e qui c'ulel quech'äcan na paquiwi' quequicämisaj c'ut, e are' c'ut we cäminak tak winak ri' quebajwataj na che qui ti' tak ri c'uch xukuje' che qui ti' ri juyubal tak awaj.

Ri Jeremiy 50:12

Are c'u ri iwulew xukuje' ri kas i tinimit canoj na canok che q'uixbal. Are q'uisbal wa' chque ri nimak tak tinimit, cux jun chaki'j uwo sak ri tolonic.

Ri Ezequiel 5:13

Quinkasaj c'u na ri woyowal, quinwesaj na ri woyowal paquiwi', quinjamar c'u na. Aretak c'u kastajinak chic ri woyowal paquiwi', cäquetamaj c'u na chi in ri Ajawaxel are' ri xyo'w u bixic chquipam ri e rachixomanic.