Ri Jeremiy 14:2 - Quiché Bible

² “Ri Juda cok'ic rumal bis, ri u tinimit tak e c'o chupam ri rikoj c'ax, ri winak e liq'uiloj chotak ri ulew. Ri Jerusalen curakakej u chi' rumal ri k'oxomal.

Ri Jeremiy 14:2 Referans Kwoze

Ri Isaiy 3:26

Ri winak pa ri tinimit quebok' na, cäquicoj na atz'iak re bis, queya' na can qui tuquel.

Ri Jeremiy 8:21

Quinrik c'ax ruc' ri u rikoj c'ax ri nu tinimit; ri bis xukuje' ri xibin ib in ch'äcatajinak cumal.

Nabe Samuel 5:12

Ri qui rakoj chi'aj conojel ri winak xopan c'ä chicaj, e aretak c'ut ri man xecäm taj, nojinak ri qui cuerp chque tak sipoj.

Ri Zacariy 7:13

xubij c'ut: “Jacha' c'ut ri xquiban ri e are man xcaj taj xinquitatabej aretak quebensiq'uij, xukuje' c'u quinban in man quebentatabej taj aretak ri e are caquitz'onoj tok'ob chwe.

Ri Jeremiy 11:11

Rumal c'u ri', quinc'am na ulok jun nimalaj c'axc'ol paquiwi' ri man quecuintaj caquesaj ta quib chupam. Pune' ta sibalaj caquirak qui chi' che u tz'onoxic chwe chi quebento', man quebentatabej taj. In, ri Ajawaxel, quinjiquiba' u bixic.

Ri Joel 2:6

Ri winak quebirbitic aretak quequilo, conojel tak c'ut ri palajaj quesakperic.

Ri Joel 1:10

Ri e ticonijibal e tolonic; ri ulew e c'o pa bis. Ri trico sachinak u wäch, ri ticbal tak uva e chaki'jarinak xukuje' tak ri qui che'al tak aseitun e yututurinak.

Ri Osey 4:3

Rumal ri', cabisbob na ri ulew; quetuktub c'ut ri e jekel chupam; junam cuc' tak ri juyubal tak awaj xukuje' tak ri chicop ri e c'o qui xic' quecäm, xukuje' tak ri cär ri e c'o chupam ri plo.

Juyuwem 5:10

Ri ka tz'umal canicowic jacha' jun jorno, rumal ri nimalaj k'ak' ri cuya' ri wi'jal chke.

Juyuwem 2:9

Ri tinimit man e c'o ta chi tz'apibal u chi' mawi e c'opibal tak rech: ¡Xepak'ix tak canok xepobax can tak cho ri ulew! Ri rajawinel xukuje' ri e u k'atal tak tzij e c'o chquixo'l tak ri e k'ijilal tak diosib; man c'o ta chic ri u pixab ri Dios. ¡Mawi ta ne tak ri k'axal tak u tzij quequil ta chic c'utwächinic ri cuya' ta ri Ajawaxel chque!

Ri Jeremiy 18:22

Xak c'ätetal chetaka' la ulok paquiwi' juk'at eläk'omab; ¡chetataj tak ri qui rakoj tak chi'aj re xibriquil! Xquic'ot c'u jun jul rech quintzak chupam, xequicoj c'amibal pa ri nu be.

Ri Jeremiy 12:4

¿C'ä jampa' cutakej chaki'jaric ri ulew quechaki'jar c'ut ri' ri k'ayes ri c'o pa tak ri juyub? Ri awaj xukuje' tak ri chicop ri e c'o qui xic' cätajin quecämic u mac quech ri quetzelal ri e u winakil cho ri ulew, are c'u pa qui c'u'x chi man cäil ta la ri caquibano.

Ri Jeremiy 4:28

Ri ulew cänoj na che bis xukuje' ri caj cak'ekar na ri u wäch. In ch'awinak, man quinq'uex ta c'u nu tzij; xa' jumul nu bim man quintzelej ta c'u wib chwij.

Ri Isaiy 33:9

Ri ulew u cojom k'ek' atz'iak, cabison c'ut, ri Libano bach'uyirinak elinak u q'uixbal, ri beya' aj Saron uxinak jun chaki'j uwo sak, ri Basan xukuje' ri juyub Carmel e toltobinak.

Ri Isaiy 24:7

Ri u wa'l uva man kas ta cäriktaj ta chic, ri uva ri e tiquitoj cäquirik ul, ri quequicot nabe, sibalaj quebison chic.

