Ri Jeremiy 13:25 - Quiché Bible

²⁵ Are wa' ri cataklebej na, Israel, are wa' ri takalic ri quinban na chawe. In, ri Ajawaxel quinjiquiba' u bixic. Xinasach c'u pa a jolom xajiquiba' c'u a c'u'x chquij ri subunelab tak diosib ri man c'o ta qui patan.

Ri Jeremiy 13:25 Referans Kwoze

Ri Job 20:29

Are wa' ri taklebenic ri cuya' na ri Dios che ri lawalo; are' rechbal wa' ri suc'umam che.”

Ri Matey 24:51

Ri rajaw cuc'äjisaj c'u na u wäch, cuya' na ri re cuc' ri xa' quieb qui wäch. Quebok' chila', cäquikuch'uch'ej ri qui ware.”

Ri Jeremiy 2:32

¿La cuya' puch jun ixok quesach pa u jolom ri e u mulk'ab ri u witak u xiquin xukuje' tak ri e wikbal tak rib re ri u c'ulanem? Man je ta c'u u banom ri nu tinimit, sibalaj ojer chi ri' in sachinak pa u jolom.

Salmib 11:6

Ri Ajawaxel cujabij na paquiwi' ri e banal tak lawaloyil rachak k'ak', k'ak' xukuje' asubre, cuc'am na ulok jun quiakik' ri cuporoj ronojel. ¡Ri Ajawaxel cuya' na ri takal chque!

Salmib 9:17

Ri e banal etzelal, xukuje' ri quequik'ijilaj diosib, ri cäsach ri Dios pa qui jolom, caq'uis na tzij paquiwi' chupam ri ajawibal rech ri cämical;

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

Ri Jeremiy 10:14

Man c'o ta u no'j xukuje' man c'o ta retamanic ronojel winak. Ri e diosib quequisub ri quebanowic: e subunelab tak wächbalil man c'o ta c'u qui c'aslemal;

Ri Jeremiy 2:13

Ri nu tinimit quieb u wäch ri mac u banom: in u q'uiakom canok in, u q'uiyibal c'aslic ja', xequic'ot c'ut ri kas e qui c'ua', c'ua' tak ri e xarxobinak ri man quequic'ol ta ri ja'.”

Ri Isaiy 28:15

Ri ix quibij: “Ka banom jun c'ulwächinic ruc' ri cämical, ka banom ka tzij ruc' ri quebajawin wi ri cäminakib rech aretak cäpe ri nimalaj c'ax pakawi', man cujurik taj ka tzucum ka panibal chupam ri banoj tzij, ka tzucum to'bal kib chupam ri subunic.”

Ri Isaiy 17:4

Pa ri k'ij ri' ri Samar ri nimarisabal rib ri Jacob, man c'o ta chi u chuk'ab cäcanaj na, ri u k'inomal cäsach na u wäch.

Romanos 1:25

Xquiq'uex ri sakalaj tzij re ri Dios che u q'uexwäch ri banoj tzij. Xquinimarisaj qui k'ij ri jastak ri xeban rumal ri Dios, xequik'ijilaj c'ut. Man xquik'ijilaj ta c'u ri kas Dios ri winakirisanel, mawi xquipatanij. Ri Dios c'ut are takal che chi cänimarisax u k'ij amak'el chbe k'ij sak. Je chbanok.

Ri Isaiy 34:17

Chqui jujunal u c'utum ri u c'olbal ri cac'oji' wi, ruc' ri u k'ab u c'utum ri u jekelibal, chila' c'u quec'oji' wi na amak'el chbe k'ij sak junab quejeki' na chila'.

Ri Isaiy 65:7

tojbal rech ri qui il patan jacha' xukuje' chque ri quech ri e qui mam. We winak ri' xquiporoj c'oc' tak puwi' tak ri juyub, cäquiyac woyowal tza'm tak ri juyub. Quebenwajilaj na ri qui mac nabe, c'äte ri' quinya' ri c'äjisabal qui wäch ri takal chque.” Ri Ajawaxel are bininak.

Ri Jeremiy 3:21

Quetataj rakoj tak chi'aj paquiwi' ri tol tak juyub: ¡E are' ri aj israelib, ri quebok'ic ri xukuje' caquitz'onoj tok'obisam wächaj! Xquijuluch'ij quib che ri colomalaj be xinsach pa qui jolom, ri Ajawaxel ri qui Dios.

Ri Soponiy 3:2

Man xutatabej taj ri u ch'abal ri Ajawaxel man xujiquiba' ta u c'u'x chrij, man xutzucuj taj ri u Dios.

Ri Jeremiy 18:15

Are c'u ri nu tinimit in sachinak pa u jolom, quebuchi'j c'u c'oc' k'ol chque ri xa' e subunelab tak diosib. U jaluch'um ri u be, ri ojer u be, e u takem c'u tak be ri man e etamatal taj.

Ri Ezequiel 23:35

Rumal ri', in, ri Ajawaxel quinbij: “Rumal c'u rech chi in a sachom pa a jolom are c'u a yo'm can ri awij chnuwäch, cakajbej na ri c'äjisabal wächaj rech ri a tzokopitajic xukuje' ri rech ri a macunic quech nim ch'utin.”