Ri Jeremiy 15:5 - Quiché Bible

⁵ ¿Jachin ta lo ri quel ta na u c'u'x chawe, Jerusalen? ¿Jachin ta lo ri cätok'obisan ta na a wäch? ¿Jachin ta lo ri coc ta na il che ri rutzil a wäch?

Ri Jeremiy 15:5 Referans Kwoze

Ri Isaiy 51:19

We quieb c'axc'ol ri' xepe pawi': ri a tinimit xyojixic xukuje' xeläk'ax bic ri c'o chupam, ri e a winak xecäm rumal ri wi'jal xukuje' rumal ri ch'o'j. ¿Jachin ta ri cätok'obisan a wäch? ¿Jachin ta ri cäcu'bisan a c'u'x?

Ri Nahum 3:7

Conojel ri catilowic quebanimaj na chawäch, je caquibij wa': ‘¡Ri Ninibe yojyobitisam chic! ¿Jachin ta lo ri quel ta u c'u'x che? ¿Jawije' ta lo cäriktaj wi jachin taj ri cacu'bisan ta u c'u'x?’

Ri Jeremiy 21:7

Chwi chi c'u wa' quinjach na ri Sedequiy, ajawinel re Juda, pa u k'ab ri Nabucodonosor xukuje' pa qui k'ab ri jule' tak e u c'ulel chic ri e cämel, ri e rachil ri e rach k'atal tak tzij xukuje' ri ajch'ojab xukuje' ri winak ri xec'asi' can pa ri tinimit aretak oc'owinak chic ri cämisanel yabil, ri ch'o'j xukuje' ri wi'jal. In quinban na chi quecämisax rumal u pa u chi' ch'ich' re ch'o'j, ri man ruc' ta elebal c'uxaj mawi tok'obisam wächaj, In, ri Ajawaxel, quinjiquiba' u bixic.

Salmib 69:20

Ri yok'obal qui t'okopim ri wanima', ¡in chukchubinak chic man c'o ta chi nu chuk'ab! Xak lok' nu tzucum jachin ta ri cucu'bisaj nu c'u'x xukuje' quel ta u c'u'x chwe.

Ri Jeremiy 16:5

Ri Ajawaxel xubij chwe xukuje': “Man catoc ta chupam jun ja ri c'o wi jun cäminak; man cawok'ej ta u wäch mawi cac'ut awib chi at c'axc'obinak ta che, wesam ri nu jamaril che we tinimit ri', ri nu lok'ok'ebal c'uxaj xukuje' ri welebal c'uxaj. In, ri Ajawaxel quinjiquiba' u bixic.

Ri Jeremiy 13:14

Quebenpaxij c'u na e jacha' k'ebal, ri jun cupak'ij na rib ruc' ri jun chic, tataxelab xukuje' c'ojolaxelab xak quejunamatajic. Man quel ta c'u na nu c'u'x chque; quinsachisaj na qui wäch man ruc' ta elebal c'uxaj xukuje' man ruc' ta tok'obisam wächaj. In, ri Ajawaxel, quinjiquiba' u bixic.’ ”

Ri Job 19:21

Chel i c'u'x chwe, ix ri ix wachil, rumal rech chi ri Dios u kasan ri u k'ab panuwi'.

Nabe Samuel 17:22

Ri David xebujach can ri jastak ri e ruc'am ulok pu k'ab ri chajil que ri jastak quech ri ajch'ojab, caxiq'uinic xbec xunima' rib chquixo'l ri ajch'ojab che u ta'ic chque ri ratz jacha' e c'olic.

Nabe Samuel 10:4

Cäquiya' na rutzil awach, cäquichi'j na quieb caxlanwa chawe. Chebac'ama'.

K'atal tak Tzij 18:15

E are' c'u ri job achijab ri xepe can che rilic ri ulew xquitas quib chque ri niq'uiaj chic, xebe cho rachoch ri ala ri aj levi, ri u bixic cho rachoch ri Micaiy, xquiya' c'u rutzil u wäch.

Elem 18:7

Ri Moises xel ulok che u c'ulaxic ri u ji'. Xumej rib chuwäch, xutz'umaj; aretak quiya'lom chic rutzil qui wäch, xeboc pa ri lic'om rachoch.

Juyuwem 1:17

Ri Sion culic' ri u k'ab che u tz'onoxic tok'ob, man c'o ta c'u jachin cacu'bisan ta u c'u'x. Ri Ajawaxel u yo'm takanic chi cäsutix rij ri Jacob cumal tak ri e qui banom qui c'ulel che; ri Jerusalen chque e are' jun jasach ri quetzelex u wäch.