Ri Isaiy 24:4

Ri ulew cächaki'jar na, cäbuyukar na, ri uwächulew cäwoc'oq'uir na, cäbach'uyar na, ri caj ulew quenoj na che bis.

Ri Isaiy 15:5

Ri wanima' cutz'onoj chi quet'oy ri aj Moab ri winak quebanimajic, quebe c'ä pa Zoar, c'ä pa Eglat-selisiy. Quebok'ic quepaki' cho ri tac'atic juyub re Luhit pa ri be re Horonaim cäquirak qui chi' rumal ri c'axc'ol ri cätajin cäquiriko.

Ri Isaiy 5:7

Ri ticbal u uva ri Ajawaxel ri c'o ronojel u cuinem ri u tico'n ri sibalaj lok' chuwäch, are ri rulew ri Israel, u tinimit ri Juda. Ri Ajawaxel reye'm chi queniman che ri u pixab, xuwi c'u cämisanic curik cuc' reye'm suq'uilal, xuwi c'u cuta' rakoj tak chi'aj re k'oxom.

Ri Job 34:28

Xquibano chi ri qui rakoj tak chi'aj ri mebayib ri e c'o chupam ri c'ax xebopan c'ä chuwäch ri Dios, xetatabex c'u rumal.

Nabe Samuel 9:16

“Je jok'otaj wa' chwek, quintak na ulok jun achi aj Benjamin awuc', ri catas na che u k'atal tzij ri nu tinimit Israel. Are' quesan na pa qui k'ab ri aj pilisteyib, elinak nu c'u'x che ri nu tinimit aretak e opaninak tak ri qui ch'abal chnuwäch.”

Elem 2:24

Xoc c'u il che ri qui ch'ach'atem, xnataj ri c'ulwächinic ri u banom ruc' ri Abraham, ri Isaac, xukuje' ri Jacob.

Salmib 144:14

Ri e ka wacax ri e c'o chi qui tu' mawi jumul quetzakanic. Man e c'o ta rakoj tak chi'j re cojol tak xib.

Ri Isaiy 24:11

Ri winak quebok' pa tak ri be che u tzucuxic u wa'l uva ronojel ri quicotemal chupinak, man quinrik ta jun c'olbal ri quinc'oji' ta wi cho ri uwächulew.

Ri Jeremiy 12:11

Xquiban can chaki'j uwo sak che xukuje' xquitoloba' canok, quinwil c'ut in chi carok'ebej rib. Ronojel ri ulew uxinak chaki'j uwo sak, man c'o ta c'u jun coc ta il che.

Ri Jeremiy 46:12

Ri nimak tak tinimit queta'm chic chi at mach'irisam chic, pa ronojel c'ut ri uwächulew cätatajic chi carak a chi'; caquipuq'uila' tak quib ri ajch'ojab, junam c'ut queliq'ui' can cho tak ri ulew.”

Juyuwem 2:8

Ri Ajawaxel xuya' u tzij chi quet'akix ri e u tapia ri je'licalaj Sion. Xusuc'uba' ri chomanic che ri yojyobisanic xutz'akatisaj c'u u banic man xuxlan taj. Tapia tak xukuje' nimak tak tapia xebuya' pa bis, xak c'ätel xewilijic.

Ri Hajey 1:11

In ri xinc'amow ulok ri sak'ij paquiwi' tak ri ulew xukuje' paquiwi' tak ri juyub, puwi' ri trico, paquiwi' tak ri juwi' tak uva xukuje' paquiwi' tak ri juwi' tak aseitun, paquiwi' tak ri qui wächinic ri ulew, paquiwi' ri achijab xukuje' paquiwi' ri awaj, xukuje' paquiwi' conojel tak ri chac.”

Ri Joel 1:11

Ix, ri quixchacun pa tak ri ulew re ticonijibal xukuje' pa ticbal tak uva, chixok'ok ix nojinak che bis, xsach c'u qui wäch tak ri tico'n xukuje' tak ri trico ri ticom xukuje' tak ri sebad.

Ri Joel 1:14

Chisiq'uij ri tinimit co c'u chiraka' i chi' che u bixic chi chyok ib pa numic; chebimulij chupam ri rachoch ri Ajawaxel ri nimak tak tatayib xukuje' conojel ri winak ri e c'o pa ri ulew, chisiq'uij ri Ajawaxel.