Ri Jeremiy 13:21 - Quiché Bible

²¹ “¿Jas c'u ri cabij na, Jerusalen, aretak cäk'at na tzij pawi' cumal winak ri kas at xatyo'w tijonic chque? Quepe c'u na u k'oxomal yawab ixok chawe.

Ri Jeremiy 13:21 Referans Kwoze

Ri Isaiy 13:8

cäquichaplej na birbitem. C'axc'ol xukuje' k'oxowem cäkaj na paquiwi', cäquibak'atij na quib jacha' jun yawab ixok. E conorinak cäquica'yela' na quib, cäquiäkar na ri qui palaj rumal qui q'uixbal.

Ri Jeremiy 4:31

Quinta' jun rakoj chi'aj jacha' ta ne re jun ixok ri quec'ol u nabeal; e are tak wa' ri e u rakoj tak chi'aj ri Sion, ri cach'ikowic, quebuyuk ri u k'ab cubij c'ut: ‘¡Tok'ob nu wäch! ¡Quinequicämisaj ri cämisanelab!’ ”

Ri Jeremiy 38:22

Conojel ri ixokib ri quecanaj chupam ri rachoch ri ajawinel re Juda quebesax na ulok quejach c'u na pa qui k'ab ri e qui nimal tak rajch'ojab ri ajawinel re Babilon, kas e are' c'ut caquibij na: ‘Ri sibalaj e utzalaj tak rachil ri ajawinel xecuin che u subic xquich'äc c'ut; xquiya' c'olbal chi xebik'taj ri rakan chupam ri xok'ol xquiya' c'u can ri uwo quij chuwäch.’ ”

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Ri Isaiy 10:3

¿Jas lo ri quiban na aretak quiya' u bixic ri e i banom, aretak quiwilo chi petinak ri c'äjisabal wächaj chi naj?

1 Tesalonicenses 5:3

Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

Ri Ezequiel 28:9

¿La catakej ta c'u na u chomaxic chi at jun dios aretak at c'o chquiwäch ri a c'ulel? ¡Pa qui k'ab ri catcämisanic man c'o ta c'u jas a banic xak at jun apachique winak!

Ri Jeremiy 48:41

Tinimit tak xukuje' to'bal tak ib quekaj na pa u k'ab ri c'ulel. Chupam ri k'ij ri' ri e banal tak u ch'o'j ri Moab quebirbit na jacha' jun yawab ixok.

Ri Jeremiy 30:6

Chixc'otow tak chi'aj, che retamaxic we ya'talic chi jun achi calanic. ¿Jas c'u che, chi, quinwilo quequibak'atila' tak quib ri achijab jacha' ta ne ri c'o qui k'oxomal re alc'ualanic? ¿Jasche conojel e are' e uxinak sakperab?

Ri Jeremiy 22:23

Camic utz a banom chupam ri a soc man c'o ta cayo'w latz' chawe, chquixo'l tak ri chacalte' ri e c'amom ulok pa ri Libano, ¡quebarika' c'u na c'ax aretak chepe tak ri k'oxomal pawi', k'oxomal tak e jacha' ta ne e re alc'ualanic!”

Ri Jeremiy 6:24

Ri winak pa Jerusalen caquibij: “Ka tom ri tzijol, uj u tuktubisam c'ut ri xe'n ib; cakana' ri elemch'u'j xukuje' ri k'oxomal, jacha' jun ixok ri cac'oji' ral.

Ri Isaiy 21:3

Cäbirbob ri nu cuerp, quinbak'tila' wib rumal k'oxom jacha' jun yawab ixok, ri c'axc'ol cutz'apij ri nu xiquin, man quinca'y ta chi rumal ri xibriquil.

Ucab Ajawinelab 16:7

Are' c'u ri Acaz xebutak bic tako'n ruc' ri Tiglat-pileser, ajawinel re Asiriy, rech quequibij che, ri xubij bic: “We pataninel ech la ri' jacha' jun c'ojol la. Rumal ri' chpet la che nu to'ic chinesaj la pa u k'ak' ri ajawinel re Siriy xukuje' pa u k'ab ri ajawinel re Israel, ri cätajin quech'ojin wuc'.”

Ri Matey 24:8

Conojel we jastak ri' e chaplebal que k'oxowem.

Ri Jeremiy 2:25

¡Israel, mebe a soc ri awakan catxiquinic man e c'o ta a xajäb, maya' c'olbal chi cachaki'jar ri u pa a kul! Are c'u ri at xabij: ‘Jayi', man bantajel taj; quebenlok'ok'ej ri e jule' quinbe na cuc'.’ ”

Ri Jeremiy 4:30

Are c'u ri at, tinimit ri sachic cabano, ¿jasche cawatz'iakij awib ruc' morato?, ¿jasche cawik awib cuc' wikbal re k'an puak?, ¿jasche quebak'o' ri a bak'wäch ruc' k'ek? Man c'o ta chi cupatanij chi caje'lobisaj awib, e are' c'ut ri at lok' chquiwäch at qui q'uiakom canok, are c'u ri caquitzucuj camic are ri a cämical.