Ri Jeremiy 13:9 - Quiché Bible

⁹ xubij c'u chwe: “Kas jewa' quinban na che u sachisaxic u wäch ri nimal ri cac'amow ri Juda xukuje' ri Jerusalen.

Ri Jeremiy 13:9 Referans Kwoze

Aj Levitib 26:19

Quinban na ch'akatak che ri nimal ri quixc'amowic; quinbano chi ri caj ri c'o piwi', man cajabin ta chic, xukuje' ri iwulew man cuya' ta chic ri u wächinic.

Ri Soponiy 3:11

Pa ri k'ijol ri', nu tinimit, man catnoj ta chi na che q'uixbal che ta jun chque tak ri banoj ri xebac'ululebej wech, quebenwesaj c'u na chawe ri nimarisabal tak ib xukuje' ri banoj tak nimal, mawi chi c'u jumul quebac'ut ta chi na ri qui banic nimal chupam ri tastalicalaj nu juyub.

Ri Isaiy 23:9

Ri Ajawaxel ri c'o ronojel u cuinem xyo'w u bixic che u kasexic u k'ij ronojel banoj nimal, queya' c'u can cho ri ulew conojel ri nimak qui k'ij ri e c'o cho ri uwächulew.

E C'ambal tak Tzij 16:18

Chrij ri nimal, cäpe ri tzakmajic; chrij ri nimarisan ib, ri tzakic.

1 Pedro 5:5

Xukuje' ri ix ri c'ä ix ac'alab k'apoj, c'ojolab, chiya' iwib pa takic chque ri quetakan pa ri comon cojonelab. Iwonojel chipatanila' iwib, minimarisaj iwib. Rumal rech chi cubij: “Ri Dios quebuc'ulelaj ri winak ri nimak cäquina' quib, cuban c'u tok'ob chque ri e mach'amoj.”

Santiago 4:6

Are c'u ri Dios cuban jun tok'ob ri sibalaj nim na. Rumal ri' cubij ri Tz'ibatalic: “Ri Dios cuk'atij qui wäch ri winak ri cäquinimarisaj quib; chque c'u ri e mach'alic cuya' tok'ob.”

Ri Lucax 18:14

Quinbij chiwe chi ri tok'il alcabal, aretak xel bic xbe cho rachoch, are' k'alajisam chic chi suc' chuwäch ri Dios. Man je ta wa' ri jun chic, ri pariseyib. Conojel c'u ri cäquinimarisaj quib, ri e are' cäkasax na qui k'ij. Apachin c'u ri man cunimarisaj ta rib, are ri' cänimarisax na u k'ij.”

Ri Nahum 2:2

Rumal rech chi ri Ajawaxel cutzelej chi na jumul ri nimarisabal rib ri Jacob, ri nimarisabal rib ri Israel, jacha' ri u banom nabe aretak xtolobaxic xya' c'u canok jacha' juwi' uva ri man e c'o ta chi u k'ab.

Ri Ezequiel 16:56

Are c'u ri at man xatanaba' ta u yok'ic ri a chak' Sodom chi xc'äjisax u wäch, aretak xana' awib chi sibalaj nim a k'ij

Ri Ezequiel 16:50

Xebux banal tak nimal xequiban c'u jastak ri e itzel quebenwilo; rumal ri' xinsachisaj qui wäch, jacha' ri awilom.

Ri Jeremiy 48:29

Keta'm ri nimalaj nimal ri cac'amow ri Moab: chi man c'o ta jun jacha' ri are man cakaj ta jubik.

Ri Isaiy 16:6

Keta'm ri nimalaj nimal ri cuban ri Moab, cuban rib chi man c'o ta chi jun jas ri are', cunimarisaj rib, man cäkaj ta jubik' ri rij u wi', xukuje' conojel tak ri tzij ri cubij man c'o ta qui patan.

Ri Jeremiy 13:8

Are' c'u ri Ajawaxel xinuch'abej chi jumul,

Ri Jeremiy 25:18

Xinya' che ri Jerusalen rech caruq'uiaj xukuje' chque ri tinimit tak re Juda, junam cuc' tak ri cajawinelab xukuje' ri c'amal tak be, che u sachisaxic qui wäch xukuje' che qui yojixic canok, ri cuya' xibriquil xukuje' xe'n ib, che u ya'ic c'utbal re c'okonic ri c'ä e takeninak camic.