Ri Jeremiy 15:4 - Quiché Bible

⁴ Quinban na chi conojel ri nimak tak tinimit pa ri uwächulew caquixe'j na quib che ri quenbana' na chque, rumal rech ri u banom ri ajawinel re Juda, ri Manases, ri u c'ojol ri Ezequiy pa Jerusalen.

Ri Jeremiy 15:4 Referans Kwoze

Ri Jeremiy 24:9

Quinban na chque chi quebux jun jasach ri caquiya' xibin ib chque conojel ri nimak tak tinimit ri e c'o cho ri uwächulew, quebux c'u na jun c'utbal re mach'ibal ib, etzelam wächaj xukuje' c'okonic chquiwäch conojel tak ri ulew ri queben jabuj wi na.

Ri Jeremiy 29:18

Quebenc'axc'obisaj ruc' ch'o'j, wi'jal xukuje' cämisanel yabil. Quinban na chi conojel ri nimak tak tinimit ri e c'o cho ri uwächulew cäquetzelaj na qui wäch aretak quequilo, quinban c'u na chque chi' quebux na elesabal tak no'j re c'okonic xukuje' re q'uixbal, pa jun jasach ri cuya' tze'bal xukuje' xe'n ib pa conojel ri nimak tak tinimit ri e nu jabum tak wi.

Ri Ezequiel 23:46

Are wa' cubij ri Ajawaxel: “Chumulij rib ronojel ri tinimit chquij, chubana' chque chi chquixe'j quib chebeläk'ax bic.

U Camulixic ri Pixab 28:25

xukuje' catxak'alex na cumal ri e a c'ulel. Sibalaj utz u cholajixic awib cabano aretak catbe chquij ri a c'ulel che u banic ch'o'j cuc', catanimaj c'u na chquiwäch, at yojyobinak catjabutaj c'u na pa conojel ri ajawibal ri e c'o cho ri uwächulew.

Ri Jeremiy 34:17

Je c'u ri', in, ri Ajawaxel, quinbij: Ix man xixniman ta chwe, man c'u xebitzokopila' taj ri e i winakil ri e i cojom che pataninelab; rumal ri', camic in quebentzokopij ri ch'o'j ri cämisanel yabil xukuje' ri wi'jal rech quequiban jun jasach chiwe ri cuya' xibin ib chque conojel ri ajawibal cho ri uwächulew. In, ri Ajawaxel, quinjiquiba' u bixic.

Ucab Ajawinelab 21:2

Ri e u banoj man e utz ta xeril ri Ajawaxel, are xebuban ri itzel tak qui nak'atisabal ri winak ri xeburokij bic ri Ajawaxel chquiwäch ri aj israelib:

Aj Levitib 26:33

Are c'u ri ix quinxinjabuj na chquixo'l ri nimak tak tinimit, quintak c'u na bic ch'o'j chiwij; cujalwächij na can jun chaki'j uwo sak ri iwulew, quetz'ini can ri i tinimit tak.

Juyuwem 1:8

Ri Jerusalen sibalaj nim ri macaj ri u banom u banom c'ut chi xyataj che chi etzelam u wäch. Ri xeyo'w tak u k'ij nabe, camic caquetzelaj u wäch rumal rech chi quilom ri u ch'analiquil. Rumal ri' cätajin cok'ic, elinak u q'uixbal are cuya' ri uwo rachak.

Ri Jeremiy 9:16

Quebenjabuj chquixo'l ri nimak tak tinimit ri mawi ri e are' mawi ri e qui tat xquetamaj ta qui wäch; quinban na chi quebokatax ruc' ch'ich' re ch'o'j pa k'abaj, c'ä man c'o ta jun cacanaj ta canok.”

U Camulixic ri Pixab 28:64

Ri Ajawaxel catujabuj na pa conojel ri nimak tak tinimit, pa ronojel ri uwächulew, chila' c'ut quebak'ijilaj wi na jule' tak diosib chic, ri xa e re che', e re abaj, ri mawi ri at, mawi ne ri e a mam xquetamaj ta qui wäch.

Ucab Ajawinelab 21:1

Cablajuj (12) u junab ri Manases aretak xuchaplej ajawinic, cawinak olajuj (55) junab c'ut xajawin pa Jerusalen. Hepsib u bi' ri u nan.

Ucab Tzijobelil 33:1

Cablajuj (12) u junab ri Manases aretak xuchaplej ajawinic, cawinak olajuj (55) junab c'ut xajawin pa Jerusalen.

Ucab Tzijobelil 33:2

E are tak c'ut ri e u banoj e lawalo chuwäch ri Ajawaxel, e are xebuchacuj tak re ri e junam tak quetzelal ri nimak tak tinimit ri xeburokij bic ri Ajawaxel chquiwäch tak ri aj israelib:

Ri Ezequiel 18:19

Ri ix quiban na we c'otoj chi'aj ri', qui bij na: ‘¿Jasche man quebukajbejtaj ri c'ojolaxel ri e u mac ri u tat?’ Rumal rech chi ri c'ojolaxel are xuban ri colomal xukuje' ri suq'uilal, xebutz'akatisaj c'ut xukuje' xebuban ronojel ri caquibij tak ri nu pixab: rumal ri' kastzij cutakej c'aslemal.

Ucab Ajawinelab 21:15

Rumal rech chi man e utz taj ri qui banoj ri quequiban chnuwäch, quiyacom c'u ulok woyomal kas pa ri k'ij ri xebel ulok ri e qui mam pa Ejipt c'ä camic.”